Saksbehandlar/merkantil - Sektor teknikk og miljø, 100% fast
Omtale av stillinga
Sektor Teknikk og miljø søkjer etter ein medarbeidar som kan bidra til å styrkja staben vår. Sektoren famnar eit breitt fagområde innan reinhald, brann og redning, kommunale bygg, kommunal veg og park, prosjekt og vatn og avløp.
Personen vi søkjer etter skal bidra med oppgåver innan fleire av einingane. Arbeidstad er for tida Husnes Vassverk.
Den tilsette vil få ansvar for oppgåver knytt til:
- sakbehandling innan løn- og personalarbeid
- sak/arkiv, elektronisk dokumentbehandling
- økonomi - faktura, innkjøp og ordremottak
- støtte- og servicefunksjon for leiarar
Vi søkjer
Person som har/er:
- relevant utdanning innan kontorfag og erfaring innan merkantile tenester.
- relevant praksis/erfaring kan etter vurdering kompensera for kravet om formalkompetanse.
- god kompetanse innan grunnleggjande IKT- verktøy.
- gode kunnskapar i norsk skriftleg og munnleg.
- serviceorientert og fleksibel.
- høg arbeidskapasitet, arbeider nøyaktig og systematisk.
- evne til å jobba sjølvstendig.
Vi tilbyr
Løn etter kvalifikasjonar / avtale.
Tilsetjing skjer etter gjeldande vilkår for kommunale arbeidstakarar i samsvar med HTA og AML
Pensjonsordning, ulykkes - og gruppelivsforsikring gjennom KLP
Kvinnherad kommune er ei IA-verksemd
Gode arbeidstilhøve i eit godt arbeidsmiljø
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Det er ønskjeleg at det vert oppgitt referansar i søknaden.
Innsendte vitnemål og attestar blir ikkje returnert.
Om bedriften
Kvinnherad kommune har 13.200 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.