ID 1880 Sakshandsamar/koordinator fritid og frivilligheit – Eining for kultur
Eining for kultur har ansvar for drift av Stord folkebibliotek, Stord kulturskule, Stord kulturhus og kino, samt ein fagstab som handsamar andre saker innan kulturfeltet t.d. kulturminne, kunst, DKS, tilrettelagt fritid, Frivilligsentral, BUA, festivalar og samarbeid med lag og organisasjonar m.m.
I eining for kultur er det ledig fast 40 % stilling som sakshandsamar/koordinator innan tilrettelagt fritid f.o.m. 01.09.2022.
**I tillegg ligg det til stillinga ei 20% prosjektstilling i perioden 01.09.2022 -- 30.06.2023.**Prosjektstillinga handlar om å etablera eit kontaktpunkt/kontaktperson mellom kommunen og frivillige lag og organisasjonar, samt støtte opp under det frivillige lagsarbeidet i kommunen.
Samla stillingsprosent fram til og med 30.06.23 vert då 60%.
Me søkjer ein medarbeidar som:
- Er resultat- og utviklingsorientert
- Har høg digital kompetanse
- Har gode samarbeidsevner
- Kan arbeide sjølvstendig og strukturert
- Er positiv, initiativrik og inkluderande
- Delar av arbeidet kan bli lagt til ettermiddag/kveldstid.
Arbeidsoppgåver:
- Rekruttering av nye fritids-/støttekontaktar
- Rettleiing av oppdragstakarar
- Anna sakshandsaming knytt til tilrettelagt fritid (t.d. oppfølging av vedtak, kontroll og attestering av timelister)
- Vera kontaktperson for frivillige lag og organisasjonar i kommunen
- Oppfølging av Fritidskasse, Join og andre støtteordningar
- Oppfølging aktivitetskalender/nettportal
Kvalifikasjonar:
- Søkjar må ha ein bachelorgrad, t.d. i sosialt arbeid (sosionom), ergoterapi, kultur og fritid
- Erfaring frå arbeid med lag og organisasjonar
- Gjerne utdanning innan rettleiing
- God munnleg og skriftleg framstillingsevne
- Førarkort klasse B
- Personlege eigenskapar vert vektlagt
Me kan tilby:
- Godt arbeidsmiljø
- Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
- Løns- og arbeidsvilkår i samsvar med kommunalt avtaleverk
Nærare opplysningar får ein ved å venda seg til kultursjef i Stord kommune, Anne Lene Østvold Jordåen, 48043386 eller fagleiar tilrettelagt fritid Aud Jorunn Mjånes, 98839604.
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje
Om bedriften
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.