Ledig stilling i Etne kommune:
Ledig nyoppretta stilling som rådgjevar for helse og omsorg.
Arbeidsoppgåver:
Arbeidsoppgåvene vil i all hovudsak vera knytt til fagområdet e-helse og velferdsteknologi. Oppgåvene vil variere og vera i endring alt etter kva som er behovet innanfor området. Som rådgjevar med ansvar for digitaliseringsarbeidet i helse og omsorg vil du ha tett samarbeid med leiar for digitalisering i kommunen. Me vil legge til rette for at du får auka din kompetanse og utvikle deg og rolla di. For å møte behova i framtida treng Etne kommune å auke kunnskap og kompetanse til forbetre og forenkle helsetenestene våre.
Hovudarbeidsoppgåver:
- Systemansvar for fagsystem som Profil. Du vil vera kontaktperson inn mot leverandør.
- Utarbeide relevante rutinar i kvalitetsystemet til kommunen.
- Leie prosjekt knytt til system, digitalisering og velferdsteknologi
- Opplæring av tilsette
- Tett samarbeid med t.d kommunalsjef helse og omsorg om strategiar for digitaliseringsarbeidet. -(Oppstart av arbeidet med Digitaliseringstrategi for helse og omsorg i 2023)
- Delta i aktuelle nettverk og samarbeidsfora
Kvalifikasjonar:
- Bachelorgrad i helse-og sosialfag
- Vidareutdanning innanfor t.d digitalisering, inovasjon, prosjektleiing, e-helse, velferdsteknologi
- Erfaring med prosjektleiing
- Kunnskap/kjennskap om IT og teknologifaget
- God kompetanse og erfaring i bruk av PC, digitale verktøy og ulike dataprogram
- God munnleg og skriftleg framstillingsevne. (Målform er nynorsk).
- Førarkort kl B
Eigenskapar:
- Du er positiv og engasjert
- Du tar ansvar, og jobbar godt både i team og aleine.
- Du likar endringar og utvikling, og ønsker å skape resultat saman med andre.
- Du jobbar målretta og er strukturert
- Du likar digitale løysingar og tekniske utfordringar, og har stor interesse for fagfeltet.
- Du har evne til å ta beslutningar innanfor ansvarsområdet
- Du har evne til å motivere og drive prosjektleiing
Annan informasjon
Næraste leiar er kommunalsjef for helse og omsorg. Kontorstad er på tinghuset i Etne sentrum.
Vi ynskjer eit arbeidsmiljø prega av mangfald, og at våre tilsette skal gjenspegla folkesetnaden. Vi oppfordrar alle som er kvalifisert til å søkja jobb hos oss uansett alder, funksjonsevne, kjønn, eller minoritetsbakgrunn. Vi legg vekt på å tilretteleggja arbeidsforholda dersom du har behov for det.
Etter utløpet til søknadsfristen, vil det setjast opp ei offentleg søkarliste innehaldande namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkjer kan verta offentlege sjølv om søkaren har bede om ikkje å førast opp på søkarlista. Dersom anmodningen ikkje vert teke til følgje vil søkaren varslast om dette.
Link til søknadsskjema: Søk her