Kontrollingeniør i Sogn
Org. nr: 923722890 Stillingsident: 4197403879 Presentasjon av stillingen:
Vestland fylke skal sikre og utvikle gode og vekstkraftige lokalsamfunn og sterke by- og senterområde. Dei regionale tenestene til innbyggarane, organisasjonar og næringslivet skal vidareutviklast med høg kvalitet. Fylket skal sikra ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa. Den nye fylkeskommunen skal bidra til å bygge ein sterkare felles kultur og identitet på tvers av dagens fylkesgrenser, samtidig som innbyggarane si tilknyting til lokalsamfunna vert tatt vare på.
Avdelinga skal gjennomføre planlegging, utbygging, drift og vedlikehald av om lag 5600 km fylkesveg. Ivareta fylkeskommunen sine forvaltningsoppgåver som vegeigar. Vi skal samordne aktørar med ansvar for trafikksikring i fylket. Ta i vare heilskapleg utbygging av transportinfrastruktur i arbeidet med Nasjonal transportplan og ha naudsynt beredskap i samband med hendingar på vegnettet.
Planlegging og utbyggingsseksjonen har ansvar for planlegging og bygging av fylkesvegar, gang og sykkelvegar, tunnelar og bruer i Vestland fylke. Seksjonen dekker alle fagområde knytt til dette arbeidet; planlegging, prosjektering, grunnerverv, landmåling, geologi, geoteknikk og utbygging/byggherre. Byggherremiljøet er delt i tre geografiske einingar, Prosjekt Nord (Sogn og Fjordane), Prosjekt Sør (Hordaland) og Prosjekt Bergen.
Stillingane er knytte til Prosjekt Nord og dekker i hovudsak kommunane Aurland, Årdal, Lærdal, Sogndal, Luster, Vik, Høyanger. Det kan og vere aktuelt med prosjekt i andre kommunar.
Arbeidsoppgåver
- Delta i prosjektering og utarbeiding av konkurransegrunnlag for eigne prosjekt
- Følgje opp kontraktsarbeid mot entreprenør og delta i byggjemøter
- Følgje opp kvalitet, framdrift og HMS på prosjekt
- Medverke til informasjonsoverføring mellom dei ulike fasane i prosjekt
- Rapportere til byggjeleiar
Kvalifikasjonskrav
- 3 år høgskuleutdanning innafor områder som anlegg eller byggrelaterte fag, tekniske fag, eller administrasjon. Lang dokumentert erfaring frå fagfeltet kan kompensere for manglande formell utdanning.
- Førarkort kl. B
Ønska kvalifikasjonar
- Erfaring med prosjektoppfølging
- Gode IT-kunnskapar
- God skriftleg og munnleg framstillingsevne
Personlege eigenskapar
Vi er ute etter medarbeidarar som er fleksible, sjølvstendige, har gode samarbeidsevner, er løysingsorienterte, strukturert og som har god gjennomføringsevne.
Vi tilbyr
- Ei fagleg utfordrande og spennande stilling med stor samfunnspåverknad
- Eit sterkt og inkluderande fagmiljø
- Spennande oppgåver og gode vilkår for fagleg utvikling
- Gode forsikrings- og pensjonsvilkår
- Fleksibel arbeidstid
Anna informasjon
Administrasjonsmålet i fylkeskommunen er nynorsk.
Alle nytilsetjingar i fylkeskommunen blir gjort med ei prøvetid på 6 månader.
Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort
Spørsmål om stillinga rettast til leiar. Dersom du har spørsmål knytt til søknadsprosessen, kontakt Ruben Nordvik ved HR-avdelinga.
Kontaktinformasjon
Ruben André Nordvik, Fagarbeider, 96943099
Gunnar Solbakken, Leiar, 91109391
Arbeidsstad
Askedalen 4
6863 Leikanger
Søk på stillinga:Klikk her
Nøkkelinformasjon:
Arbeidsgjevar:Vestland fylkeskommune
Referansenr.:4197403879
Stillingsprosent: 100%
Fast
Søknadsfrist: 15.03.2020