Applikasjonskonsulent SAP HR
Jobbnorge ID: 167147
Om stillinga
Har du lyst til å jobbe i eit av de største SAP-miljøa i Oslo og bidra til at staten får effektive tenester? Då er DFØ staden for deg. Hos oss får du jobbe i eit stort og kompetent fagmiljø der kompetansedeling og teamarbeid er ein del av kvardagen. I stillinga får du gode høve til å utvikle deg fagleg på fleire fagområde. Du får bruke kompetansen din i forvalting og i ulike prosjekt.
Vi søkjer deg som har brei kompetanse innanfor oppsett og verkemåte innan ein eller fleire av modulane tid, reise eller arbeidsflyt. Vi ønskjer at du har god forståing for forvalting, feilretting, konfigurering og utvikling, og at du kjenner til det statlege regelverket knytt til dette. I tillegg er det ein fordel om du har ei heilskapleg forståing av alle funksjonsområda innanfor SAP HR.
Stillinga er organisert i lønnsavdelinga, i seksjon for applikasjonsforvalting. Seksjonen har ansvar for å forvalte og vidareutvikle SAP HR-løysinga vår og er ekspertorganet i SAP-forvaltinga i DFØ. Vi fungerer som tredjelinjesupport ved feilretting og konfigurering i systemet. SAP Norge har sertifisert forvaltingsmiljøet vårt som Customer Center of Expertise. Seksjonen har i dag 35 medarbeidarar.
Sentrale arbeidsoppgåver
- rettingar og endringar som blir melde inn i brukarstøttesystemet vårt
- konfigurering i éin eller fleire av SAP-modulane
- kommunikasjon med SAP via Solution Manager
- handtering av regelverksendringar, inkludert kvalitetssikring og testing
- funksjonell vidareutvikling
- prosjektdeltaking og deltaking i systemoppgradering
Kvalifikasjonar
Du må ha
- relevant høgskule- eller universitetsutdanning. Relevant erfaring kan kompensere for manglande høgare utdanning
- god kunnskap om eit eller fleire av områdane tid, reise eller arbeidsflyt
- god munnleg og skriftleg framstillingsevne på norsk
- engelskkunnskapar slik at du kan kommunisera med vår leverandør (SAP) sitt support-system
Det er ønskjeleg at du har kunnskap om eit eller fleire av desse applikasjonsområdane:
- tidområdet: generell oppsett av tid, arbeidsplanar, CATS (timeføring) og Leave Request for fråværssøknader, oppsett av reglar og tidsevalueringsskjema
- reiseområdet: god kunnskap til reisemodulen og oppsett av reiseregulativ, utgiftstypar, vedlikehald av satsar osv., erfaring med feilrettingar og oppdateringar
- arbeidsflyt: god kompetanse på oppsett, feilretting og vedlikehald
- forståing for statleg regelverk på tid- og reiseområdet
- erfaring med tilpassingar i SAP
- erfaring med programmering (ABAP) og/eller kjennskap til Neptune og Fiori
Personlege eigenskapar
Vi søkjer deg som liker faglege utfordringar, er engasjert og har ei god serviceinnstilling. Du er ansvarsbevisst, sjølvgåande og flink til å kommunisere. Du har gode samarbeidsevner og liker å jobbe i team og dele kompetanse.
Vi legg vekt på gode personlege eigenskapar.
Vi tilbyr
I arbeidsmiljøet vårt er det ein uformell tone og stor vilje til å skape noko saman. Det er tett kontakt med relevante fagmiljø og gode ordningar for vidareutvikling. Vi har fleksitidsordning med sommar-/vintertid, betalt overtid og god pensjonsordning. Vi held til i lokale sentralt i Oslo.
Stillinga vil bli plassert som seniorrådgivar med lønnsplassering mellom 650 000 og 778 700 kroner per år, avhengig av kompetanse og erfaring. For spesielt kvalifiserte søkjarar kan høgare lønn vurderast. Frå lønna blir det trekt to prosent til Statens pensjonskasse. Ved tilsetjing er det seks månaders prøvetid. Den som får tilbod om stillinga, må leggje fram ein utvida politiattest.
DFØ legg vekt på mangfald, og vi oppfordrar alle som er kvalifiserte, til å søkje, uavhengig av alder, kjønn, funksjonsevne, nasjonal eller etnisk bakgrunn. Vi legg forholda til rette for personar med nedsett funksjonsevne.
Meir informasjon om DFØ finn du på heimesida vår, www.dfo.no. Har du spørsmål om stillinga? Ta kontakt på e-post eller telefon med seksjonssjef Gunn Merete Hebæk (gunnmerete.hebaek@dfo.no, 932 42 776) eller forvaltingsansvarleg Ove Malde (ove.malde@dfo.no, 924 00 194).
Søknadsfrist: måndag 1. april
Se annonsen og søk på stillingen www.jobbnorge.no
Om bedriften
Direktoratet for økonomistyring (DFØ) er statens ekspertorgan for statleg styring og utfører forvaltingsoppgåver for alle statlege verksemder. Vi skal bidra til effektiv ressursbruk i staten gjennom kompetansetiltak, rådgiving og utvikling av metodar og
verktøy. DFØ leverer lønns- og rekneskapstenester til 87 prosent av statlege verksemder, og har ansvaret for statsrekneskapen og statens konsernkontoordning. Det er om lag 460 tilsette i DFØ, fordelt på tre kontorstader: Oslo, Stavanger og Trondheim.