ID 1789 Kommunalsjef - Rehabilitering, helse og omsorg
Stord kommune har ledig stilling som kommunalsjef for tenesteområde rehabilitering, helse og omsorg. Stillinga inngår i rådmannen si leiargruppe, som har det overordna administrative ansvaret for planlegging, utvikling og drift av den kommunale verksemda.
Stord kommune har som overordna visjon Saman om utvikling og velferd . Verdiane open, kompetent, brukarorientert og nyskapande skal være styrande for arbeid og utøving av leiarskap i kommunen.
Kommunalsjefen sine hovudoppgåver
- Fagleg og administrativt ansvar for tenesteområdet rehabilitering, helse og omsorg.
- Saksførebuing og oppfølging av politiske vedtak
- Digitalisering og vidare utvikling av tenesteområdet
Me ynskjer ein kommunalsjef som:
- Set mål og er utviklingsorientert
- Tek ansvar og er sjølvstendig
- Har gode samarbeidsevner
- Motiverer og skapar gode arbeidsmiljø
- Har god munnleg og skriftleg framstillingsevne og ein ryddig og strukturert arbeidsstil
- Har forståing for det å arbeide i skjeringspunktet mellom politikk og administrasjon
- Har høgare utdanning og leiarerfaring.
Me kan tilby:
- Spanande utfordringar i ein kommune i utvikling og med positive og dyktige medarbeidarar.
- Medlemskap i Stord ve og vel med moglegheit for leige av leilegheiter i Røldal, Husøy med båt og utleige av tilhengarar med meir
- Løns- og arbeidsvilkår vert i samsvar med kommunalt avtaleverk.
- Gode pensjons- og forsikringsordningar
Offentlig tenestepensjon i KLP - Kort fortalt
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.
Om bedriften
Stord kommune er kommunikasjons- og regionsenter i Sunnhordland, og ligg sentralt mellom Bergen og Stavanger. Stord er ein utviklingsorientert industrikommune med ein maritim sektor som er verdsleiande m.a. når det gjeld å utvikle grøne løysingar. Kommunen har ambisjonar som ein attraktiv vekstkommune under visjonen <<Saman om utvikling og velferd>>, og har mål om å bli nullutsleppskommune innan 2030. Stord har mange og varierte tilbod innanfor privat og offentleg tenesteyting, handel og undervisning, idrett, kultur og friluftsliv. Kommunen har nær 19.000 innbyggjarar.