Lege i spesialisering, generell indremedisin
Org. nr: 983974724 Stillingsident: 4118191061 Presentasjon av stillingen:
Helse Bergen, Voss sjukehus, har ledig ein fast stilling for lege i spesialisering, LIS 2, i indremedisin. Stillinga er ledig frå snarast.
Vi tilbyr spesialistutdanning som dekkjer heile utdanningsløpet. Voss sjukehus har utdanningsansvarleg overlege, Turid Fjose, og avdelinga har strukturert LIS-2 utdanning etter den nye ordninga.
Spesialistutdanninga vil gå føre seg ved Voss sjukehus, og med gruppe 1 teneste ved indremedisinske avdelingar i Bergen, Haukelandsområdet. Viser for øvrig til utdanningsplan. Stillinga inngår i vaktordning. Etter fullført spesialisering vil stillinga bli omgjort til stilling som legespesialist.
Voss sjukehus er ein del av Helse Bergen HF og har tett fagleg samarbeid med avdelingane ved Haukeland universitetssjukehus. Sjukehuset har gode støttetenester innanfor anestesi, intensiv/rec., radiologi med CT- og MR lab., fysioterapi avdeling og laboratorium med blodbank.
Voss sjukehus har full akuttberedskap innan medisin, kirurgi, føde, gynekologi og anestesi. Sjukehuset har hatt aktivitetsvekst og ynskjer å fortsette den positive utviklinga. Opptaksområdet er på om lag 30.000 innbyggjarar, fordelt på seks kommunar. I tillegg kjem det pasientar frå Bergen og kommunar frå Sogn og frå Hardanger.
Voss har flott natur som gjev særs gode høve til naturopplevingar og - aktivitetar for born og vaksne innan ei heil mengd ulike idrettar. Ekstremsportsmiljøet er viden kjent gjennom til dømes Ekstremsportsveko. Nord-Europas mest moderne gondolbane er opna i desse dagar og ligg nokre steinkast frå sjukehuset. Kulturlivet er rikt og variert, og det er eit godt utbygd skuletilbod med to nye vidaregåande skular. Det er god kommunikasjon vestover til Bergen/ Flesland og austover til Oslo.
Å bu og jobbe på Voss https://helse-bergen.no/avdelinger/voss-sjukehus/jobb-pa-voss/a-bu-pa-voss
Arbeidsoppgåver
- Du deltar for tida i 7-delt vaktplan
- Den som blir tilsett som lege i spesialisering (LIS), vil få ein personleg rettleiar og tar del i det regulære utdanningsprogrammet i avdelinga
- Forholda blir lagt til rette for deltaking i undervising og kurs.
Kvalifikasjonar
- Norsk autorisasjon og godkjend teneste som etter gjeldande regelverk kan leggjast til grunn for tilsetting i LIS 2-stilling i generell indremedisin
- Den som blir tilsett må meistre norsk språk både skriftleg og munnleg
- God skriftleg dokumentasjonsevne
- Det blir lagt vekt på relevant yrkeserfaring og klinisk erfaring
Utdanningsretning
- Medisin
Utdanningsnivå
- Profesjonsstudium
Personlege eigenskapar
- Du har interesse og motivasjon for fagfeltet
- Du kommuniserer tydeleg og forståeleg overfor pasientar og andre samarbeidspartnarar
- Du har god fagleg vurderingsevne, og arbeider strukturert og målretta på jobb
- Du etablerer gode samarbeidsrelasjonar til alle nødvendige yrkesgrupper
- Du har oversikt over eigne oppgåver, også under skiftande omstende. Kan delegere og følgje opp delegerte oppgåver
Vi tilbyr
- Lønn i samsvar med gjeldande overeinskomst mellom Helse Bergen og Dnlf
- Gode pensjons- og forsikringsordningar
- Fagleg og personleg utvikling
- Triveleg arbeidsmiljø
- Voss sjukehus vil kunne hjelpe til med passande bustad
Kontaktinformasjon
Turid Fjose, Konst. avd.overlege, 56 53 35 00
Arbeidsstad
Sjukehusvegen 16
5704 Voss
Søk på stillinga:Klikk her
Nøkkelinformasjon:
Arbeidsgivar:Helse Bergen
Referansenr.:4118191061
Stillingsprosent: 100%
Søknadsfrist: 01.09.2019
Om bedriften
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.