Seksjonsleiar
Vi får ledig fast stilling som seksjonsleiar ved Seksjon for utgreiing og behandling. Oppstart etter avtale eller så snart som mogleg. Seksjonen er organisert i Avdeling for sjukehuspsykiatri Nordmøre og Romsdal, og er planlagt inn i psykiatri og habiliteringsbygget i SNR.
Seksjonen er ein open utgreiingsseksjon med ansvar for pasientar frå Nordmøre og Romsdal. Til seksjonen vert det søkt mellom anna planlagte innleggingar der det ofte vert bede om utgreiing i samansette problemstillingar, samt tilstandar i skjæringsfeltet psykiatri/ somatikk. Seksjonen har 10 døgnplassar og har 2,6 overlegestillinger, 2 stillingar for LIS, 1 stilling for turnuslege, 1 stilling for psykolog/ psykologspesialist, 1 stilling for fysioterapeut og 0,5 stilling for turnusfysioterapeut. Miljøpersonalet består hovudsakeleg av spesialsjukepleiar med vidareutdanning innan psykiatri. Pasientgruppa består diagnostisk av alvorlege depresjonar, angstlidingar, spiseforstyrrelsar, bipolare lidingar, PTSD, dissosiative tilstandar, tilpasningsforstyrrelsar, akutte kriser, personligheitsforstyrrelsar, schizofreniar, fødselspsykosar, suicidalitetsproblematikk, samansette tilstandar somatikk/ psykiatri og psykosomatiske tilstandar. Seksjonen gir blant anna ECT-behandling og EMDR behandling. Det vert brukt regelmessig kartleggingsverktøy i samband med dei systematiske utgreiingane.
Arbeidsstad vil fram til haust - 2024 vere i Molde (Molde sjukehus), men frå då på Hjelset der det nye sjukehuset for Nordmøre og Romsdal skal byggast. Som tilsett hos oss vil du delta i vidareutviklinga av seksjonen og planlegging på innhald i psykiatritilbodet i det nye sjukehuset. Målet vårt er å gi pasientane ei god og framtidsretta behandling og helseteneste.
Vi søkjer deg som vil vere med og vidareutvikle sjukehuspsykiatrien i Nordmøre og Romsdal. Du set verdiane kvalitet, tryggleik og respekt i fokus i møte med pasientane. Du bidreg med høg fagleg kvalitet, du kan gje miljøpersonalet fagleg rettleiing og du ynskjer ei pasientbehandling med fokus på frivilligheit, medverknad og redusert bruk av tvang.
Molde er rosens, jazzens og kulturens by, og ikkje minst eit eldorado for fjellturer, alpint, klatring, golf, seiling og padling. Byen er barnevennleg med nærleik til skule, barnehage og fritidstilbod. Vi har fleire daglege flyavgangar til Oslo og internasjonale ruter. Molde by fornyar seg med m.a. ny sjøfront og fleire spennande kaféar og spisestadar.
Vi ber om at attestar og vitnemål vert lasta opp som vedlegg til søknaden din.
Arbeidsoppgåver
- Ansvar for dagleg drift og administrative oppgåver
- Ansvar for seksjonen sine tenester og resultat, mellom anna fagleg verksemd, kvalitet, arbeidsmiljø, økonomi- og ressursbruk
- Personalansvar
- Bygge relasjonar og møteplassar internt og eksternt for dialog og samhandling
- Medansvar for avdelinga sine tenester og resultat
- Fagansvar og fokus på fagutvikling
- Vidareutvikling av seksjonen sine tenester i tråd med overordna føringar og utviklingsplan
- Positiv og aktiv deltakar i avdelinga si leiargruppe
Kvalifikasjonar
- Utdanning på universitets- eller høgskulenivå
- Vidareutdanning innan psykiatri og/eller leiing, men ikkje eit krav
- Endringsmotivert og gjennomføringsevne
- Evne til å motivere høgt kvalifiserte medarbeidarar
- God skriftleg og munnleg kommunikasjonsevne
Personlege eigenskapar
- Ein synleg leiar med profesjonell haldning til leiing, utvikling og endring
- Evne og vilje til å utarbeide mål og motivere sine tilsette
- Oppnå resultat, evaluere og korrigere
- Positiv og medverke til eit godt arbeidsmiljø
- Gode kommunikasjons- og samarbeidsevner
- Evne og arbeidshelse til å arbeide i ein hektisk kvardag og trivast i eit arbeidsmiljø med høgt tempo
- Endringsdyktig, løysingsfokusert og gjennomføringskraft
- Å vere personleg eigna vert vektlagt ved tilsetting
Vi tilbyr
- Sterkt tverrfagleg samarbeid
- Ein inkluderande arbeidsplass
- Løn etter gjeldande overeinskomstar
- Medlemskap i god offentleg pensjonsordning og fordelaktige forsikringsvilkår
Kontaktinformasjon
Line Therese Heggem Lingen, Avdelingssjef, 957 07 045, Line.Therese.Heggem.Lingen@helse-mr.Arbeidssted
Parkvegen 846412 Molde
Nøkkelinformasjon:
Arbeidsgiver:Helse Møre og Romsdal HFReferansenr.:4549043293
Stillingsprosent: 100%
Fast
Søknadsfrist: 04.09.2022
Om bedriften
Vil du gjere ein forskjell? Vi i Helse Møre og Romsdal gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, men har også sterke fagmiljø knytt til teknisk drift, økonomi og HR. Våre sjukehus finn du i Volda, Ålesund, Molde og Kristiansund, og i tillegg har vi behandlingsinstitusjonar innan rehabilitering, psykisk helsevern og rusbehandling. Vi legg til rette for gode og inkluderande arbeidsmiljø prega av openheit og respekt. Uansett kva stilling du søkjer, så skal vi bidra til at du får utvikle deg og di kompetanse på ein stad kor det verkeleg tel. Bli med på laget!
Vi ønsker leiarar som er synlege, ansvarlege og som forstår at teamarbeid er avgjerande for å lykkast med samfunnsoppdraget. Som leiar må du engasjere og lede ann i utviklinga av kultur og identitet i helseføretaket. Vi treng deg som kommuniserer godt, tar ansvar og beslutningar, og som har handlekraft til å drive fram konkrete forbetringar saman med teamet ditt. Vi gir deg opplæring på veien, tilgang på styringsinformasjon og tilbod om utvikling gjennom leiargruppa di - slik at du får utvikle deg som leiar i samsvar med dine eigne og helseføretaket sine forventingar. Tek du utfordringa?
Vi minner om at du kan få namnet ditt unntatt frå offentleg søkjarliste. Vi vurderer ei slik oppmoding og tar kontakt med deg dersom oppmodinga ikkje vert tatt til følgje.
For meir informasjon om helseforetaket, sjå Helse Møre og Romsdal