Teaterteknikar til nynorskteateret midt i Oslo -- landets største teater!
Arbeidsoppgåver:
- Teknikaren utfører alle tekniske oppgåver i produksjonane på Scene 3. Lyd, lys og video blir avvikla via QLab. Du må operere lysbord (ETC) og fungere som lydteknikar, lysteknikar, sceneteknikar, rekvisitør i tillegg til å ha inspisientfunksjonen under framsyningane
- Du får òg ansvar for å setje lys på nokre av produksjonane, i tillegg til å utføre ulike oppgåver som t.d. vedlikehald, reparasjon og reinhald av teknisk utstyr.
- Scene 3 har eigne rammer når det gjeld omfang av teknikk og dekor.
- I tillegg til Scene 3 kan det bli aktuelt å jobbe på Rommen Scene som sidan januar 2019 har vore Det Norske Teatret sin fjerde spelescene og ligg på Rommen Skole og Kultursenter i Groruddalen.
Vi søker deg som:
- har brei røynsle frå teater- og scenekunstfeltet
- god og relevant erfaring innanfor felta lys, lyd, scene og video
- har god forståing for heilskapen innan det teatertekniske området og ser verdien av sjangeroverskridande og grensesprengande arbeid
- er initiativrik, kreativ og sjølvstendig
- har gode samarbeidsevner
- er serviceinnstilt og fleksibel
Vi tilbyr:
- eit mangfaldig og ambisiøst arbeidsmiljø med utfordrande og varierte oppgåver.
- lønn og pensjon etter avtale, scenekunst i rikt monn.
Det Norske Teatret ønsker å spegle samfunnet og oppfordrar kvalifiserte kandidatar som kan auke mangfaldet i organisasjonen vår til å søke.
Tiltreding etter avtale eller så snart som mogleg. Vikariatet er 2-årig.
Spørsmål om stillinga kan rettast til Hedda Rønneberg som administrerer verksemda på Scene 3. Stillinga rapporterer til fagavdelingsleiar for lysavdelinga.
Om bedriften
Det Norske Teatret er landets største teater. Om lag 250 000 publikummarar ser kvart år framsyningane våre, som det i 2019 var nær 1400 av. Vi har 240 tilsette og tar mål av oss til å vere eit djervt, ope og engasjerande teater på høgt europeisk nivå. Nynorsk språk er teateret sitt viktigaste særmerke, og Det Norske Teatret blei etablert i 1913 som ein scene for språkleg og kunstnarleg fridom. Denne tradisjonen skal vi halde i hevd.