Einingsleiar/Fysioterapeut 

Ortopedisk seksjon ved Lærdal sjukshus har ledig stilling som einingsleiar/fysioterapeut. 

Fast 100% stilling frå 01.04.2025: 50% einingsleiar og 50% fysioterapeut i drift. 

Stillinga er for tida ei av 4 faste stillingar (leiar, 2 fysioterapeutar, 1 turnuskandidat i fysioterapi). Hovedtyngda av arbeidet er ved ortopedisk avdeling seksjon Lærdal. Omlag 50% av  stillinga er knytt til Medisinsk avdeling.

Lærdal er ein fin, liten stad med store naturopplevingar i hagen din, med gode turmoglegheiter for alle. Plasseringa gjer Lærdal til eit knutepunkt mellom Oslo og Bergen. Sjukehuset har ei eiga personalhytte på Filefjell. I tillegg har Lærdal vestlandets trivlegaste arbeidsplass, nemleg lokalsjukehuset. Her har vi eit godt fagmiljø, samstundes er vi ikkje større enn at vi vert godt kjende på tvers av avdelingane. Dette bidreg til eit godt samarbeid samt gode moglegheiter for å skaffe seg nye bekjente. Vi har fleire sosiale samankomstar gjennom året og ønskjer deg velkommen til å vere med!

Einingsleiar blir ein del av leiargruppa til seksjonsleiar Medisinsk- og Ortopedisk seksjon.

Er du nysgjerrig, ta gjerna kontakt med seksjonsleiar!

Ved intern tilsetting, blir det ledig 100% stilling som fysioterapeut - skriv gjerna i søknaden om det er aktuelt!

Arbeidsoppgåver

Einingsleiar: 

• Einskapleg leiing med fag, personal og økonomiansvar i samsvar med Helse Førde sine prinsipp for leiing. 
• Medarbeidaroppfølging
• Månadleg rapportering vedørande aktivitet og økonomi, budsettarbeid
• Deltaking i leiarmøte i seksjonen, avdelinga og klinikken.
• Kvalitetsarbeid som inkluderar internkontroll, avviksbehandling, forbetringsprosjekt osv.
• Deltaking i lokale, regionale, nasjonale prosjekt/utval
• Samhandling med både interne og eksterne partar

Fysioterapeut:

• Fysioterapi til postoperative ortopediske pasientar
• Poliklinisk vurdering/kontroll av ortopediske pasientar
• Del av tverrfagleg ortopedisk poliklinikk
• Fysioterapi til inneliggande indremedisinske pasientar
• Fysioterapi ved poliklinisk hjerterehabilitering
• Undervise på Lærings- og meistringskurs
  

Kvalifikasjonar

• For stillinga krevst det dokumentert autorisasjon.
• Det vert lagt vekt på leiarerfaring
• Beherske norsk godt, både skriftleg og munnleg. 
• God datakunnskap / tryggleik i bruk av dataverktøy
  

Personlege eigenskapar

• Du har gode samarbeidsevner, er arbeidsvillig og initiativrik
• Du må fremje god kommunikasjon og samhandling internt og eksternt i organisasjonen
• Du må vere fleksibel, endringsvilleg, resultatorientert og beslutningsdyktig
• Du må kunne arbeide godt både sjølvstendig og i team
  
• Du må fysisk kunne delta aktivt i utandørs hjerterehabilitering

Det vert lagt vekt på personlege eigenskapar

Vi tilbyr

• Leiarstilling: lønn etter avtale
• Fysioterapeut: lønn i samsvar med gjeldande overeinskomst 
• Gode pensjons- og forsikringsordninga
• Fagleg utvikling innan leiing
• Ein arbeidsplass som er ei inkluderande arbeidslivsbedrift (IA-bedrift)
• Personalhytte på Filefjell
• Hjelp med å skaffa bustad

 
Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Hrafnhildur Yr Elvarsdottir, Seksjonsleiar Medisinsk - og Ortopedisk seksjon Lærdal sjukehus, (+47) 415 30 456

Arbeidssted

Sjukehusvegen 9
6887 Lærdal

Nøkkelinformasjon:

Arbeidsgiver: Helse Førde

Referansenr.: 4905018048
Stillingsprosent: 100%
Fast
Søknadsfrist: 02.02.2025