Nestleiar i juridisk utgreiingseining

Om stillinga

Vi søkjer ein dyktig og erfaren jurist til stillinga som nestleiar i utgreiingseininga. 

Nestleiaren er del av utgreiingsleiinga og vil ha både administrative oppgåver og utgreiingsarbeid. 

Utgreiingsleiinga organiserer og leier arbeidet i utgreiingseininga. Fagleg rettleiing og kvalitetssikring er sentrale oppgåver. Utgreiingsleiinga deltek i utviklinga av rutinar for sakshandsaminga og arbeidsflyten for utgreiarane, men også for dommarane og det administrative støtteapparatet. 

Videre er utgreiingsleiinga involvert i Høgsteretts interne faggrupper og tek del i digitaliseringsarbeidet i domstolane. 

Utgreiingsleiinga deltek også i den samla daglege leiinga av Høgsterett og i Høgsteretts utovervende verksemd, både nasjonalt og internasjonalt. 

Vi søkjer deg som

• har særs gode juridiske kvalifikasjonar 
• har brei erfaring med både prosessuelle og materielle juridiske spørsmål 
• har gode leiareigenskapar, utprega serviceinnstilling og gode samarbeidsevner 
• har særs god munnleg og skriftleg framstillingsevne 

Det vil bli lagt stor vekt på om du er personleg eigna for stillinga. Det er ein fordel med kjennskap til Høgsterett, erfaring frå domstolane og erfaring med kvalitetssikring av andres arbeid. Gode språkkunnskapar er ein fordel. Du må rekne med noko reising.

Du må kunne tryggingsklarerast for STRENGT HEMMELEG. 

Vi tilbyr

• varierte, krevjande og interessante arbeidsoppgåver både fagleg og administrativt 
• eit godt arbeidsmiljø med høg fagleg standard og engasjerte og dyktige medarbeidarar
• ein meiningsfylt arbeidskvardag 

Stillinga som nestleiar blir ved tiltreding lønt frå 1 075 000 kroner til 1 425 000 kroner (stillingskode 1364 seniorrådgjevar), avhengig av kvalifikasjonar og erfaring. 

Vi har heimekontorordning og høve til trening i arbeidstida. 

Elles gjeld lønns- og arbeidsvilkåra i staten. Frå løna blir det trekt 2 % innskot til Statens pensjonskasse. 

Slik søker du

Du sender søknaden din ved å bruke det elektroniske søknadsskjemaet på denne sida («søk stillinga»). Vi ber deg leggje ved vitnemål og relevante attestar. Vitnemål frå norske utdanningsinstitusjonar må lastast opp frå Vitnemålsportalen.

Etter søknadsfristen vil det bli utarbeidd offentleg søkjarliste. I samsvar med offentleglova § 25 vil opplysningar om søkjaren kunne bli offentleggjorde sjølv om søkjaren har bedt om ikkje å bli ført opp på søkjarlista.

Inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å bidra til endå betre oppgåveløysing. Vi vil leggje til rette for medarbeidarar som treng det.

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju. For å bli vurderte som søkjar i desse gruppene, det vil seie for å bli positivt særbehandla på denne måten, må søkjarane fylle visse krav. Les meir om krava i Statens arbeidsgjevarportal

Vi oppmodar søkjarar om å krysse av i dersom dei har funksjonsnedsetjing, hol i CV-en eller innvandrarbakgrunn.

Avkryssinga i vil bli brukt som grunnlag for anonymisert statistikk som blir utarbeidd på grunnlag av opplysningar som alle statlege verksemder rapporterer inn.