Ingeniør/forskingsteknikar - fruktdyrking
Nøkkelinformasjon
Arbeidsoppgåvene er knytt til prosjektoppdrag, forsøksarbeid og drift av faste anlegg, jord og fruktarealet ved eininga.
Stillinga er ved NIBIO Ullensvang, og er ei fast, full stilling. Stillinga er ledig frå 1. mars 2021.
Hovudoppgåvene til stillinga
- Drift av fruktarealet ved stasjonen i samarbeid med driftsgruppa og forskarar. Grasslått, plantevern, skjering, tynning, vatning, gjødsling, planting av nye felt, rydding av gamle felt og hausting er døme på oppgåver.
- Utføring av arbeid på forskingsprosjekt i høve til forsøksplanar – mellom anna forsøkssprøytingar, målingar/registreringar, forsøkshausting, jordprøvar, treforming, vatningsteknikk, dyrkingssystem
- Stillinga vil i tillegg ha arbeidsoppgåver knytt til drift av stasjonen og vedlikehald av stasjonen sine bygningar, maskinpark og forsøksinfrastruktur
Kvalifikasjonskrav
- Utdanning i gartnar-/anleggsgartnar-/agronomfaget frå vidaregåande/fagskule, eller på høgare nivå
- Førerkort B og T, eller tilsvarande, gjerne BE
- Erfaring med bruk av landbruksmaskiner, gjerne i bratte bakkar (stillinga har mykje arbeid med traktor og traktorreiskap)
- Gode kunnskaper i norsk og engelsk skriftleg og munnleg
Det er ein fordel om du har
- Erfaring med forsøksarbeide
- Kompetanse innan moderne fruktdyrking
- Autorisasjonskurs i plantevern
- Maskinfagleg kompetanse
- Trucksertifikat
Personlege eigenskapar
- Open og omgjengeleg
- Gode samarbeidsevner
- God praktisk sans
- Godt humør
- Løysingsorientert
Vi tilbyr
Stillinga er plassert i det statlege lønsregulativ som ingeniør kode 1275 eller avdelingsingeniør kode 1085, lønssteg 43-56 (kr 404.400 - 498.800 pr. år). Løna vert vurdert etter utdanning og erfaring.
Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.
Treng du meir informasjon?
Kontakt stasjonsleiar Thomas Harris, tlf 473 52 311, eller eigedomsleiar i NIBIO, Rolf Johansen, tlf 995 20 078.
Korleis søkja på stillinga
Søknad med CV sendar du elektronisk via lenkje på denne sida, "søk stillinga".
Vitnemål og attestar skal takast med ved eit eventuelt intervju, eller leggjast ved elektronisk.
Generelle opplysingar
Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, nasjonal eller etnisk bakgrunn.
Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.
Om bedriften
Om NIBIO og avdelinga
NIBIO arbeider med landbruk, mat, klima og miljø. Vi leverer forsking, forvaltingsstøtte og kunnskap til bruk i nasjonal beredskap, forvalting, næringsliv og samfunnet elles.
NIBIO har hovudkontor i Ås i Akershus, har om lag 700 tilsette, og er til stades i alle landsdelar. Landbruks- og matdepartementet er eigar av NIBIO
NIBIO Ullensvang har ansvar for å leggje til rette for forsking knytt til integrert og økologisk produksjon av frukt og bær. Stasjonen liggar i hjartet av fruktbygda Lofthus og har nært samarbeid med fruktnæringa lokalt og nasjonalt. NIBIO Ullensvang har tradisjon for å samarbeide med utanlandske forskarar, og for å tilby norske og utanlandske studentar opphald i kortare eller lengre tid.