Etterforskar politibetjent 3/2/1
Avsnitt for etterforsking av SO og grov vald, FEFE, Møre og Romsdal politidistrikt
6501 Kristiansund N, 6065 Ulsteinvik, 6401 Molde, 6001 Ålesund, Storgata 43, 6508 Kristiansund N
Om jobben
Stillingstittel
Etterforskar politibetjent 3/2/1
Type ansettelse
Fast, heltid 100%
Arbeidsspråk
Norsk
Antall stillinger
4
Vi har ledig ei fast stilling som etterforskar i Kristiansund. Vi har også ledig vikariat i Molde til og med 30. september 2024, i Ulsteinvik til og med 31. august 2024 og i Ålesund til og med 31. desember 2024, med moglegheit til forlenging. Har du erfaring frå etterforsking og ønsker å bli ein del av vårt dedikerte team, vil vi gjerne høyre frå deg!
Stillingane som etterforskar skal bidra til å sikre stabilitet og kvalitet i etterforskningsarbeidet innan SO og grov vald og bidra til at Møre og Romsdal politidistrikt handterer sakene med den kvalitet og effektivitet som dette fagfeltet krev.
Arbeidet er prega av høgt tempo, og du må derfor ha god arbeidskapasitet. Du må og kunne vere fleksibel og like å finne løysingar då det ofte oppstår akutte saker som krev umiddelbar respons frå avsnittet. Arbeidsoppgåvene er givande og krevjande som følgje av at ein ofte jobbar med mennesker i krise, og ein må levere arbeid av høg kvalitet for å ta vare på rettstryggleiken. Du blir eksponert for mange sterke inntrykk gjennom handtering av ulike typar overgrepsmateriale. Vi har derfor eit særlig fokus på HMS, og vektlegg å ha eit godt arbeidsmiljø.
Vi har eit nært samarbeid med Statens Barnehus i Ålesund. Vi arbeider også tett med avsnitt for kriminalteknikk og avsnitt for digitalt politiarbeid. Vi har per i dag eit sterkt fagmiljø med ei fin blanding av erfarne medarbeidarar og unge etterforskarar med stor interesse for fagfeltet. Læring og utvikling står sterkt i miljøet og det er eit mål at dette skal videreførast og prege avsnittet.
Stillingane er for tida organisert ved Felles eining for etterretning, førebygging og etterforsking (FEFE), ved seksjon for etterforsking, ved avsnitt for SO og grov vald Nordmøre og Romsdal samt ved avsnitt for SO og grov vald Sunnmøre. Oppmøtestad er ved politihuset i Kristiansund, Molde, Ulsteinvik eller Ålesund. Det kan bli ledig fleire stillingar. Du må rekne med å reise noko i stillinga.
Vi ser fram til å høyre frå deg og ber deg oppgi i søknaden kva for oppmøtestad(ar) du søkjer på.
Arbeidsoppgåver
- Etterforsking av straffesaker som høyrer inn under FEFE/seksjon for etterforsking/avsnitt for SO og grov vald, og ved behov bistå dei geografiske driftseiningane
- Sørgje for effektivitet og høg kvalitet i etterforskingsarbeidet
- Utarbeide etterforskingsplanar i politiet sitt prosjektstyringsverktøy, herunder identifisere aktuelle hypoteser i den enkelte sak
- Gjennomføre avhøyr og andre etterforskingsskritt i tråd med hypoteser og bevistema
- Utføre taktisk gjennomgang av digitale beslag
- Delta i operative aksjonar i regi av eige avsnitt eller som bistand til andre einingar
- Bidra til at dei faglege oppgåvene som er tillagt avsnittet blir utført i samsvar med gjeldande lover, reglar og instruksar
- Vere pådrivar og støttespelar for utvikling av eit godt medarbeidarskap
- Kan påleggast andre arbeidsoppgåver av leiar
Kvalifikasjonar
Nødvendig:
- Fullført og bestått politi(høg)skule
- Erfaring frå etterforsking utover PHS
- Munnleg og skriftleg formidlingsevne på norsk og engelsk
- Generelt gode IKT-kunnskapar og må kunne bruke relevant saksbehandlingssystem og prosjektstyringsverktøy
- Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
Ønskeleg:
- Vidareutdanning innan etterforsking. Særleg vidareutdanning innan fagfeltet grov vold og seksuelle overgrep
- Erfaring frå etterforsking av seksuallovbrot og alvorlege valdssaker er ein fordel
- Erfaring og kompetanse på gjennomgang av digitale beslag er ein fordel
- Kurs i datasystem brukt til gjennomgang av beslag
- Anna relevant utdanning/erfaring
Personlege eigenskapar
- Du har gode samarbeidsevner og er opptatt av å skape resultat i samhandling med andre
- Du er strukturert og systematisk i arbeidet ditt
- Høg arbeidskapasitet/gjennomføringsevne
- Du har gode kommunikasjonsevner og flink på relasjonsbygging
- Du er fleksibel og løysingsorientert
Som medarbeidar i politiet har du høg etisk bevisstheit, du kjenneteiknast av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og om medarbeidarplattformen her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ei utfordrande og meiningsfull stilling som for deg som vil vere med på å forme politiet for framtida
- Fast stilling eller vikariat som etterforskar i Møre og Romsdal politidistrikt. Stillinga blir lønna som politibetjent 3/2/1 (SKO 1461/1459/1457 eller 1462/1460/1458).Tilsetting er avhengig av kompetanse, jf. Kompetansekriteriene for politibetjenter.
- Politibetjent 3 - brutto årslønn frå kr. 575 400 (ltr. 59) - 635 400 (ltr. 65)
- Politibetjent 2 - brutto årslønn frå kr. 509 300 (ltr. 51) - kr. 565 900 (ltr. 58)
- Politibetjent 1 - brutto årslønn frå kr. 487 700 (ltr. 48) - kr. 532 200 kr (ltr. 54)
- Ved eventuell endring av tjenesteområde vert det gitt lønnsplassering etter gjeldande lønnsnivå for området
- Godtgjersle etter gjeldande ATB og tillegg for eventuell turnusteneste
- Medlemskap i Statens pensjonskasse (SPK) med gode pensjons- og forsikringsordningar. Sjå www.spk.no for meir informasjon
- Fleksibel arbeidstid og mogelegheit for trening i arbeidstida
- Møre og Romsdal politidistrikt er ei IA-bedrift og er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.
Kontaktinformasjon
Ida Rindahl Hamnes, Avsnittsleiar avsnitt for etterforsking av SO og grov vald Nordmøre og Romsdal, 71589464Sunniva Dybvik, Avsnittsleiar avsnitt for etterforsking av SO og grov vald Sunnmøre
Arbeidssted
Storgata 436508 Kristiansund
Nøkkelinformasjon:
Arbeidsgiver: Møre og Romsdal politidistriktReferansenr.: 4787254729
Stillingsprosent: 100%
Fast stilling, Vikar
Søknadsfrist: 09.04.2024
Om bedriften
Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.
Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det.
Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.
Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.
Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Nettsted
www.politiet.no/jobb
Annonsedata
Rapporter annonse- Stillingsnummer
2607013
- Sist endret
10. april 2024
- Hentet fra
talentech
- Referanse
aa523614372244b79b8dff65447ad34b