Psykiatrisk sjukepleiar/sjukepleiar
Vi har ledig 2 vikariat i 100 % stilling for psykiatrisk sjukepleiar/sjukepleiar i døgnpost for generell psykiatri ved DPS Vegsund.
Vi har 17 pasientar i døgnposten derav 3 brukarstyrte plassar. Vi har eit aktivt og spennande fagmiljø der vi legg stor vekt på miljøterapi. Vi har behandling av pasientar over 18 år og behandlar/utgreier psykiatriske tilstandar som psykose, alvorlege depresjonar, autisme angst m.m. Vi arbeider tverrfagleg med eit lite team rundt pasienten der ein har med psykiater, og eller psykologspesialist, fysioterapeut, psykiatriske sjukepleiarar, aktivitør, sosionom m.fl.
Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyar og fjell som ventar på å få begeistre deg.
Vi ber deg laste opp vitnemål og attestar som vedlegg til søknaden din.
Arbeidsoppgåver
- Behandling/utgreiing av pasientar med psykiske sjukdommar
- Delta i det vesle teamet rundt pasienten
- Koordinere behandlingsplan rundt pasienten
- Medisinadministrasjon
- Delta i tverrfaglege møter
- Undervise pasientar og pårørande
- Miljøterapeutisk tilrettelegging for pasient/delta saman med pasient
Kvalifikasjonar
- Autorisert sjukepleiar med erfaring og kompetanse innan psykiatri og rus
- Vidareutdanning i psykisk helsearbeid er ønskeleg
- God norsk munnleg og skriftleg
- Førarkort kl. B
Personlege eigenskapar
- Evne til samarbeid og like å jobbe i team
- Fleksibel
- Vil vere med å bidra til eit godt arbeidsmiljø
- Evne til å jobbe sjølvstendig
Vi tilbyr
- Sterkt tverrfagleg samarbeid
- Ein inkluderande arbeidsplass
- Løn etter gjeldande overeinskomstar
- Medlemskap i god offentleg pensjonsordning og fordelaktige forsikringsvilkår
Kontaktinformasjon
Siw K. Kringstad, Seksjonsleiar, 957 84 240, Siw.K.Kringstad@helse-mr.noArbeidsstad
Vegsundvegen 686020 Ålesund
Nøkkelinformasjon:
Arbeidsgivar:Helse Møre og Romsdal HFReferansenr.:4549137091
Stillingsprosent: 100%
Vikariat
Søknadsfrist: 21.08.2022
Om bedriften
Vil du gjere ein forskjell? Vi i Helse Møre og Romsdal (HMR) gir spesialisthelsetenester til alle innbyggjarane i fylket. Med våre omlag 6500 tilsette er vi ein skapande og nytenkande organisasjon som kvar dag står på for at pasientane skal få best mogleg helsetenester. Vi har ei leiande rolle innan forsking og utdanning, og har sterke fagmiljø knytt til teknisk drift, økonomi og HR. Sjukehusa i HMR er i Volda, Ålesund, Molde og Kristiansund. I tillegg har vi behandlingsinstitusjonar innan rehabilitering, psykisk helsevern og rusbehandling. Det vert lagt til rette for gode og inkluderande arbeidsmiljø prega av openheit og respekt. Vi vil at våre tilsette skal spegle mangfaldet i befolkninga. Difor oppmodar vi alle som er kvalifiserte til å søkje hos oss, uavhengig av kjønn, alder, funksjonshemming, nasjonal eller etnisk bakgrunn. Det same gjeld om du har hatt eit lengre opphald i arbeidslivet. Som søkjar kan du be om å få namnet ditt unntatt frå offentleg søkjarliste. Arbeidsgjevar vil vurdere ein slik førespurnad og ta kontakt med deg dersom førespurnaden ikkje blir tatt til følgje (jf. Offentligheitslova § 25).
Uansett kva stilling du vert tilsett i, så skal vi bidra til at du får utvikle deg og kompetansen din. Bli med på laget! For meir informasjon om helseforetaket, sjå Helse Møre og Romsdal