Fagansvarleg partnar- og æresrelatert kriminalitet

Vi har ledig vikariat som fagansvarleg innan partnar- og æresrelatert vald, politioverbetjent SKO 0287, ved Felles eining for etterretning, førebygging og etterforskning (FEFE), seksjon for førebygging.

Stillinga inneber arbeid med risikovurdering og førebygging av partnar- og æresrelatert vald, å koordinere og rettleie politidistriktet sin samla innsats i desse sakene.

Du vil samarbeide med andre etatar og bidra til kompetanseheving og auka kunnskap innan fagfeltet, både internt og eksternt. I stillinga får du ansvar for rettleiing i etterforsking og førebygging av æresrelatert kriminalitet.

FEFE består av seksjon for Statens barnehus, seksjon for etterretning og analyse, seksjon for førebygging og seksjon for etterforsking. Stillinga er for tida organisert ved seksjon for førebygging. Oppmøtestad er stadsuavhengig i politidistriktet. Reiseverksemd må påreknast.

Arbeidsoppgåver

• Bidra til å utøve einsarta handsaming av saker innanfor vald i nære relasjonar og æresrelatert kriminalitet
• Rettleie og kvalitetssikre saker innan fagområdet
• Halde deg fagleg oppdatert innan området og vere pådrivar for utvikling av metode- og virkemiddelbruk
• Sette i verk gode og hensiktsmessige rutiner for samarbeid og praksis
• Delansvar familievald saman med trusselkoordinator i politidistriktet
• Vere rådgjevar og kontaktperson for kompetanseheving og erfaringslæring i samarbeid med interne og eksterne etatar
• Delta i ulike utval med eksterne samarbeidspartnarar
• Gjennomføre opplæring av personell i politidistriktet i samarbeid med politidistriktet sine fag- og opplæringsansvarlege
• Må pårekne ein del reiseverksemd

Kvalifikasjonar

Nødvendig:

• Fullført og bestått politihøgskule/politiskule
• Fenomenkunnskap om vald i nære relasjonar og æresrelatert vald
• Gode språkkunnskapar, både munnleg og skriftleg. Minimum innan norsk og engelsk
• Gode brukarferdigheiter innanfor IKT-arbeidsplattformane til politiet
• Krav om sikkerhetsklarering og autorisering til BEGRENSET
• Du må ha plettfri vandel og vere skikka for teneste i politiet og politiattest (uttømmande og utvida) må innhentast ved ev. tilsetjing jfr. politilova § 18 og politiregisterlova § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk  i samband med skikkaheitsvurdering, jf. politiloven § 18 og og politiregisterloven § 41. 
  

Ønskeleg:

• Kompetanse og erfaring innan førebygging
• Erfaring innan etterforsking og førebyggande risikoanalyse og risikohandtering 
• Etterretning modul 1 - introduksjon
• Kompetanse innan kulturforståing og mangfold, konflikthandtering og kriminalitetsførebygging, samt undervising eller rettleiiing
• Erfaring med førebyggende risikoarbeid og bruk av verktøya SARA og Patriark
• Gode evner til å kommunisere på andre språk
• Utvida kompetanse innanfor INDICIA og ROS analyse

Personlege eigenskapar

• Evne til samhandling med interne og eksterne aktørar/etatar
• God gjennomføringsevne
• Løysningsorientert
• Gode kommunikasjonsevner
• Sjølvstendig og ansvarleg

Som medarbeidar i politiet har du høgt etisk medvit, du blir kjenneteikna av å vere modig og heilskapsorientert, du viser respekt og er tett på. Du kan lese meir om dei etiske retningslinjene våre og medarbeidarplattform her:  https://www.politiet.no/om-politiet/jobb-i-politiet/medarbeiderplattform/

Vi tilbyr

• Ein utfordrande og spennande arbeidsplass for deg som vil vere med og forme politiet for framtida
• Midlertidig stilling som politioverbetjent, stillingskode 0287, i Møre og Romsdal politidistrikt
• Brutto årslønn for politioverbetjent frå og med kr. 657 300 til kr. 745 000
• Endeleg plassering av lønn er avhengig av erfaring og kvalifikasjonar
• For særskilt kvalifiserte kan noko høgare lønnsplassering bli vurdert
• Godtgjering etter gjeldande ATB og tillegg for eventuell turnusteneste
• Medlemskap i Statens pensjonskasse (SPK) med gode pensjons- og forsikringsordningar. Sjå www.spk.no for meir informasjon
• Fleksibel arbeidstid og mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelsetjeneste

Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.

Kontaktinformasjon

Arild Helland, 41440486

Arbeidsstad

Strandgata 2
6415 Molde

Nøkkelinformasjon:

Arbeidsgivar: Møre og Romsdal politidistrikt

Referansenr.: 4903926143
Stillingsprosent: 100%
Førebels
Startdato: 03.03.2025
Sluttdato: 31.08.2025
Søknadsfrist: 27.01.2025