Sjukepleiar
Seljetunet omsorg og rehabilitering, Stad kommune
6740 Selje
Om jobben
Stillingstittel
Sjukepleiar på Seljetunet
Type ansettelse
Fast
Antall stillinger
2
Vi søkjer sjukepleiar som vil bidra til å forme framtidas helseteneste.
Seljetunet har ledig 2 x 100 % stilling i tredelt turnus som autorisert sjukepleiar for snarleg tilsetjing.
Seljetunet utfører tenester til bebuarar i institusjon og bufelleskap. Seljetunet har totalt 47 plassar der 31 rom er for langtidsopphald i institusjon og 16 bemanna omsorgsbustadar. Det er tre avdelingar for langtidsopphald, der den eine avdelinga er spesielt tilpassa bebuarar med behov for skjerming i kvardagen. I tillegg har eininga avlastingsopphald og korttidsopphald.
Seljetunet har eige institusjonskjøkken som og leverer mat til heimebuande i ytre del av Stad kommune
Vi søkjer deg som er innovativ, jobbar for kontinuerleg forbetring og som kan bidra med nye idear og perspektiv i tenesteutviklinga. Du vil få ansvarsfulle faglege oppgåver, kunne utvikle deg og vere med å påverke tenesta.
Som tilsett i eininga vil du samarbeide med andre tenester som heimetenesta, legetenesta og fysio-og ergoterapitenesta. Seljetunet deltek i TØRN -pilot der vi ser på ny oppgåvedeling og tenestestyrt bemanning.
Er du i sluttfasen av sjukepleiestudie? Start gjerne di utvikling som sjukepleiar hos oss!
Arbeidsoppgåver
- Sjukepleiefaglege oppgåver, omsorg og medisinsk behandling
- Kartlegging og vurdering av behov for brukarar
- Følge opp og dokumentere tenesteytinga etter kvalitetskrav, lovverk og kommunale retningslinjer
- Rettleie studentar, lærlingar og kollegaer
- Tverrfagleg samarbeid med anna fagpersonell som fysioterapeuter, lege og andre einingar.
Kvalifikasjonar
- Offentleg godkjend/ autorisert sjukepleiar
- Gjerne relevant vidareutdanning og kurs
- Gode språkkunnskapar i norsk både munnleg og skriftleg
- Aktuelle kandidatar må ha førarkort kl. B
Personlege eigenskapar
- Du jobbar for eit kontinuerlig godt og utviklande arbeidsmiljø
- Du likar utfordrande arbeidsoppgåver og varierte arbeidsdagar
- Du er fleksibel og interessert i forbetringsarbeid
- Du tek initiativ og ansvar
- Du kan arbeide sjølvstendig og i samarbeid med andre
For oss er det viktig at du trivast med menneske, og at du ønskjer å bruke faget ditt til det beste for våre tenestemottakarar. Dei vi skal hjelpe har ulike medisinske behov, og du må derfor kunne sette deg inn i ulike sjukdomsbilde og anbefalte behandlingsmetodar.
Vi tilbyr
- Godt tverrfagleg samarbeid og godt arbeidsmiljø
- Høve til fagleg utvikling
- Løn- og arbeidsvilkår i samsvar med gjeldande lov- og avtaleverk
- Kompetansetillegg (inntil kr. 28 000)
- Gode pensjons- og forsikringsordningar
- Høve til å inngå avtale om å arbeide fleire helgar i turnus mot ekstra kompensasjon
- Tilbod om flyttegodtgjersle dersom du vil flytte til kommunen vår
- Tilrettelegging for vidareutdanning på område som kommunen har behov for
Vi ber om at attestar, vitnemål og relevante referansar vert lagt ved søknaden.
Stad kommune har seks månader prøvetid. Poitiattest skal leggast fram før start i stillinga. Aktuelle søkjarar må ha førarkort.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Ring oss gjerne for ein prat, så fortel vi meir!
Kontaktinformasjon
Heidi Munch Starheim, einingsleiar Hogatunet bu- og behandlingssenter, 48045210, heidi.munch.starheim@stad.kommune.noStine Fylling, avdelingsleiar Seljetunet, 98482449, stine.fylling@stad.kommune.no
Arbeidsstad
6740 Selje
Nøkkelinformasjon:
Arbeidsgivar: Stad kommuneReferansenr.: 4784882647
Stillingsprosent: 100%
Fast
Søknadsfrist: 20.05.2024
Om bedriften
Stad kommune har om lag 9 500 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad og Bryggja vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit spanande næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!
Sektor
Offentlig
Nettsted
Annonsedata
Rapporter annonse- Stillingsnummer
2599360
- Sist endret
21. mai 2024
- Hentet fra
talentech
- Referanse
ca719bb412ed4494867ac3ed0bf3cf2f