Politisk sekretær
Vil du bli vår nye politiske sekretær?
Voss kommune og Granvin herad slår seg saman i januar 2020, og vi skal tilsette politisk sekretær i 100% f ast stilling så snart som mogeleg i forkant av samanslåinga.
Om arbeidsstaden
Innbyggjarservice vert ei serviceavdeling i Rådmannen sin stab, Tinghuset. Politisk sekretariat er ei av oppgåvene i avdelinga. Avdelinga får travle og varierte arbeidsdagar og vil legge vekt på god kommunikasjon og service. Inntil kommunesamanslåing 1.1.2020 er stillinga plassert i avd. Dokumentsenter, Rådmannen sin stab
Me tilbyr
Ein trygg og god arbeidsstad med spennande oppgåver
Mektig natur, ski- og fritidsterreng med aktivitetar frå fjord til fjell
Ei levande kulturbygd med gode oppvekst- og utdanningsvilkår
Høve til å påverka eigen arbeidskvardag
Ein inkluderande arbeidsplass der me legg til rette for fagleg og personleg utvikling
Gode forsikrings- og pensjonsordningar
Løn etter kommunalt avtaleverk
Arbeidsoppgåver
Før- og etterarbeid for møter i politiske utval
Ansvarleg for elektronisk løysingar som eMeetings og KommuneTV
Møtesekretær i kommunestyre og formannskap
Rådgjeving og løpande kontakt med ordførar og rådmann
Godtgjersle/tapt arbeidsforteneste til politikarane
Økonomioppfylging
Sakshandsaming og rådgjeving etter kommunelova mm.
Oppfylging og ajourhald av oversikter knytt til val og politiske utval
Kvalitetssikring og vidareutvikling av system, prosedyrar og rutinar.
Det må påreknast arbeid ut over ordinær arbeidstid i samband med avvikling av politiske møter
Me søkjer deg som har
- utdanning på høgskulenivå innan relevant fagområde
- relevant arbeidserfaring kan veie opp for manglande formalkompetanse
- god brukarkunnskap innan IKT
- god kjennskap til offentleg forvaltning
- god økonomiforståing
- gode norskkunnskapar
- god skriftleg og munnleg formuleringsevne
- kompetanse (ønskeleg) innan Kommunelova, forvaltningslova, offentleglova m.fl.
Det vert og lagt vekt på personlege eigenskapar hos søkjar
Søknad
Kommunen har eit personalpolitisk mål om at arbeidsstaben skal gje eit bilete av folkesetnaden generelt, både når det gjeld alder, kjønn og kulturelt mangfald.
Søk på stillinga ved å klikke på knappen til høgre. Hugs å gje opp referansar. Attestar og vitnemål skal leggjast ved elektronisk eller sendast Voss kommune, boks 145, 5701 VOSS, merka med stillingsreferanse. Søknadspapira vert ikkje returnerte. Ifølgje Offentleglova § 25 skal det svært gode grunnar til for å skjerme søkjarar frå offentleg søkjarliste.
Om bedriften
Voss - bygd for sterke opplevingar Du treng ikkje eta smalahove eller hoppa i fallskjerm for å bu og trivast på Voss, for me har mykje meir å by på! Kommunen har om lag 14.500 innbyggjarar, med Vossevangen som regionssenter. Bygda vår er senter for utdanning i regionen og har eit godt utbygd næringsliv. Voss er eit knutepunkt langs stamvegen aust - vest, og har godt togsamband til Bergen og Oslo. Voss kommune er den største arbeidsgjevaren i bygda, med om lag 1250 tilsette. Nynorsk er administrasjonsmålet i kommunen. Kan du identifisera deg med verdiar som profesjonell, påliteleg, skapande og inkluderande, kan du bli ein del av laget vårt. Som vossingar flest går me sjølvsagt for gull.