100% fast stilling som løn- og rekneskapskonsulent
100% fast stilling som løn- og rekneskapskonsulent
Vil du arbeide med løn og rekneskap i Lom kommune?
Lom kommune er for tida inne i ein spennande omstillingsprosess mellom anna med fokus på digital transformasjon. Økonomiavdelinga har difor behov for ein dyktig, sjølvstendig og utviklingsorientert medarbeidar med vilje og evne til å arbeide mot kommunen sine felles mål og satsingsområde.
Vi ynskjer ein medarbeidar som er løysingsorientert, offensiv og inkluderande i sitt arbeid. Vidare er det ynskjeleg at du er ein pådrivar for å innføre og implementere digitale løysingar. Du samarbeider godt både i høve til kollegar, brukarar og samarbeidspartar.
Arbeidsoppgåvene vil hovudsakleg bestå av;
- Ansvar for lønsarbeid
- Oppfølging av sjukepengar
- Oppfølging i forhold til lover, forskrifter og avtaler
- Innrapportering av a-melding, pensjon, skatt og avgifter
- Rekneskapsføring og avstemming
- Utviklingsarbeid og internkontroll
- Andre oppgåver kan bli lagt til stillinga
Av utdanning krevst det økonomisk-/administrativ utdanning frå høgskule eller fagutdanning. Relevant arbeidserfaring kan kompensere for utdanningskravet. Det er ønskjeleg med erfaring innanfor lønsarbeid. Erfaring frå kommunal verksemd vil væra ein fordel, men er ikkje et krav. Personlege eigenskapar vil bli tillagt stor vekt.
Lom kommune tilbyr ei spennande stilling med sjølvstendig ansvar, varierte oppgåver og ein utfordrande arbeidskvardag. Dei fleste arbeidsoppgåvene som ligg i stillinga kan løysast digitalt, og det kan leggast til rette for noko heimearbeid om ynskjeleg. Kommunen kan også tilby gode pensjon- og forsikringsvilkår.
Spørsmål om stillinga kan rettast til avdelingsleiar økonomi Anniken Stee telefon 41 44 37 71
Aktuelle søkjarar vil bli kalla inn til intervju.
Namnet på søkjarane vil bli gjort offentleg.
Elektronisk søknad kan leverast via vår heimeside www.lom.kommune.no
Søknadsfrist: 12.05.2024
Kontaktperson for stillingen
Om bedriften
Lom er kjend for sin mektige natur, si friske luft og varierte opplevingar.
I Jotunheimen nasjonalpark finn du dei høgaste fjella i Noreg, som Galdhøpiggen og Glittertind. Det populære friluftsområdet har lange tradisjonar knytt til fotturisme, klatring og tinderangling, og byr på eit omfattande nett av merka ruter og trivelege turisthytter.
Kommunen har eit kompakt sentrum med tilgang til fleire aktivitetar og opplevingar, butikkar, kafear, hotell og restaurantar. Mest kjend er kanskje Bakeriet i Lom. Velkomen til Lom!