Skrive master i jus? Vi tilbyr deltidsjobb og skriveplass
Lotteri- og stiftelsestilsynet
Storehagen 1B, 6800 Førde
Om jobben
Stillingstittel
Konsulent - masterstudent
Type ansettelse
Engasjement, deltid 40%
Arbeidsspråk
Norsk
Antall stillinger
1
Her får du bruke jussen i praksis, i lag med nasjonale ekspertar – samtidig som du skriv masteroppgåva di.
Det er 6200 stiftelsar i Noreg. I arbeidet vårt med å ha tilsyn med og rettleie dei dukkar det opp mange spennande juridiske problemstillingar knytt til styrearbeid og drift av stiftelsar. Dette kan for eksempel vere endring av vedtekter, habilitet eller om pengane går til formålet.
Fristar det å skrive masteroppgåve om noko innanfor stiftelsesretten eller om stiftelsar? Hos oss kan du få både skriveplass og deltidsjobb.
Du får eigen kontorplass hos Stiftelsestilsynet, og blir ein del av arbeidsmiljøet hos oss. Vi har både nyutdanna og erfarne juristar, men også samfunnsvitarar og økonomar. I lag med eit breitt fagmiljø får du bruke jussen i praksis, både i saksbehandling og rettleiing. Vi ser for oss at du jobbar to dagar i veka hos oss.
Om du vil kan vi gjerne lese gjennom deler av oppgåva di, og komme med tilbakemeldingar. Sidan vi er interesserte i det du skriv om, er det veldig kjekt om du presenterer masteroppgåva for oss når du er ferdig.
Vi ønsker å knyte til oss studentar med særleg interesse for stiftelsar og/eller styrearbeid. Dersom du synest desse temaa er interessante, tar vi gjerne ein prat. Vi har også skissert nokre problemstillingar som kan vere aktuelle eller hjelpe deg på veg.
Når vi skal velje mellom søknadar legg vi vekt på val av problemstilling, motivasjon for valet og karakterar hittil i studiet. Du må kunne formulere deg godt skriftleg og munnleg.
Vi er i utgangspunktet på leit etter deg som skal skrive oppgåve til hausten, men du kan også ta kontakt dersom du skal skrive oppgåve våren 2025.
Vilde Grimseth Halbrend jobba hos oss medan ho skreiv masteroppgåve i fjor. Her kan du lese om hennar oppleving.
Frist for å søke om skriveplass for hausten 2024 er 15. august, men vi kjem til å vurdere søknadar fortløpande. Send inn presentasjon av problemstillinga for oppgåva, CV og karakterutskrift.
PS. I tillegg til at du får verdfull arbeidserfaring og kjekke kollegaer, kan vi freiste med at vi har lokale midt i Førde sentrum og at vi har både kantine og treningsrom på huset.
Vi håpar å høyre frå deg!
Vite meir om stiftelsar?
Lyst å lese meir om kva stiftelsar er og gjer i det norske samfunnet? Les deg opp på våre rapportar om norske stiftelsar.
Kontaktinformasjon
Siw Heggedal Longvastøl, avdelingsdirektør Stiftelsestilsynet, 900 74 974Arbeidsstad
Storehagen 1B6800 FØRDE
Nøkkelinformasjon:
Arbeidsgivar: Lotteri- og stiftelsestilsynetReferansenr.: 4822585769
Stillingsprosent: 40%
Engasjement
Søknadsfrist: 15.08.2024
Om bedriften
Lotteri- og stiftelsestilsynet er ein spennande arbeidsplass som held til i Førde i Sunnfjord.
På huset jobbar rundt 90 engasjerte kollegaer innan mange forskjellege fagfelt.
Samfunnsoppdraget vårt er å sikre ansvarlege pengespel, ei sterk frivilligheit og trygge stiftelsar. Det betyr blant anna at vi skal passe på at norske pengespeltilbydarar og norske stiftelsar driv i samsvar med lova. Vi forvaltar også fleire støtteordningar til frivillige lag og organisasjonar, og fører tilsyn med blant anna Grasrotandelen til Norsk Tipping.
Vi har eit godt arbeidsmiljø, og ein velferdskomité som finn på kjekke ting for oss. Vi har mange toppturentusiastar på huset, så her er det gode moglegheiter for å hive seg med til fjells. Om topptur ikkje er di greie, så passar det kanskje betre å bli med på den faste torsdagstrimmen vår på Puls. Eller å hive seg med på quiz-laget vårt på Peppes. Vi har også fast quiz i kaffibaren i 5. etasje kvar dag etter lunsj 😊 Der får vi ofte servert gullkorn frå Arne, ein av IT-utviklarane våre.
Vi håpar å høyre frå deg! Om ikkje denne stillinga trefte blink i forhold til det du er på jakt etter, så er du sjølvsagt velkommen til å ta kontakt med oss likevel. Vi har stadig behov for flinke folk!
Nettsted
Annonsedata
Rapporter annonse- Stillingsnummer
2668158
- Sist endret
16. august 2024
- Hentet fra
talentech
- Referanse
9c0db9cb0ec149c5a76be351047798d4