Controller/rådgivar
Org. nr: 983658725 Stillingsident: 4094659813 Presentasjon av stillingen:
Vil du bidra til styring og utvikling av sjukehusa på Vestlandet?
Økonomi- og finansavdelinga i Helse Vest RHF søkjer medarbeidarar på fleire område. Helse Vest RHF ligg i front innanfor teknologiske løysingar knytte til verksemdstyring og rapportering. Vi søkjer deg som er talentfull, gjerne med erfaring, men nyutdanna er også aktuelle. Du får jobbe med sentrale oppgåver for konsernleiinga og ut mot helseføretaka.
Du må rekne med å måtte reise noko i samband med jobben .
Arbeidsoppgåver
Økonomi- og finansavdelinga i Helse Vest er nyleg organisert i fem grupper - økonomi, finans, inntekter, rekneskap og ei gruppe som er ansvarleg for system, innkjøp og logistikk. Sentrale arbeidsoppgåver er:
-
arbeide med prosessar med avgjersler og oppfølging av investeringar, likviditet, lån, renter mv
-
bidra til systematisk gevinstrealisering i føretaksgruppa
-
arbeide med økonomisk langtidsplan, årsbudsjett, rapportering frå verksemnda og oppfølgingsmøter i føretaksgruppa
-
arbeide med felleskontrollerte verksemder og til Staten.
-
følgje opp private leverandørar, ha ansvar for verksemdstyringsprosessane, arbeide med analyse og rapportering ved hjelp av våre IKT verktøy.
-
arbeide med aktivitetsbaserte finansieringsordningar
-
arbeide med inntektssystem regionalt og nasjonalt
-
bidra med kalkyler, benchmarking o.l. ved anskaffingar av helsetenester frå private leverandørar og oppfølging av desse.
-
utarbeide styresaker og anna saksbehandling
-
delta i prosjektabeid
Kvalifikasjonar
- fordel med erfaring frå økonomistyring i store konsern.
- evne til å arbeide systematisk og planmessig.
- kontaktskapande og pedagogisk med gode samarbeids- og kommunikasjonsevner (også tverrfagleg).
- god gjennomføringskraft og evne til å skape resultat både sjølvstendig og saman med andre.
- gode datakunnskapar spesielt Excel, og interesse for bruk/vidareutvikling av ERP/BI-løysingar.
- gode skriftleg og munnleg formuleringevne.
- gode norskkunnskapar.
- høgskule/universitet, hovudfag / mastergrad innanfor økonomi/administrasjon/organisasjon/leiing.
Personlege eigenskapar
Du er:
- nøyaktig og strukturert
- sjølvstendig og ansvarsbevisst
- fleksibel og kan tilpasse deg ulike miljø
- analytisk
- bidragsytar til eit godt arbeidsmiljø
- ein som trivast i eit aktivt og travelt miljø
Vi tilbyr
Vi tilbyr spanande, utfordrande og varierte arbeidsoppgåver. Du får bli med på utviklinga av dei nye gruppene i økonomiavdelinga. Du vil få sjølvstendige og viktige oppgåver i helsetenesta. Du blir del av eit godt arbeidsmiljø med dyktige kollegaer i eit aktivt og interessant fagmiljø. Vi nyttar moderne verktøy som SAP S4 HANA, Power BI og har aktive fagmiljø innanfor analyse og styringsinformasjon. Du vil få ei brei kontaktflate lokalt, regionalt og nasjonalt. Lønn etter avtale. Gode pensjons- og forsikringsordningar. Bedriftsidrettslag.
Kontaktinformasjon
Per Karlsen, Økonomi- og finansdirektør, 415 33 806
Arbeidsstad
Nådlandskroken 11
4034 Stavanger
Søk på stillinga:Klikk her
Nøkkelinformasjon:
Arbeidsgivar:Helse Vest RHF
Referansenr.:4094659813
Stillingsprosent: 100%
Søknadsfrist: 20.08.2019
Om bedriften
Helse Vest RHF har det overordna ansvaret for spesialisthelsetenesta i Rogaland, Hordaland og Sogn og Fjordane. Vi eig fem helseføretak; Helse Førde, Helse Bergen, Helse Fonna, Helse Stavanger og Sjukehusapoteka Vest i tillegg til Helse Vest IKT AS. Føretaksgruppa har om lag 29 000 medarbeidarar, omfattar om lag femti sjukehus og institusjonar og yter helsetenester til nær 1,1 million innbyggjarar. Driftsbudsjettet er på om lag 30 milliardar kroner. Helse Vest RHF har kontor på Forus i Stavanger. Helse Vest skal så langt som råd avspegle mangfaldet i befolkninga. Det er derfor eit personalpolitisk mål å oppnå ein balansert alders- og kjønnssamansetnad, og å rekruttere kvalifiserte personar med innvandrarbakgrunn.