Fagarbeider/assistent
Osterøy kommune
Geitaryggen 8, 5282 Lonevåg
Om jobben
Stillingstittel
Fagarbeider/assistent
Type ansettelse
Fast
Arbeidsspråk
Norsk
Antall stillinger
2
Om stillinga
- Vikarpoolen i Osterøy starta opp hausten 2023 for å ha faste tilsette som kan fungere som vikar i alle dei kommunale barnehagane våre. Dette har vore ein tryggleik for barnehagane og no treng me to fagarbeiderar/assistentar i teamet vårt.
- Me har ledig to 100% stillingar - 1 fast stilling og 1 vikariat fram til medio februar 2025. Stillingane er ledige frå 1.september.
- Som tilsett i vikarpoolen må du vere positivt innstilt til å vere i alle barnehagane våre og fleksibilitet er eit nøkkelord i desse stillingane.
Arbeidsoppgåver
- Leggje til rette for barns leik og ta ein aktiv rolle i leik og barns aktivitetar
- Støtte og vere tilstades for barn i leik og alvor
- Samarbeide med foreldre og kollegaer
- Delta i daglege gjeremål på avdelingane
Vi tilbyr
- Fagleg utvikling og tett samarbeid med kollegaer
- Godt arbeidsmiljø og ein utviklingsorientert organisasjon
- Dedikerte, engasjerte og positive kollegaer
- Tariffløn, offentleg pensjonsordning og arbeidsvilkår etter gjeldande lov og avtalar
- Ein arbeidsstad som er inkluderande (IA) bedrift
Kvalifikasjonskrav
- Det er ønskjeleg med fagbrev i barne- og ungdomsarbeiderfaget.
- Har du ikkje fagbrev men relevant erfaring frå liknande arbeid, ønskjer vi likevel å høyre frå deg!
- Gode norskkunnskaper, munnleg og skriftleg jf Barnehageloven § 27.
Kven er du?
- Du ser kvart enkelt barn og er god i leik og samspel med barna
- Du er ein trygg vaksen som er til stades og støtter barna når dei treng det
- Du samarbeider godt med foreldre og kolleger
- Du evner å få overblikk, ta inititativ og vise engasjement
- Du er positiv, fleksibel og utprega løysingsorientert
Offentleg tenestepensjon
I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide - og livet ut!
Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar!
Sjå vår Pensjonsguide for meir informasjon om kva for godar du som tilsett i Osterøy kommune får med deg!
Om bedriften
Osterøy kommune – Nær byen, nær naturen. Osterøy, ei av Nord-Europas største innlandsøyer, eit levande lokalsamfunn med allsidig næringsliv, godt utbygd servicetilbod og vakkert landskap. Folketalet er på om lag 8 000 innbyggjarar og det er både bru- og ferjesamband til nabokommunen Bergen. Frå Lonevåg sentrum, kommunesenteret vårt, tar køyreturen til Bergen om lag 45 minutt, til Åsane tar det om lag 30 minutt og til Arna kjem du på om lag 20 minutt. I tillegg til Lonevåg har ein og Valestrand, Haus, Fotlandsvåg og Bruvik som større bygder/tettstadar.
Osterøy har ein allsidig og livskraftig småindustri innan mekanisk, møbel, tekstil og næringsmiddelindustri. Fiskeoppdrett/-foredling er og ei viktig næring. Landbruk sysselset om lag 300 personar og tømraryrket står framleis høgt i kurs her på Osterøy.
I Osterøy skal det vere godt å bu både for unge og eldre. Kommunen har eit rikt kulturliv, ulike idrettsaktivitetar, godt utbygd skule- og barnehagetilbod og gode helse- og sosiale tenester.
Bli med på laget i Osterøy kommune! Me ønskjer oss stadig fleire kompetente og engasjerte medarbeidarar. Me ser fram til å ta godt i mot deg og gje deg ein meiningsfull arbeidskvardag.
Sektor
Offentlig
Nettsted
Annonsedata
Rapporter annonse- Stillingsnummer
2695562
- Sist endret
5. august 2024
- Hentet fra
jobbnorge
- Referanse
10217742