Førsteamanuensis/førstelektor/høgskulelektor i norsk - st. nr. 13/2020
Stillingsannonsen er inaktiv.Høgskulen i Volda
Joplassvegen 11, 6103 Volda
Jobbnorge ID: 183075
Om stillinga
Ved Høgskulen i Volda, Avdeling for humanistiske fag og lærarutdanning, Institutt for språk og litteratur, Seksjon for norsk i lærarutdanningane, er det ledig et vikariat som førsteamanuensis/førstelektor/høgskulelektor i norsk i 100% stilling frå 1.8.2020 til 31.7.2021.
Institutt for språk og litteratur tilbyr norskfaglege emne i grunnskule- og barnehagelærarutdanning og i praktisk-pedagogisk utdanning, og årsstudium og fordjupingsstudium i nordisk språk og litteratur. Vi har mastergrad i nynorsk skriftkultur, og i dei femårige grunnskulelærarutdanningane har vi mastertilbod i norsk og engelsk innanfor grunnskulelærarutdanning 1-7 og 5-10. Vidare tilbyr instituttet årsstudium i norsk språk og samfunnskunnskap for internasjonale studentar, og vi har årsstudium og etter- og vidareutdanningstilbod i norsk og engelsk. Vi samarbeider med Nasjonalt senter for nynorsk i opplæringa, som held til ved same avdeling.
Arbeidsfelt
Undervisningsoppgåvene for den utlyste stillinga er i første rekke knytt til norskfaglege emne i barnehagelærarutdanninga, grunnskulelærarutdanninga, praktisk-pedagogisk utdanning og i vidareutdanningstilbod for lærarar. Sentrale emne i utdanningane er lese- og skriveopplæring, litteraturdidaktikk, språkvitskap, munnleg kommunikasjon, norsk som andrespråk, multimodale tekstar og nynorsk i opplæringa. Nettbasert undervisning og rettleiing er sentralt i fleire av utdanningane våre. I ei førsteamanuensis-/førstelektorstilling vil også arbeid med rettleiing av masterstudentar vere aktuelt.
Kvalifikasjonar
For tilsetting som førsteamanuensis må søkaren ha doktorgrad i norsk (nordisk), norskdidaktikk eller tilsvarande. For tilsetting som høgskulelektor må søkaren ha mastergrad/hovudfag i norsk (nordisk), norskdidaktikk eller tilsvarande. Det er ønskeleg at søkaren har praktisk-pedagogisk utdanning, lærar- eller lektorutdanning eller tilsvarande pedagogisk kompetanse. Arbeids- og undervisningsspråket ved instituttet er norsk, og søkaren må meistre både bokmål og nynorsk.
Personlege eigenskapar vil bli vektlagde. Vi ønsker søkarar som har ei reflektert og bevisst haldning til eige undervisnings- og rettleiingsarbeid, og som har evne til å engasjere studentane både i undervisning og rettleiing. Søkaren bør kunne legge til rette for varierte undervisningsformer og kunne nytte digitale reiskapar i planlegging og undervisning. Elles ønsker vi ein medarbeidar med gode samarbeids- og kommunikasjonsevner, og med evne til å bidra til eit konstruktivt arbeidsmiljø.
Den som vert tilsett må ha dokumentert relevant praktisk-pedagogisk kompetanse på grunnlag av utdanning eller undervisning og rettleiing.
For stillingar som førsteamanuensis og professor viser ein vidare til krav til Høgskulen i Volda sine krav til pedagogisk basiskompetanse: https://www.hivolda.no/sites/default/files/documents/Retningslinjer%20pedagogisk%20basiskompetanse%20januar%202020.pdf og til Forskrift om ansettelse og opprykk i undervisnings- og forskerstillinger: https://lovdata.no/dokument/SF/forskrift/2006-02-09-129.
Søkjar til stilling som førsteamanuensis som ikkje innfrir krava til pedagogisk basiskompetanse, kan bli tilsett med vilkår om at vedkomande innan to år opparbeider seg denne kompetansen. Vedkomande vil få tilbod om opplæring/kurs/emne i høgskulepedagogikk.
For meir informasjon om kva som ligg i kravet til pedagogisk kompetanse i Forskrift om ansettelse og opprykk i undervisnings- og forskerstillinger, sjå Universitets- og høgskolerådet sine nasjonale retningslinjer for pedagogisk basiskompetanse: www.uhr.no/temasider/karrierepolitikk-2/nasjonale-veiledende-retningslinjer-for-uh-pedagogisk-basiskompetanse.
Vi tilbyr
Vi kan tilby eit spanande arbeidsmiljø med høve til fagleg og personleg utvikling og gode pensjonsordningar.
Vi kan tilby varierte og spennande arbeidsoppgåver i eit inkluderande og godt fagleg arbeidsfellesskap. Vi har gode vilkår for forskingstid og fleire aktive forskargrupper som ein kan delta i på ulike felt innanfor faget.
Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda: Førsteamanuensis 1011/førstelektor 1198 frå kr 583 900 - 789 200/ høgskulelektor 1008 frå kr 488 000 - 679 000.
Generell informasjon
Den statlege arbeidsstyrken skal i størst mogleg grad spegle mangfaldet i folket. Det er difor eit personalpolitisk mål å oppnå ei balansert alders- og kjønnssamansetjing og rekruttere personar med innvandrarbakgrunn. Høgskulen praktiserer moderat kjønnskvotering. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til statistikkføremål knytt til regjeringa sin inkluderingsdugnad.
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Søkjarar kan verte kalla inn til intervju og/eller prøveundervisning. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
I samsvar med Offentleglovas § 25 kan søkjar be om å ikkje bli oppført på offentleg søkjarliste. Søkjarar som ønskjer å reservere seg, må under <<søknad>> hake av for <<Er det grunnlag for å bli unntatt offentligheit, jfr. Offentlighetsloven>> samt grunngi søknaden. Høgskulen kan likevel avgjere at namnet på søkjaren skal offentleggjerast. Søkjaren blir varsla dersom ønsket om unntak ikkje blir tatt til følge.
Om søknaden
Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du oppgir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.
Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.
Følgjande dokument/filer skal leggjast ved den elektroniske søknaden:
- vitnemål og attestar, samla i ei fil
- CV
- fullstendig publikasjonslise over alle vitskapelege arbeid
- inntil 10 vitskapelege arbeid, inkludert master-/hovudfagsoppgåve og eventuell doktorgradsavhandling
Dei faglege kvalifikasjonane til søkjarane vert vurdert av eit sakkunnig utval. Viser til Forskrift om ansettelse og opprykk i undervisnings- og forskerstillinger, KD 9.2.2006. www.lovdata.no/dokument/SF/forskrift/2006-02-09-129. Alle innkomne søknader blir først vurderte av avdelinga. Søknader frå klart ikkje-kvalifiserte søkjarar blir ikkje sende vidare til vurdering i sakkunnig utval.
Søknadsfrist: 9. mars 2020.
Kontakt
Opplysningar om stillinga kan ein få ved å vende seg til seksjonsleiar for Seksjon for norsk i lærarutdanningane, Kristin Kibsgaard Sjøhelle, e-post: kks@hivolda.no, tlf. 70 07 5102 eller instituttleiar for Institutt for språk og litteratur, Jorunn Hetland, e-post: jorunn.hetland@hivolda.no, tlf. 90 99 11 55.
Om avdelinga
Avdeling for humanistiske fag og lærarutdanning tilbyr grunnskulelærarutdanning, barnehagelærarutdanning, praktisk pedagogisk utdanning, ulike fagutdanningar og mastergradstudium med spesialiseringar i matematikk, norsk eller spesialpedagogikk, samt eit omfattande vidareutdanningstilbod.
Det beste med Volda
Studentar og bygdefolk fortel kva dei synest er det beste med Volda. Produksjon: Chris-Håvard Berge
Video: https://www.youtube.com/watch?v=61Me2JOrMgQ&feature=youtu.be
Se annonsen og søk på stillingen www.jobbnorge.no
Om arbeidsgiveren
Arbeidsgiver
Høgskulen i Volda
Adresse
Joplassvegen 11, 6103 Volda
Hjemmeside
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4500 studentar og 350 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.
Om stillingen
Antall stillinger
1
Heltid/deltid
Heltid
Sektor
Ikke oppgitt
Sist endret: 10. mars 2020
Hentet fra: jobbnorge
Referanse: 183075_Høgskulen i Volda_jobbnorge
Stillingsnummer: f98b95f2-4cda-4c41-9cdb-fef96a44b3ee