Dagleg leiar for IKT Nordfjord
Stad kommune
Rådhusvegen 11, 6770 Nordfjordeid
Om jobben
Stillingstittel
Dagleg leiar for IKT Nordfjord
Type ansettelse
Fast, heltid 100%
Arbeidstid
Dagtid
Arbeidsspråk
Norsk
Antall stillinger
1
Vil du vere med å vidareutvikle kommunesektoren i ein spanande region?
IKT Nordfjord er eit kommunalt oppgåvefellesskap mellom kommunane Bremanger, Gloppen, Kinn, Stad og Stryn. Selskapet skal gjennom målretta bruk av informasjons- og kommunikasjonsteknologi bidra til utvikling av tenesteproduksjon, publikumsservice og administrative tenester i deltakarkommunane.
Samarbeidet er delt i to einingar: ei strategieining (IKT strategi) og ei driftseining (Nordfjordnett), under leiing av eit representantskap, eit styre og ein dagleg leiar. Samarbeidet har to hovudkontor. Stad kommune er kontorkommune for dagleg leiar og strategieininga. Kinn kommune er kontorkommune for driftseininga. Stad kommune er formell arbeidsgjevar for dagleg leiar, men det utøvande arbeidsgjevaransvaret ligg hjå styret.
Vi søkjer etter ein initiativrik og sjølvstendig person som og er ein motiverande og operativ leiar for IKT-samarbeidet. Inkluderande leiarskap i eit kompetansetungt miljø og fokus på digital utvikling er sentralt for utviklinga av samarbeidet. Gode kommunikasjonseigenskapar og evne til å skape tillit er viktig. Du må vere resultatorientert og kunne arbeide strategisk.
Heile kommunesektoren er i utvikling, noko som og påverkar støttefunksjonane. Det kan såleis bli aktuelt med organisatoriske endringar i oppgåvefellesskapet.
Arbeidsoppgåver
- Dagleg drift av oppgåvefellesskapet med økonomi- og personalansvar
- Sakshandsaming for styret
- Strategi- og utviklingsarbeid
- Kontakt med samarbeidskommunane og andre samarbeidspartnarar
- Prosjektleiing og kontraktsoppfølging
Kvalifikasjonar
- Relevant høgare utdanning
- God munnleg og skriftleg framstillingsevne
- Brei erfaring i bruk og utvikling av IKT-tenester
- Erfaring frå offentleg verksemd vil vere ein fordel
Personlege eigenskapar
- Har gode kommunikasjonsevner
- Har evne til å skape tillit, skape gode relasjonar og få til samarbeid
- Har god digital forståing og forståing for samanheng mellom teknologi, organisasjon og menneske
- Er strategisk, strukturert og målretta i arbeidet
- Er initiativrik, sjølvstendig og motiverande
Vi tilbyr
- Ei sentral rolle i utviklinga av ein framtidsretta kommunesektor
- Ein utviklingsorientert organisasjon
- Fleksibel arbeidstidsordning
- Gode pensjons- og forsikringsordningar
- Konkurransedyktige vilkår - løn etter avtale
- Flyttegodtgjersle om du vil flytte til kommunen vår
Stad kommune har 6 månader prøvetid. Attestar og vitnemål skal lastast opp saman med søknaden.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Dersom du har spørsmål om utlysninga kan du ta kontakt med Tom Joensen, styreleiar - 47 61 96 41 eller Kristine Dahl, kommunedirektør Stad kommune - 90 53 61 57.
Kontaktinformasjon
Tom Joensen , styreleiar, 47 61 96 41, tom.joensen@bremanger.kommune.noKristine Dahl, kommunedirektør, 90 53 61 57, kristine.dahl@stad.kommune.no
Kristin Otneim Aarsnes, stabsleiar strategi og samordning, 99 60 40 80, kristin.otneim.aarsnes@stad.kommune.no
Arbeidsstad
Rådhusvegen 116770 Nordfjordeid
Nøkkelinformasjon:
Arbeidsgivar: Stad kommuneReferansenr.: 4816134087
Stillingsprosent: 100%
Fast
Søknadsfrist: 01.08.2024
Om bedriften
Stad kommune har om lag 9 600 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad, Bryggja og Totland vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit variert næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!
https://www.nordfjord.no/stad
https://www.einstadistad.no/
Sektor
Offentlig
Nettsted
Annonsedata
Rapporter annonse- Stillingsnummer
2659818
- Sist endret
2. august 2024
- Hentet fra
talentech
- Referanse
95b5ff47f79d4f8a8441843d1fd6e6df