Administrasjonssjef ved Fakultet for økonomi og samfunnsvitskap
Jobbnorge ID: 182757
Høgskulen på Vestlandet, Fakultet for økonomi og samfunnsvitskap, har ledig fast stilling i 100% som administrasjonssjef
Administrasjonssjefen leiar fakultetsadministrasjonen, og inngår i fakultetet si leiargruppe. Stillinga rapporterer til dekan, med administrative leiarfunksjonar og fullmakter som er gitt av dekan..
Arbeidsstad er ein av Høgskulen på Vestlandet sine følgjande campusar; Bergen, Haugesund eller Sogndal.
Det må påreknast reiseverksemd mellom dei ulike campus.
Ansvars- og arbeidsoppgåver:
Stillinga sitt ansvarsområde inkluderer delegert personalansvar og leiing av fakultetet sin administrasjon. Administrasjonssjefen har ansvar for effektiv drift, utvikling og organisering av fakultetsadministrasjonen, mellom anna ved bruk av støttefunksjonar ved fellesadministrasjon i HVL. Administrasjonssjefen skal sikre god utnytting av ressursane og høg kvalitet på tenestene.
Administrasjonssjefen har følgjande ansvarsområde:
- Ansvar for økonomiforvaltinga i fakultetet, som budsjett og økonomioppfølging
- Leiing av dei administrative oppgåvene innan HR, studieadministrasjon, EVU og oppdragsverksemd og FoUI som ligg til fakultetet
- Ansvar for at fakultetet har eit godt system for leiarstøtte
- Ansvar for vedlikehald og vidareutvikling av årshjul, økonomiske analyser og rapportar for leiing og styringsorgan i fakultetet
- Ta initiativet til, og legge til rette for interne prosessar knytt til årsplanar, strategiarbeid, årsmelding og budsjett
- Leiing av fakultetet sitt HMS-arbeid og oppfølgjing av internkontrollsystem på delegasjon frå dekanen
- Sikre god samhandling i fakultetet, med dei andre fakulteta og med einingar i fellesadministrasjonen
- Sikre at fakultetet si verksemd skjer innan gjeldande lovar og reglar (forvaltingskontroll)
Administrasjonssjefen har følgjande arbeidsoppgåver:
- Utviklings-, utgreiings og analyseoppgåver
- Saksførebuing for råd og utval i fakultetet
- Iverksetting av vedtak som er fatta av overordna vedtaksorgan
- Intern og ekstern informasjonsverksemd, i samarbeid med dekan og instituttleiarar
- Avlaste dekan med driftsoppgåver
Mynde
Mynde i stillinga er delegert frå dekan, og administrasjonssjefen rapporterer til dekan. Administrasjonssjefen har mynde til å disponere eige budsjett.
Kvalifikasjonskrav:
Formell utdanning og kompetanse:
- Høgare utdanning, fortrinnsvis mastergrad, innan relevant fagområde
- Dokumentert administrativ praksis og høg kompetanse innan eininga sitt arbeids- og ansvarsområde
- God IKT-kompetanse
- Erfaring med økonomisystem er ønskjeleg
- Kjennskap til fakultetet sine fagområde
- Administrativ leiarerfaring og dokumenterte resultat frå leiarstilling vert vektlagd
- Erfaring frå arbeid med endring og omstilling er ønskjeleg
Generell kompetanse:
- God kunnskap om statleg leiarskap og offentleg forvalting
- God forståing for høgskulen sitt samfunnsoppdrag
- God organisasjonsforståing
- Kunnskap om relevant lov- og avtaleverk
- Erfaring frå, og god kunnskap om, universitets- og høgskulesektoren vert vektlagd
- God munnleg og skriftleg framstillingsevne på norsk og engelsk
- Spisskompetanse på verksemdstyring, administrative prosessar, forvaltning og regelverk er ønskjeleg
- Erfaring frå utgreiingssaker og sakshandsaming
Personlege eigenskapar:
- Ein motiverande og inkluderandre leiarstil med vekt på samarbeid og medverknad
- Evne til strategisk heilskapleg perspektiv
- Gode evner til kommunikasjon, samhandling og til å bygge tillit og skape gode relasjonar internt og eksternt
- Evne til sjøvstendig og resultatorientert arbeid blir vektlagt
- Takle høgt arbeidspress og samansette oppgåver på ein fleksibel og løysingsorientert måte
- Vere fleksibel, serviceinnstilt og initiativrik
- Stort engasjement for å nå høgskulen sine ambisjonar
Vi tilbyr:
- Spennande fagmiljø med moglegheit for kompetanseheving - og utvikling
- Gode pensjons-, forsikrings-, og låneordningar i Statens pensjonskasse
- Høve for trening i arbeidstida
Stillinga som Administrasjonssjef er løna etter Statens lønsregulativ, i stillingskode 1058 - Administrasjonssjef.
Frå løna vil det bli trekt 2 % innskot til Statens pensjonskasse.
Korleis søke på stillinga?
Send søknad og CV ved å klikke på knappen merka "Søk stilling" på denne sida.
Det er søkjar sitt ansvar å sørge for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller annen dokumentasjon ikkje er på eit skandinavisk språk eller engelsk, må søkjar sjølv laste opp attesterte omsettingar. Dersom vedlegga overskrider 15 MB må dei komprimerast før opplasting eller leggast ved som lenke.
Søknader kan ikkje sendes på e-post til enkeltpersoner ved høgskulen.
Generell informasjon:
Vi gjer merksam på at jfr. ny offentlegheitslov kan opplysningar om søkjaren bli offentliggjort sjølv om søkjaren har bedt om ikkje å bli oppført på søkjarlista. Søkjaren vil bli varsla dersom ønskje ikkje vert teke til følgje.
Høgskulen på Vestlandet er under omstilling, og det kan bli gjort endringar i stillinga sitt ansvarsområde og plass i organisasjonen.
Den statlige arbeidsstyrken skal i størst mulig grad spegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.
Kontaktpersonar ved Høgskulen på Vestlandet er:
-
Dekan, Anne Isabelle Robbestad, tlf. 52 70 27 38
-
Noverande administrasjonssjef, Gro Nesheim, tlf. 52 70 26 32
Samspel, berekraft og nyskaping
Samspel, berekraft og nyskaping skal kjenneteikne alt vi gjer.
Vi skal bli eit universitet med ein tydeleg profesjons- og arbeidslivsretta profil.
Video: https://www.youtube.com/watch?v=z-Py_In-Eyg&feature=youtu.be
Se annonsen og søk på stillingen www.jobbnorge.no
Om bedriften
Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi og samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
HVL er organisert i fire campusovergripande fakultet: Fakultet for lærerutdanning, kultur og idrett (FLKI), Fakultet for helse- og
sosialvitskap (FHS), Fakultet for ingeniør- og naturvitskap (FIN) og Fakultet for økonomi og samfunnsvitskap (FØS). I tillegg til dei fire fakulteta har HVL ein fellesadministrasjon som er leia av organisasjonsdirektør. Kvart av fakulteta vart leia av ein dekan som har det overordna ansvaret for den faglege og adminstrative verksemda ved fakultetet og som rapporterer til rektor.
Fakultetet for økonomi og samfunnsvitskap (FØS) har tre institutt med totalt om lag 120 tilsette og 2000 studentar. Kvart institutt er leia av ein instituttleiar og ellers består fakultetleiinga, i tillegg til dekan, av to prodekanar (FoU og utdanning) og ei stabseining leia av administrasjonssjef. Eit institutt har tilsette på fleire campus.