Avsnittsleiar
INDRE SUNNMØRE - Seksjon for vakt og beredskap, Møre og Romsdal politidistrikt
Saunesvegen 10, 6065 Ulsteinvik
Om jobben
Stillingstittel
Avsnittsleiar
Type ansettelse
Fast, heltid 100%
Arbeidsspråk
Norsk
Antall stillinger
1
Vi har ledig ei fast stilling som avsnittsleiar, politioverbetjent SKO 0287, ved seksjon for vakt og beredskap i Indre Sunnmøre politistasjonsdistrikt.
Vi søkjer deg med gode leiareigenskapar som kan sette retning, har høg gjennomføringskraft og som skapar resultat i samhandling med andre. Du er medarbeidarorientert og ønsker ei stilling der det å motivere, støtte og utvikle medarbeidarane dine er sentralt.
Som avsnittsleiar vil du ha personalansvar og ansvar for måloppnåing ved eige avsnitt.
GDE Sunnmøre omfattar totalt fire politistasjonsdistrikt, henholdsvis Ålesund, Ulstein og Hareid, Indre Sunnmøre og Søre Sunnmøre politistasjonsdistrikt. Stillinga ligg til Indre Sunnmøre politistasjonsdistrikt, ved seksjon for vakt og beredskap. Seksjonen har to oppmøtestadar, Ulstein og Hareid politistasjon og Volda og Ørsta politistasjon, og vil frå hausten av vere organisert i tre avsnitt med eigen avsnittsleiar. Oppmøtestad for den aktuelle stillinga er Ulstein og Hareid politistasjon.
Vi oppfordrar kvinner til å søkje politileiarstillingar.
Arbeidsoppgåver
- Personal- og resultatansvar ved eige avsnitt
- Leie og utvikle avsnittet innanfor dei strategiar, planar og mål som er satt
- Ansvar for planlegging, organisering og dagleg oppfølging av medarbeidarar og oppgåver ved avsnittet
- Arbeid innan vakt og beredskap i turnusteneste etter gjeldande tenestelister
- Samarbeid med operasjonsleiar/oppdragsleiar, andre naudetatar og aktørar
- HMS-ansvar innan avsnittet
- Utvikle godt medarbeidarskap, samarbeid, ønskt kultur og god medarbeidartilfredsheit ved avsnittet
- Ansvar for kompetanseplanlegging, opplæring og fagleg utvikling
- Leggje til rette for kunnskapsbasert erfaringslæring og systematisk forbetringsarbeid
- Kan påleggast andre arbeidsoppgåver ved eininga
Kvalifikasjonar
Nødvendig:
- Fullført og bestått Politi(høg)skule
- Operativ godkjenning i minimum kategori 4 eller vere kvalifisert og villig til å bli IP-godkjend
- Relevant erfaring frå operativ tjeneste med gode resultat
- God munnleg og skriftleg formidlingsevne
- God IKT-kompetanse og kjennskap til politiet sine IKT-verktøy
- Du må ha plettfri vandel og vere skikka for tjeneste i politiet. Politiattest (uttømmande og utvida) må innhentast ved eventuell tilsetting, jf. politiloven § 18 og politiregisterloven § 41. Ved søknad på stillinga må du pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.
Ønskeleg:
- Relevant leiarerfaring
- Relevant leiarutdanning
- Anna relevant erfaring frå politiet / anna relevant utdanning
Personlege eigenskapar
- Du har evne til å sette retning, drive endring og skape resultat i samhandling med andre
- Du er medarbeidarorientert med god evne til og ønske om å motivere, støtte og utvikle medarbeidarane
- Du har gode evner til kommunikasjon, samarbeid/teambygging og relasjonsbygging
- Du har god evne til å ta avgjerder og gjennomføringskraft
- Du er ansvarsbevisst og strukturert
- Du har god forståing for politiet si rolle og samfunnsoppdrag
Som medarbeidar i politiet kjenneteiknast du av å vere modig og heilskapsorientert, du viser respekt og er tett på. Som leiar må du i tillegg kunne vere ein god rollemodell og leie i samsvar med vår medarbeiderplattform. Du kan lese mer om våre etiske retningslinjer og medarbeiderplattform her: https://www.politiet.no/om-politiet/jobb-i-politiet/medarbeiderplattform/
Personlege eigenskapar blir vektlagt.
Vi tilbyr
- Ei utfordrande og spennande stilling for deg som vil vere med og forme politiet for framtida
- Stillinga blir lønna som politioverbetjent (stillingskode 0287), frå kr. 646 000 til kr. 720 100 brutto per år
- Godtgjersle etter gjeldande ATB og tillegg for eventuell turnusteneste
- Medlemskap i Statens pensjonskasse (SPK) med gode pensjons- og forsikringsordningar. Sjå www.spk.no for meir informasjon.
- Mogelegheit for trening i arbeidstida
- Møre og Romsdal politidistrikt er ei IA-bedrift og er knytt til bedriftshelseteneste
Tilsetting skjer på vilkår fastsett i statsansatteloven og personalreglementet for politi- og lensmannsetaten, derunder at prøvetida er seks månadar.
Kontaktinformasjon
Frode Halse Digernes, Seksjonsleiar, 402 82 058Arbeidsstad
Saunesvegen 106065 Ulsteinvik
Nøkkelinformasjon:
Arbeidsgivar: Møre og Romsdal politidistriktReferansenr.: 4808209590
Stillingsprosent: 100%
Fast stilling
Søknadsfrist: 14.05.2024
Om bedriften
Om politidistriktet
Mellom hav, fjordar og fjell finn du Møre og Romsdal politidistrikt som er eitt av 12 politidistrikt i Noreg. Vi femnar om eit område på 15 099 kvadratkilometer og dekker ei befolkning på om lag 265 000 menneske. Majestetiske fjellområde set naturlege avgrensingar i Møre og Romsdal fylke, og såleis politidistriktet. Det er Trollheimen på grensa mellom Nordmøre og Trøndelag, Romsdalsfjella med mellom anna Trolltindane i nedre del av Romsdal, Sunnmørsalpane på begge sider av Hjørundfjorden og Tafjordfjella mot Reinheimen Nasjonalpark sørvestover. Ein stor del av befolkninga bur langs kysten og på øyar. Dei tre største byane, Ålesund, Molde og Kristiansund, er regionsenter for høvesvis Sunnmøre, Romsdal og Nordmøre. Møre og Romsdal politidistrikt har også kontinentalsokkelberedskap frå Stad til Helgeland.
Organisering av politidistriktet
Politidistriktet med om lag 630 tilsette, vert leia av politimeister Ingar Bøen som har hovudsete i Ålesund. Vi er organisert i to geografiske driftseiningar med til saman 18 politistasjonar. I tillegg har vi fire funksjonelle driftseiningar. Det er felles eining for påtale, felles eining for operativ teneste, felles eining for etterretning, førebygging og etterforsking, og felles eining for utlending, forvaltning og sivil rettspleie. I tillegg kjem PST og tre leiarstøttestabar; kommunikasjon, verksemdstyring og HR/HMS.
Dette er verdiane våre
I politiet jobbar vi etter prinsippa i medarbeidarplattforma som er å vere modig, heilskapsorientert, vise respekt og vere tett på. Vi meiner at inkludering og mangfald er ei styrke og treng medarbeidarar med ulik kompetanse, bakgrunn, erfaring og perspektiv for å bidra til enda betre oppgåveløysing. Dersom det er mogeleg legg vi til rette for deg om du har behov for det.
Positiv særbehandling av søkarar til statlege verksemder
Dersom det er kvalifiserte søkarar med funksjonsnedsetting, hòl i CV-en, eller innvandrarbakgrunn, skal vi kalle inn minst éin søkar i kvar av desse gruppene til intervju. For å bli vurdert som søkar i desse gruppene, det vil seie positivt særbehandla på denne måten, må du oppfylle visse krav. Les meir om krava på Arbeidsgiverportalen. Dersom du har funksjonsnedsetting, hól i CV-en eller innvandrarbakgrunn oppmodar vi deg til å krysse av i jobbportalen. Dette dannar grunnlag for anonymisert statistikk som alle statlege verksemder rapporterer på i sine årsrapportar.
Om offentleg søkarliste
Opplysingar om deg kan bli gjort offentlege sjølv om du har oppmoda om ikkje å bli ført opp på den offentleg søkarlista. Dersom oppmodinga ikkje blir tatt til følge, vil du bli varsla om dette.
Har du hugsa dette?
For å ha eit godt vurderingsgrunnlag ber vi deg om å registrere utfyllande CV i vår rekrutteringsportal og laste opp relevante attestar og vitnemål.
Nettsted
www.politiet.no/jobb
Annonsedata
Rapporter annonse- Stillingsnummer
2638190
- Sist endret
15. mai 2024
- Hentet fra
talentech
- Referanse
c20b994f83114b37a42a5b55bb26243b