Interkommunal kommunepsykolog, 100% fast - 2. gongs utlysing
Nyoppretta stilling som interkommunal kommunepsykolog i 100% stilling.
Stillinga som kommunepsykolog er ei interkommunal stilling i kommunane Etne og Vindafjord, der Etne er vertskommune. Stillinga er fordelt slik; Vindafjord 60% og Etne 40% med oppmøte i begge kommunane. Kommunane har til saman 12900 innbyggarar. Kommunepsykologen vil vera organisert inn under eining helse som m.a består av psykisk helse- og rustenesta, legesenter/ interkommunal legevakt, ergo og fysioterapiteneste, helsestasjon og skulehelseteneste og familieteam (Vindafjord).
Arbeidsoppgåver
o Rettleie faggrupper innanfor helse/psykiatri og rus i kommunane.
o Førelese/rettleiie på fagdagar internt og eksternt i kommunen om ulike temaer knytta til psykisk helse for barn og vaksne.
o Bidra til styrking av tverr- og fleirfagleg samarbeid i kommunen.
o Vera med på å styrka samarbeid med BUP, DPS og fastlegane i kommunane.
o Bidra i kommunane sitt psykososiale kriseteam.
o Samarbeid med andre kommunale tenester og 2. linjetenester (BUP/DPS).
o Delta i plan- og systemarbeid.
o Samtalar med barn, ungdom og familiar.
o Stillinga kan inkludera utredning, diagnostisering og behandling.
kompetanse:
o Psykolog eller psykologspesialist med norsk autorisasjon.
o Erfaring fra kommunalt arbeid og/eller spesialisthelsetenesten er eit ønske, men ikkje påkrevd.
o Erfaring fra arbeid med barn, ungdom og familiar er ein fordel.
o Spesialisering i samfunnspsykologi eller familiepsykologi er ein fordel.
o Gode norskkunnskaper, både skrifteg og muntleg.
o Grunnleggande IT-kompetanse.
o Førerkort klasse B.
Personlege eigenskapar
o God på relasjonar og kommunikasjon med menneske i sårbare situasjonar.
o Evne til å arbeide sjøvstendig og i team.
o Interesse for førebyggande og helsefremjande arbeid.
o Ha forståing for at dokumentasjon og kvalitetssikring er ein del av arbeidet.
o Fleksibel og løysningsorientert.
Godkjent politiattest må føreligga ved tilsetting.
Annan informasjon
Kva kan me tilby?
o Nyoppretta og spennande stilling med moglegheit til å påverke og utvikla tenestene.
o Tilsetting på kommunale vilkår og god pensjonsordning gjennom KLP.
o Triveleg arbeidsplass med eit godt arbeidsmiljø.
o Tilgang til et psykolog-nettverk i Haugalandsregionen.
o Moglegheit til å påverke folkehelsa i kommunan våre.
Ynskjer ikkje kontakt med rekrutteringsselskap eller seljarar.
Søknad skal sendast
Etne kommune nyttar elektronisk søknadsskjema - dersom du treng hjelp til dette, ta kontakt med Tenestetorget på tlf. 53758000. Søknad vert å senda elektronisk innan fristen ved å trykkja "søk stilling" til høgre. Søkjar vert oppmoda til å laste opp elektronisk versjon av attestar og vitnemål. Originalar leggjast fram ved eit eventuelt intervju.
Dersom søkjar ønskjer å reservera seg frå offentleg søkjarliste, må dette grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ønske om reservasjon ikkje blir tatt til følgje
Om bedriften
Etne kommune har ca 4 100 innbyggjarar, med gode levekår for både unge og eldre og full barnehagedekning. Kommunen har arbeidsplassar innanfor landbruk, mekanisk industri, varehandel, service og ulike tenesteytande næringar. Kulturtilbodet er godt og variert, med flotte tilhøve for sport og friluftsliv. Tenestemålet er nynorsk.