Fyrstekonsulent
Geografisk driftseining Sogn og Fjordane, tenesteeining Sogn
Fjørevegen 20, 6856 Sogndal
Om jobben
Stillingstittel
Fyrstekonsulent
Type ansettelse
Fast
Arbeidsspråk
Norsk
Antall stillinger
1
I geografisk driftseining Sogn og Fjordane, tenesteeining Sogn er det ledig ei fast stilling som fyrstekonsulent med dagleg oppmøte ved Sogndal politistasjon.
Stillinga inngår i eit team på for tida 3 personar som skal handtera publikumsekspedisjon og pass/id i Sogndal primært, og der nest Lærdal.
Vest politidistrikt er i kontinuerleg utvikling, og ein må pårekna endring av arbeidsoppgåver. Det inneber også i større grad å skulle ta del i felles funksjonar for heile politidistriktet. I dag bidreg teamet i Sogn inn i heilskapen i Vest på fleire arbeidsfelt, bla. politiet sitt kontaktsenter. Framover vil også den digitale utviklinga med forenkling og nye digitale verktøy påverka arbeidskvardagen vår.
Sogn politistasjonsdistrikt består av kommunane Aurland, Lærdal, Årdal, Sogndal, Luster og Vik. Me er inndelt i seksjon Indre Sogn (Aurland, Lærdal, Årdal), seksjon Sogndal (Sogndal, Luster), samt seksjon Vik. Hovudkontoret er i Sogndal.
I Sogn er me om lag 40 tilsette som er på jobb for å yta best mogeleg service for tett opp under 30000 innbyggjarar. Me ynskjer å vera i forkant av kriminaliteten, og samarbeider tett med kommune, frivillige organisasjonar og næringsliv. Me utsteder pass og id-kort til alle i Sogn, samt har portefølje innan sivilrettslege oppgåver.
Arbeidsdagen er variert og hektisk, der det er behov for å snu seg rundt på kort varsel. Medarbeidarane i Sogn fortel om eit ope og inkluderande arbeidsmiljø med godt ytrings- og samarbeidsklima. Politistasjonane i Sogndal og Lærdal er nyoppussa og innbydande.
Du er eit fleksibelt ja-menneske, som tek ansvar og jobbar godt åleine eller i lag med andre. Du er vårt andlet utover og møter publikum med smil, god sørvis og respekt. Du bidreg til endring og utvikling, og er positiv til nye arbeidsoppgåver.
Arbeidsoppgåver
- Sakshandsaming pass og ID-kort
- ID-kontroll, person- og dokumentkontroll (GTK)
- Publikumsekspedering i skranke og på telefon
- Posthandtering fysisk og elektronisk
- Forkynningar i sivile- og strafferettslege saker
- Enkle forvaltningsoppgåver knytt til hittegods, våpenforvalting, køyresetlar, tapsmeldingar, osv.
- Merkantile oppgåver som enkel rekneskapsføring, arkiv, varebestillingar
- Signalering og andre støtteoppgåver til politi
- Ta del i andre naturlege arbeidsfelt for Vest politidistrikt alt etter behov, t.d. kontaktsenteret
- Andre oppgåver pålagd av leiar
Kvalifikasjonar
- 3 årig vidaregåande skule eller fagbrev innan fagfeltet
- Relevant arbeidserfaring vil bli vektlagt
- Relevant utdanning på høgskule- eller universitetsnivå vil bli vektlagt
- God system- og IT-kompetanse
- God munnleg og skriftleg framføring på norsk og engelsk
Må kunne klarerast med tryggleiksnivå hemmeleg.
Du må ha plettfri vandel og vera skikka for teneste i politiet og politiattest (uttømmande og utvida) må innhentast ved ev. tilsetting jfr. politiloven § 18 og politiregisterloven § 41.
Personlege eigenskapar
- Du tek ansvar, er fleksibel og løysingsorientert
- Du jobbar godt åleine, eller i lag med andre
- Du er serviceinnstilt og flink med folk
- Du taklar høgt arbeidspress der det skjer mange ting på ein gong
Som medarbeider i politiet er du kjenneteikna ved at du er modig og helhetsorientert, du viser respekt og er tett på. Du kan lesa mer i vår medarbeiderplattform her: https://www.politiet.no/om-politiet/jobb-i-politiet/medarbeiderplattform/
Vi tilbyr
- Ein utfordrande og spennande arbeidsplass for deg som vil vera med på å forma politiet for framtida.
- Stillinga vert løna som fyrstekonsulent (stillingskode 1408) i lønnstrinn 45/kr 466.600,- til lønnstrinn 53/kr 524.700,- per år. Endeleg lønnsplassering er avhengig av kvalifikasjonar
- Medlemskap i Statens pensjonskasse, med blant anna gode pensjons- og forsikringsordningar (www.spk.no)
- Gode arbeidsvilkår (fleksibel arbeidstid, sommartid, trening i arbeidstida, o.l.)
Generelt:
Politiet meinar inkludering og mangfald er ein styrke. Me treng medarbeidarar med ulike kompetansar, bakgrunn, erfaring og perspektiv for å bidra til endå betre oppgåveløysing. Dersom det er mogeleg, så vil me tilretteleggja for medarbeidarar som har behov for det.
Dersom det er kvalifiserte søkjarar med funksjonsnedsetting, hol i CV-en, eller innvandrarbakgrunn, så skal me kalla inn minst ein søkjar i kvar av desse gruppena til intervju. For å bli vurdert som søkjar i desse gruppena, det vil sei positivt særhandsama på denne måten, så må søkjar oppfylla visse krav.
For å ha eit godt vurderingsgrunnlag, så ber me deg om å registrera utfyllande CV i rekrutteringsportalen vår, samt lasta opp relevante attestar og vitnemål. Dersom du har funksjonsnedsetting, hol i CV-en, eller innvandrarbakgrunn, så oppfordrar me deg til å kryssa av for dette i rekrutteringsportalen vår. Avkryssinga dannar grunnlag for anonymisert statistikk som alle statlege verksemder rapporterar på i sine årsrapportar.
Du kan lesa meir på arbeidsgjevarportalen https://arbeidsgiver.difi.no/positivsaerbehandling.
Opplysningar om deg kan bli offentleggjort sjølv om du har bedt om ikkje å bli ført opp på søkjarlista. Dersom førespurnaden din ikkje blir tatt til følgje, vil du bli varsla om dette.
Saksnr.: 24/167753
Kontaktinformasjon
Marit Breistøl, Tenestestadsleiar Indre Sogn, 41767288Magne Straumstein, Politistasjonssjef, 46628080, magne.straumstein@politiet.no
For spørsmål om elektronisk søknad/CV, Kontakt Seksjon for HR, 207.hr@politiet.no
Arbeidssted
Fjørevegen 206856 Sogndal
Nøkkelinformasjon:
Arbeidsgiver: Vest politidistriktReferansenr.: 4814255469
Stillingsprosent: 100%
Fast stilling
Søknadsfrist: 19.08.2024
Om bedriften
Vest politidistrikt dekker 38 kommunar i Vestland fylke, med til saman 600 600 innbyggjarar. Distriktet følgjer ikkje fylkesgrensene helt - kommunane Fitjar, Bømlo, Stord, Etne og Sveio høyrer til Sør-Vest politidistrikt. Politidistriktet har om lag 1300 tilsette med politimeister Kaare Songstad som øvste leiar. Politimeisteren har sitt kontor i Bergen og der ligg også felles operasjonssentral.
Sektor
Offentlig
Nettsted
www.politiet.no/jobb
Annonsedata
Rapporter annonse- Stillingsnummer
2708107
- Sist endret
20. august 2024
- Hentet fra
talentech
- Referanse
f102892d377f464ea3250370448ccbd7