Sjukepleier
Institusjonsteneste, Sande kommune
Prestegardsvegen 31, 6084 Larsnes
Om jobben
Stillingstittel
Sjukepleier
Oppstart
1. august 2024
Type ansettelse
Fast
Arbeidstid
Turnus
Antall stillinger
2
Livsgledeheimen på Sandetun søker etter to utviklingsorienterte sjukepleiarar – 100% stilling fast og 100 % stilling vikariat med høve til fast tilsetting. Om du ønsker anna stillingsprosent, gi melding om dette. Stillingane har 2-delt turnus med arbeid to helgar på seks veker. Det er mogeleg å få tilpassa turnus.
Vi ser etter deg som
-har lyst til å vere med å forme eldreomsorga i Sande for framtida
-har lyst å skape gode vilkår for livsglede for eldre
-vil vere med å forme geriatri og demensomsorga, ved å tenkje nye løysingar i eksisterande rammer
-synes at «avansert klinisk allmennsjukepleie» høyrest spennande ut og vekkjer di interesse
-ønsker å vere med på å skape gode rammer for studentar og lærlingar sin praksis i Sande
Er dette deg, då treng vi akkurat deg!
Sandetun er stolte av å vere den første sertifiserte Livsgledeheimen i Møre og Romsdal. Vi tek vare på pasientane si livshistorie ved å gjere ei livshistorie-kartlegging. Utifrå dette får pasientane kvar veke tilbod om individuelle og felles aktivitetar både inne og ute. På denne måten prøver vi å bevare den personen dei var - også her på sjukeheimen.
Livsgledeheimen og Øya dagsenter har samarbeid med det frivillege kulturlivet og livsglede-barnehagen Hauemarkja og har mange fellesaktivitetar til glede for både dei eldre og barna.
Sjukepleiar-teamet har samling med faglege tema annankvar månad. Vi har fokus på opplæring og introduksjon og har mentor-ordning i avtalt tidsrom.
Vi jobbar med TØRN-prosjektet for å sikre at vi har rett kompetanse på rett tid og stad, og er opptekne av å finne smarte løysingar for å gi tenester av god kvalitet for å stette krav vi møter i framtida.
Dei engasjerte tilsette ved sjukeheimen arbeider også aktivt med implementering av velferdsteknologi som skal kome pasientane til gode – både på akuttplass, korttids- og langtidsplass.
Arbeidsoppgåver
Arbeidsoppgåvene har som mål å sikre god kvalitet gjennom
- å ta del i arbeidet inn mot Livsglede for eldre
- å delta i utarbeiding, gjennomføring og evaluering av individuelle målsettingar for pasientar
- å bidra til tverrfagleg oppfølging, kartlegging og vurdering
- å utføre og dokumentere planlagde og daglege sjukepleiefaglege prosedyrer og oppgåver
- å vere ein god rollemodell for å fremje kompetanseheving og samarbeid
- å delta i møteaktivitet internt og eksternt
Kvalifikasjonar
- norsk autorisasjon som sjukepleiar
- førarkort klasse B
- kan bruke IKT som arbeidsverktøy, erfaring med Gerica er ein fordel
- har god munnleg og skriftleg framstillingsevne
Personlege eigenskapar
Du må:
- vere ansvarsbevisst og sjølvstendig
- vere fleksibel og serviceinnstilt med gode evner til samarbeid og kommunikasjon
- evne og ha lyst til å skape gode relasjonar til både pasientar, pårørande og tilsette
- kunne jobbe effektivt, strukturert og vere med å skape eit godt arbeidsmiljø
- vere utviklings- og løysingsorientert, påliteleg og ta initiativ
Vi legg stor vekt på personlege eigenskapar, i tillegg til kunnskap og erfaring.
Godkjend politiattest må kunne leggast fram før tilsetjing.
Vi tilbyr
Vi tilbyr
- løn etter gjeldande tariffavtale
- gode forsikrings- og pensjonsordningar gjennom KLP
- fleksibel turnusordning
- godt arbeidsmiljø med fokus på fagkompetanse
- spennande, varierte, utfordrande og interessante oppgåver
- IA-bedrift
- Vi tilset etter gjeldande tariffavtale, lover og reglement.
Kontaktinformasjon
Gitte Edvardsen, Einingsleiar, +47 47458465Arbeidsstad
Prestegardsvegen 316084 LARSNES
Nøkkelinformasjon:
Arbeidsgivar: Sande kommuneReferansenr.: 4824067429
Stillingsprosent: 100%
Fast, Vikar
Startdato: 01.08.2024
Søknadsfrist: 21.07.2024
Om bedriften
Sande kommune er ein kystkommune i Møre og Romsdal med ca. 2500 innbyggarar. Sandesamfunnet inngår i ein felles bu- og arbeidsregion for Søre Sunnmøre med om lag 50.000 innbyggarar. Innanfor ei reisetid på 30–45 min. har ein tilgang til det ein treng av arbeid, til sjukehus, høgskule, flyplass, handel og opplevingar. Kommunen har eit variert og innovativt næringsliv, med hovudvekt på næringar knytt til den verdsleiande maritime klynga på Sunnmøre. Alt dette med utgangspunkt i unike naturmessige omgjevnader, i oversiktlege og trygge miljø med plass til alle.
Sektor
Offentlig
Nettsted
www.sande.kommune.no
Annonsedata
Rapporter annonse- Stillingsnummer
2681360
- Sist endret
22. juli 2024
- Hentet fra
talentech
- Referanse
cb4efa91e7514bd8b296d31379a61e0b