Havforskingsinstituttet søkjer nye nevar ved biologisk drift
Om stillinga
Ved biologisk drift ved Stasjon Bergen er det ledig ei 100 % fast stilling som avdelingsingeniør. Den som vert tilsett skal jobbe med drift og vedlikehald av smittelaboratoria våre, og med assistanse i pågåande forsøk.
Sentrale arbeidsoppgåver
Som den nye medarbeidaren vår på biologisk drift vil du få mange varierte og spanande arbeidsoppgåver. Dette inneber mellom anna
- dagleg drift av smittelaboratoria våre
- å hjelpe med produksjon av og ta hand om sebrafisklinjer, dessutan produksjon av levande fôr
- å vera med i produksjon av og ta hand om lakseluslinjer og andre aktuelle parasittartar
- dagleg tilsyn og røkting av oppdrettsorganismar som inngår i forsøk
- å vera ein støttespelar for utarbeiding av instruksar, prosedyrar og risikovurderingar
- transport av fisk
- overvaking av behandlingsanlegg for avlaupsvatn
- generell assistanse i pågåande forsøk
I tillegg vil du bli ein del av ei vaktordning (bakvakt) med telefonvakt om lag kvar fjerde helg.
Andre oppgåver kan verte aktuelle. Felt- og toktarbeid, dessutan anna reiseverksemd knytt til stillinga kan òg førekoma. Vi vektlegg fleksibilitet med omsyn til å ta på deg oppgåver som er naudsynte for den daglege drifta.
Kvalifikasjonskrav
Vi søkjer etter en kandidat med utdanning tilsvarande bachelorgrad innan biologi (havbruksbiologi, akvakultur eller liknande) frå høgskule eller universitet. I tillegg er det ynskjeleg med nokre års relevant erfaring. Kandidatar med fagutdanning innan akvakultur vil også bli vurderte til stillinga. Kandidaten må ha førarkort klasse B.
Arbeidsspråket på Havforskingsinstituttet er norsk. Det å kunne kommunisere godt på norsk er ein viktig føresetnad både for den tilsette og for instituttet. Vi legg til grunn at ikkje-norskspråklege tilsette gjennomfører norskkurs i løpet av dei to fyrste åra etter tilsetting. Norskopplæring vil bli dekka av instituttet etter fullførte og beståtte kurs.
Ynskjeleg kompetanse
Til denne stillinga er det ein føremon at du har
- erfaring innan drift av akvakulturanlegg og kunnskap om fiskehelse
- gjennomført forsøksdyrkurs med vekt på fisk. Kandidatar som ikkje har godkjend forsøksdyrkurs må ta dette kurset ved tilsetting. Kurset vil bli dekka av arbeidsgjevar.
- dokumentert arbeidserfaring frå tilsvarande stilling
- dokumentert relevant teknisk og biologisk kunnskap om drift og vedlikehald av akvakulturanlegg
Vi tilbyr
- arbeid i ein leiande forskingsinstitusjon i Europa, med stor samfunnsmessig verdi
- eit spanande og solid fagmiljø
- fleksitidsordning, med sommar- og vintertid
- offentleg tenestepensjonsordning i Statens Pensjonskasse
- lokalar sentralt i Bergen
- bedriftshytter
- bedriftsidrettslag
Ytterlegare informasjon
Stillinga vert lønt som 1085 avdelingsingeniør i samsvar med Hovedtariffavtalen i staten.
Søknad må sendast elektronisk via Jobb Norge. CV, relevante attestar og vitnemål må leggast ved i søknaden.
Vi gjer merksam på at opplysningar om søkjarar kan bli offentleggjorde, sjølv om søkjaren har bedt om å vera unnateken søkjarlista. Søkjaren vil bli orientert om dette på førehand.
Ynskjer du fleire opplysninger om stillinga kan du kontakte senioringeniør Enrique Garcia på telefon +47 414 58 084, eller e-post enrique.garcia@hi.no, eller seksjonssjef Merete Fonn på telefon +47 413 04 063, eller e-post merete.fonn@hi.no.
Besøk gjerne nettsidene våre på www.hi.no .
Om bedriften
Om Havforskingsinstituttet
Havforskingsinstituttet er eitt av dei største marine forskingsinstitutta i Europa, med vel tusen tilsette og ei rekkje forskingsfasilitetar og laboratorium av høg internasjonal standard. Hovudaktivitetane våre er forsking, rådgjeving og overvaking. Havforskingsinstituttet eig og driv seks forskingsfartøy. Hovudkontoret vårt ligg i Bergen. Vi har også avdeling i Tromsø, og forskingsstasjonar i Matre, Austevoll og Flødevigen.
Havforskingsinstituttet skal vere ein leiande kunnskapsleverandør for å sikre ei bærekraftig forvalting av ressursane i dei marine økosystema, både nasjonalt og internasjonalt, og for heile kjeda frå hav til mat, inkludert det marine miljøet, fiskeernæring og trygg og sunn sjømat.