Helsesjukepleiar, 100% fast 

Om stillinga 

Gulen kommune har ledig 100% fast stilling som helsesjukepleiar frå snarast/etter avtale. Er du sjukepleiar og ynskjer å ta vidareutdanning i helsesjukepleie er du også velkomen til å søkje. 

Helsestasjonen/skulehelsetenesta i Gulen kommune har i dag tre helsesjukepleiarar i fulle stillingar, kor den eine vert ledig frå desember av.  

Helsestasjonen har sin base ved Gulen helsesenter i Eivindvik, kor dei er samlokaliserte med legetenesta. Skulehelsetenesta vil primært ha sin base på dei fire grunnskulane i kommunen.

Me tilbyr

• Ein historisk og framtidsretta kommune med fin natur og kjekke folk! 
• Spanande og varierte arbeidsoppgåver 
• Triveleg arbeidsmiljø 
• Gode forsikrings- og pensjonsordningar 
• Løn etter tariff 
• Ledig barnehageplass i kommunen 
• Hjelp til å orientere seg i bustadmarknaden

Arbeidsoppgåver 

• Arbeid i helsestasjon og skulehelsetenesta i tråd med nasjonalfaglege retningslinjer, lovverk og anbefalt program
• Helsestasjon for ungdom 
• Drive opplysingsarbeid og undervising
• Rådgjeving og rettleiing 
• Vaksinasjon
• Miljøretta helsevern/smittevern 
• Tverrfagleg samarbeid med andre tenester
• Helseundersøkingar/-kartlegging med oppfølgingsarbeid
• Arbeid tilknytt flyktningar/familieoppfølging
• Andre oppgåver som måtte kome til

Arbeidsoppgåver kan verte fordelt i tenesta etter kompetanse, erfaring og behov. 

Noko ettermiddag- og kveldarbeid må reknast med.

Kvalifikasjonskrav 

• Offentleg godkjent sjukepleiar med vidareutdanning i helsesjukepleie eller er i eit utdanningsløp 
• Sjukepleiarar utan vidareutdanning kan også vurderast, med vilkår om at vidareutdanning vert gjenomført (bindingstid 2 år etter godkjent vidareutdanning) 
• Det er ynskjeleg med erfaring innan helsestasjon og skulehelsetenesta 
• Gode norskkunnskapar - både munnleg og skriftleg
• Gyldig politiattest 
• Førarkort klasse B

Personlege eigenskapar 

• Er fleksibel og kommuniserer/samhandlar godt med barn, foreldre og kollegaer 
• Strukturert, sjølvstendig, samarbeider godt og er initiativrik 
• Bidrar til godt arbeidsmiljø 
• Bidra til ein stabil kvardag for brukarane av tenesta
• Å vere personleg eigna kan verte vektlagt ved tilsetjing

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, Miljøtenesta, i skule og i barnehage, vert det stilt krav om politiattest
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering