Fast 100 % stilling for sjukepleiar (ref.nr: 633)
Vi tilbyr kr 20 000 i tillegg til ordinær lønn som rekrutteringstiltak
Ved Aurland helsetun:
er det ledig fast 100 % stilling frå 12.06.19
Arbeidsoppgåver
- Bistand til bebuarar ved institusjonen
- Pasientansvarleg sjukepleiar har fagansvar og er bindeleddet mellom avdeling, pasient/pårørande og andre eksterne instansar
- Legemiddelhåndtering og administrering
- Dokumentasjon i journalsystemet Gerica
- Tverrfagleg samarbeid
- Oppgåver delegert frå avdelingsleiar
Me søkjer deg som:
- er motivert til å jobbe innan eldreomsorg
- arbeider sjølvstendig og målretta og samarbeider med andre
- kan sjå løysingar og sammanhengar
- kan iverksetje, følge opp og avslutte oppgåver
Kvalifikasjonar
- Du må ha autorisasjon som sjukepleiar/vernepleiar
- Erfaring frå arbeid med brukargruppa er ønskeleg, men god opplæring blir gitt om du er nyutdanna
- Søkjar må kunne dokumentere gode kunnskapar i norsk, både munnleg og skriftleg
Løns- og tilsetjingsvilkår
Tilsetting, løn og arbeidsvilkår er i samsvar med gjeldande lovverk, reglement og tariffavtale.
- tredelt turnus med arbeid kvar 3. helg der heimevakter er rekna inn i turnusen.
- om det blir aktuelt å ta ei ekstra heimevakt, blir denne betalt med ein faktor 1:3
Det blir stilt krav om ny politiattest jfr. helsepersonellova.
Me tilbyr
- kr 20 000 som rekrutteringtiltak i tillegg til grunnlønn etter ansiennitet
- høve til fagutvikling - med spennande arbeidsoppgåver der det vert jobba systematisk med kvalitetsutvikling for å skape ein god kvardag for bebuarane
- ein arbeidsplass i utvikling og endring
- eit godt arbeidsmiljø
- samarbeid med nyoppretta fagutviklarstilling
- gratis bruk av treningsrom/styrkerom
Generell informasjon om søknadsprosessen
Aurland kommune nyttar elektronisk søknadsskjema. Det betyr at vi kun tek imot søknader gjennom vår elektroniske søkjeportal. Dersom du treng hjelp til å søkje eller har problem med pålogging kan du kontakte oss på tel 5763 2900. Dersom du er tilsett i kommunen eller tidlegare har søkt på ledig stilling hjå oss vil du allereie vere registrert som brukar i systemet. For å få tilsendt passord må du klikke "glemt passord".
Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette i elektronisk søknadsskjema og grunngje valet i søknadsteksten. Vi tek kontakt med søkjarar som har bedt om dette, dersom vi meiner at grunngjevinga ikkje er tilstrekkeleg.
Om bedriften
Aurland ligg vakkert til ved Sognefjorden, sentralt ved E16 mellom Oslo og Bergen. Vi vil vera Norges fremste kommune på heilårsturisme, og har eit mangfaldig næringsliv i sterk vekst. Vi er snart 1800 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge og gode oppvekstkår, kultur, nærings- og bustadutvikling og god tenesteyting.