Overleger og leger i spesialisering - Onkologi
Legar kreftavdelinga, Helse Møre og Romsdal HF
Åsehaugen 5, 6017 Ålesund
Om jobben
Stillingstittel
Overleger og leger i spesialisering - Onkologi
Antall stillinger
3
Onkologi - eit spennande fagfelt i rivande utvikling!
Vil du vere med å bygge vidare på det beste laget?
Vi søker både overlegar og LIS innen onkologi i Ålesund. Ledig frå omgåande, men startdato kan avtalast.
Det onkologiske tilbodet i Klinikk for kreftbehandling og rehabilitering i Helse Møre og Romsdal inneheld bl.a:
- Sengepost, stråleterapieining, lindrande team og poliklinikk i Ålesund. Sengeposten har fylkesfunksjon og har nyleg opna eigen dagpost
- Kreftpoliklinikk og lindrande team ved Volda, Molde og Kristiansund sjukehus
- I tillegg har vi spesialisert rehabilitering, hud og revmatologi som ein del av vår klinikk
Onkologi er eit svært spennande og variert fag som utviklar seg raskt. Nye behandlingsmetodar og teknikkar er i stadig utvikling. Onkologiske legar i vår seksjon er i dag delt inn etter faggruppene uro/sarkom/CNS; GI/malignt melanom; brystkreft/thyroidea og stråleterapi.
Onkologi gjer rike moglegheiter for forsking og det er etablert eige forskingsutval i klinikken.
Seksjonane gir eit breitt onkologisk tilbod til pasientane. Dette gjeld også pasientar utanfor Helse Møre og Romsdal sitt primærområde, om faglege og geografiske omsyn gjer dette naturleg.
Klinikken ønsker å vere både fleksibel og framtidsretta. Vi arbeider mykje med dette for å best mogeleg kunne møte utfordringane vi veit kjem i nær framtid.
Vi ber om at attestar og vitnemål vert lasta opp som vedlegg til søknaden din.
Arbeidsoppgåver
- Kliniske arbeidsoppgåver knytta til sengepostdrift, polikliniske konsultasjonar, vurdering av henvisningar, deltaking på MDT-møter, tilsyn og vurdering av stråleterapi
- Delta i videreutvikling, samt nyskaping av tilbodet i seksjonen vår
- Deltaking i kliniske studier
- Deltaking i vaktordning ved sengeposten i Ålesund
Kvalifikasjonar
- Medisinsk embetseksamen med autorisasjon som lege i Norge
- Godkjent spesialitet innan onkologi er ein fordel
- Du har gode kunnskapar i norsk, både munnleg og skriftleg
- Vi legg vekt på at du er god i det kliniske arbeidet med kreftpasientar
- Du er innovativ og nyskapande
- Du deler din kunnskap med andre
Personlege eigenskapar
- Du har gode samarbeidsevner og har evne til å leie team
- Du trivst i eit aktivt, framoverlent og hektisk miljø
- Du bidreg til eit godt arbeidsmiljø
- Du arbeider godt både sjølvstendig og i team
- Du er ansvarsbevisst
- Du har gode kommunikasjonsevner
Å vere personleg eigna vert vektlagt ved tilsetting.
Vi tilbyr
- Sterkt tverrfagleg samarbeid
- Ein inkluderande arbeidsplass
- Løn etter gjeldande overeinskomstar
- Medlemskap i god offentleg pensjonsordning og fordelaktige forsikringsvilkår
Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.
Kontaktinformasjon
Nils Eivind Skottner, Seksjonsleiar, +47 70106939, Nils.Eivind.Skottner@helse-mr.noArbeidsstad
Åsehaugen 56017 Ålesund
Nøkkelinformasjon:
Arbeidsgivar: Helse Møre og Romsdal HFReferansenr.: 4824450366
Stillingsprosent: 100%
Fast
Søknadsfrist: 22.07.2024
Om bedriften
Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. Nytt felles akuttsjukehus for Nordmøre og Romsdal er under bygging på Hjelset i Molde kommune, og skal stå klart for innflytting våren 2025. I Kristiansund vert det vidare eit breidt spesialisthelsetenestetilbod med poliklinikk, dagbehandling og dagkirurgi. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Helse Møre og Romsdal er underlagt offentleglova. Vi arbeidar for meiroffentlegheit, og søkarlista til stillinga kan bli offentleggjort. Ein kan be om unntak frå offentleg søkarliste. Unntak skal grunngjevast frå søkar si side. Arbeidsgivar vil vurdere ei slik oppmoding, og søkar vert kontakta om oppmodinga ikkje vert tatt til følgje.
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseføretaket, sjå Helse Møre og Romsdal
Sektor
Offentlig
Nettsted
Annonsedata
Rapporter annonse- Stillingsnummer
2672520
- Sist endret
23. juli 2024
- Hentet fra
talentech
- Referanse
15d945af8320445fb0c067703d04aea5