Koordinator for Summer internship 2025

Vil du vere med å koordinere Summer internship i Sykkylven kommune? 

Vi ser etter deg som vil vere med å organisere aktivitetar for unge mellom 18 og 25 år som har fått seg sommerjobb i Sykkylven.

Du vil vere ansvarleg for å planlegge og gjennomføre varierte og spennande aktivitetar som fremmar fellesskap, samarbeid og moro blant deltakarane. Du skal vere med på å formidle korleis ein Sykkylvssommar kan sjå ut i frå eit ungt perspektiv.
Vi ser etter deg som er sjølvstendig, likar å samle folk, tør å tenke utanfor boksen. Vi treng deg som vil vere med å vise at Sykkylven er eit sommarmekka! Du vil vere med på å forme innhaldet i denne stillinga i lag med oss.

Vi tilbyr ein kreativ sommarjobb der du får stor friheit over eigen arbeidsdag og gode moglegheiter til å sette ditt preg på prosjektet.

Kompetanse og personlege eigenskapar

• Førarkort klasse B
• Høg kompetanse innan sosiale medier, særleg Instagram, Snapchat og TikTok
• God på å snakke og skrive på norsk og på engelsk
• Likar å vere sosial og kople folk ilag
• Proaktiv og løysingsorientert
  

Arbeidsperiode vil vere 1.juni-15.august. Nøyaktige datoar kan avtalast nærmare.

Vi tilbyr

• Fleksibel arbeidstid, det vil variere og vere avhengig av aktivitetar som blir satt opp.
  
• Lønn etter avtale

 

Nøl ikkje med å ta kontakt med Lise Haukeberg, programleiar omstillingsprogrammet for spørsmål om stillinga, vil gjerne høyre i frå deg!

Dette er eit pilotprosjekt i regi av omstillingsprogrammet i Sykkylven kommune, og det er med atterhald om endringar i omfang og innhald vi lyser ut denne stillinga.
 

Offentlegheit
Vi gjer merksam på at det er offentleg søkjarliste. Unntak frå offentlegheit må grunngjevast jf. offentleglova § 25 andre ledd

Kontaktinformasjon

Lise Haukeberg, programleiar omstillingsprogrammet, lise.haukeberg@sykkylven.kommune.no

Nøkkelinformasjon:

Arbeidsgivar: Sykkylven kommune

Referansenr.: 4924336448
Stillingsprosent: 100%
Fast
Søknadsfrist: 16.03.2025