ID 1804 Prosjektleiar - Sunnhordland interkommunale barnevernteneste
Sunnhordland interkommunale barnevernteneste, Bømlo, Fitjar og Stord (SIB) -- er organisert med Stord som vertskommune og tenestestad. Bømlo og Fitjar er samarbeidskommunar. Tenesta er eit interkommunalt samarbeid, med eit totalt innbyggjartal på omlag 34 000. SIB har rundt 35 tilsette, og saman skal me forvalte alle oppgåver og område innan Lov om barnevernteneste i våre tre kommunar. Me er fordelt i ulike arbeidslag: spe- og små, barn, ungdom, omsorg og familierettleiarar. Tenesta har kontorstad på Stord, med tilgjenglege kontor og møtestader i Bømlo og Fitjar. Stord kommune er formell tilsetjingsstad.
Det er ledig ei 3-årig prosjektstilling med moglegheit for fast tilsetjing
Om stillinga
SIB har fått prosjektmidlar til å starta opp MST-CAN (Multisystemic Therapy- Child Abuse and Neglect). MST-CAN er eit evidensbasert behandlingstiltak for familiar med barn mellom 6-18 år der det vert rapportert om fysisk vald/ omsorgssvikt i heimen. Teamet jobbar tett opp mot familien med fleire treffpunkt i veka for å systematisk forebygga vald og omsorgssvikt. Komponentar som rusbehandling, sinnemeistring, traumeterapi og kommunikasjon i familien kan og involverast i familien sin behandlingsplan.
Arbeidsoppgåver
- Leie og koordinere prosjektet, byggje opp og leie MST-CAN-teamet, legge til rette for samhandling på tvers av prosjektet og i barneverntenesta samt sørge for at prosjektet oppnår forventa resultat innanfor tidsrammer og budsjett.
- Bidra aktivt for å skape og vidareføre ei sterk fagleg teneste og eit godt arbeidsmiljø.
- Terapeutisk arbeid etter MST-CAN sine behandlingsprinsipp og praksis.
- Koordinere det faglege arbeidet i kvar enkelt familie og samarbeide nært med blant anna skule, PPT, barnevern og psykisk helsevern.
- Utføre MST-CAN sine kvalitetssikringsrutinar.
- Delta i informasjonsarbeid om MST-CAN.
- Delta i utviklingsarbeid/ aktivitet i barneverntenesta forøvrig.
Kvalifikasjonar
- Profesjonsstudiet i psykologi eller mastergrad i helse- og sosialfag med klinisk vidareutdanning, samt breidde og lang erfaring frå terapeutisk arbeid.
- Andre søkjarar med særskild kompetanse innan klinisk eller terapeutisk arbeid vil verte vurderte.
Me legg vekt på at du har:
- Evne til å leie strategiske utviklingsprosessar og prosjektarbeid.
- God organisasjons- og systemforståing.
- Erfaring med arbeid med eller behandling av vald/ traume.
- Du må kunna jobbe svært fleksibelt og inngå i ein turnus som gir tilgjenge 24 timar i døgnet, 7 dagar i veka. Tilgjengelegheit vil bli regulert gjennom ein eigen avtale.
- Kompetanse innan områda rus/ psykisk helse/ levekår/fleirkulturelt arbeid/omsorgssvikt samt heilskapleg jobbing i familiar.
- God skriftleg og munnleg framstillingsevne.
- Kunnskap om aktuelt lovverk.
- Økonomiforståing.
- Er datakunnig og har interesse for system- og kvalitetssikring i dataverktøy.
Personlege eigenskapar
- Har eit stort engasjement for barn, heilskapleg familiearbeid og barnets beste.
- Engasjement for å jobbe med krevjande problemstillingar, samt å jobbe ut frå brukaren sitt perspektiv og målsettingar.
- God veileiingskompetanse og evne til å motivere andre.
- Sjølvdreven og initiativrik.
- God planleggings- og gjennomføringsevne.
- Du er robust og har høg arbeidskapasitet.
- Det vert stilt krav om sertifikat klasse B.
- Ved tilsetjing vil det bli stilt krav om at ein legg fram politiattest av ny dato.
Me kan tilby:
- Varierte arbeidsoppgåver i eit tverrfagleg fagmiljø
- Godt arbeidsmiljø
- Stord ve og vel med moglegheit for leige av leilegheiter i Røldal, Husøy
- med båt og utleige av tilhengarar mm.
- Løns- og arbeidsvilkår i samsvar med kommunalt avtaleverk
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
Om bedriften
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.