Prošeaktajođiheaddji - verddeskuvllat ja verddemánáidgárddit
Bargoviidodat virggis
Sámi oahpaheaddjeoahpuid goađis lea rabas 100%
prošeaktajođiheaddjevirgi gii galgá ásahit ja ovdánahttit ovttasbarggu gaskal Sámi oahpaheaddjeoahpuid, skuvllaid ja mánáidgárddiid Norggas, Ruoŧas ja Suomas. Verddevuođas skuvllaiguin ja mánáidgárddiiguin galgat ovddidit
oahpaheaddjestudeanttaid gealbudeami ja bargohárjáneami, ja galgat láhčit dili oahpaheddjiid profešuvdnaovdánahttimii ja gelbbolašvuođaloktemii.
Prošeaktajođihanvirgi bistá 31.8.2024 rádjái.
Prošeaktajođiheaddji barggut leat
• ovdánahttit ja doaimmahit ovttasbarggu verddeskuvllaiguin ja
verddemánáidgárddiiguin Norggas, Ruoŧas ja Suomas
• doaibmat resursan ja koordináhtorin oahpaheaddjeoahpuid, skuvllaid ja mánáidgárddiid gaskasaš ovttasbarggu ovdánahttimiin
• hutkat gelbbolašvuođadoaimmaid ovttas allaskuvlla fágabargiiguin, oahpaheaddjestudeanttaiguin, verddemánáidgárddiiguin ja verddeskuvllaiguin, mat gusket regionála gelbbolašvuođadoaimmaid huksemii mánáidgárddiin (Rekomp), desentrála gelbbolašvuođalokten ortnegii skuvllain (Dekomp) dahje eará ortnegiidda
• doaimmahit bargguid čadnon rabas lassi- ja joatkkaoahpuide,
erenoamážit verddemánáidgárddiid ja verddeskuvllaid varas
Virggi sajádat organisašuvnnas ja bargoviidodat sáhttá rievdat
organisašuvdnanuppástuhttimiid geažil.
Gelbbolašvuođagáibádusat
Virgái gáibiduvvo:
• relevánta alit oahppu mastergráda dásis, bachelorgráda oktan
relevánta bargohárjánemiin sáhttá buhttet mastergráda.
• relevánta bargovásáhus
• buorre čálalaš ja njálmmálaš gelbbolašvuohta sámegielas ja
skandináva gielas
• buorit ovttasbargo- ja gulahallanattáldagat
Sávahahtti máhtolašvuohta:
• vásáhusat strategalaš gaskavuođahuksejeaddji barggus
• diehtu skuvllaid, mánáidgárddiid ja profešuvdnaovddideami birra
• digitála gelbbolašvuohta
Dasa lassin mii deattuhit movtta bargat virggis ja persovnnalaš
heivvolašvuođa. Dus lea dáiddu bargat iešheanalaččat ja ulbmildiđolaččat.
Deattuhit maid positiiva vuoiŋŋa, máškitvuođa ja veahkkáivuođa. Dus leat nana bargonávccat, čađahat bargguid buori áiggis ja barggat ulbmillaččat.
Virggehasas gáibidit dárkilvuođa ja struktuvrra bargguid čađaheamis.
Mii fállat
• virggi mas leat ovdánahttinvejolašvuođat girjás birrasis
• ođđaáigásaš visttiid ja máŋggabealat čálgofálaldagaid
• heivehahtti bargoáiggi
Bálká
Virgi bálkáhuvvo oahpu ja ánssu mielde Stáhta bálkáplána 90.500 vuođul, virgekoda 1434 ráđđeaddi dahje 1364 seniorráđđeaddi, ovdalis vásáhusaid ja gelbbolašvuođa vuođul.
Formála lassigelbbolašvuohta sámegielas unnimustá 60 oahppočuoggá bachelordásis lassin dan mii lea biddjon gelbbolašvuođagáibádussan virgealmmuhusas, addá unnimustá guokte bálkáceahki lassin vuođđobálkái vuosttašgeardde virgáibidjamis Sámi allaskuvllas.
Bálkkás gesso 2 % geatnegahtton divat Stáda penšuvdnakássii.
Ohcan
Ohcan oktan CV:in ja dokumentašuvnnaiguin sáddejuvvojit elektrovnnalaččat www.jobbnorge.no bokte. Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: kundeservice@jobbnorge.no dahje riŋget
telefovdnii: 75 54 22 20.
Ohcanáigemearri: 10.11.21
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.
Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje
kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš.
Mearkumat bargoohcciportálas hábmejit vuođu anonymiserejuvvon statistihkkii maid buot
stáhtalaš ásahusat raporterejit iežaset jahkeraporttain.
Sámi allaskuvla lea IA-ásahus ja deattuha bargodili heiveheami ovttaskas bargái.
Bivdit almmuhit unnimusat guokte referánsa.
Ohccit sáhttet gohččot bargojearahallamii.
Dievdoolbmot ávžžuhuvvojit ohcat dásseárvo- ja vealahanlága § 9 ja § 29 vuođul. Jus guovtti dahje eanet ohcciin lea sullii seamma olu gelbbolašvuohta virgái, de vuoruhuvvo dievdoolmmoš ovddabeallái nissonolbmo dásseárvo- ja vealahanlága § 9 vuođul.
Fárrendoarjja máksojuvvo stáhta njuolggadusaid mielde.
Finnmárkkus lea sierra ortnet geahpedit lohkanloana ja vearrogeahpádus. Sámi allaskuvllas lea šiehtadus Ovttastahtti bargoeallima birra, ja deattuha bargodili láhčimis juohke
mielbargái.
Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Virggis lea 6 mánu geahččalanáigi.
Oktavuođadieđut
Eanet dieđuid virggi birra oažžu Sámi oahpaheaddjeoahpuid goahtejođiheaddjis John-
Marcus Kuhmunen tlf. (+47) 78 44 849 1 / (+47) 904 02 470 e-poasta: jonmk@samas.no
Om bedriften
Sámi allaskuvla
Sámi allaskuvla lea stáda alitoahppo- ja dutkanásahus. Das lea sámi ja eamiálbmot vuolggasadji buot oahpahusas ja dutkamis mas sámegiella, árbevirolaš máhttu ja ođasmahttin leat guovddážis.
Sámi allaskuvllas leat sullii 200 studeantta ja badjelaš 100 bargi. Sámi lohkanguovddáš, mii lea nášunala gelbbolašvuođaguovddáš, lea maiddái oassin Sámi allaskuvllas.