Arkivar og informasjonsforvaltar
Jobbnorge ID: 187640
Om stillinga
I seksjon for arkiv og IKT søkjer vi etter ein ny medarbeidar. Vi er åtte kollegaer som har ansvar for IKT, informasjonstryggleik, informasjonsforvalting, digitalisering, tryggleik og beredskap.
Vi ser etter deg som liker rutinearbeid, men samtidig har evne til å sjå nye løysingar innanfor digital informasjonshandtering. Seksjonen har ansvaret for drift av arkivet i departementet samt opplæring og brukarstøtte i sakshandssamingssystemet til alle medarbeidarar i departementet. Departementa arbeider no med å tilretteleggje for skifte av arkiv- og sakshandssamingssystem.
Arbeidsoppgåver
- Arkivfaglege driftsoppgåver som journalføring og kontrollrutinar
- Brukarstøtte
- Bidra til utvikling av sakshandsamingssystem og rutinar i departementet
- Opplæring av nytilsette
- Halde kurs om informasjonsforvalting
Krav for stillinga
- Arkivfagleg utdanning eller tilsvarande utdanning på minimum bachelornivå
- Lang erfaring kan erstatte utdanningskravet
- Uttrykkjer seg godt skriftleg og munnleg
- Må kunne klarerast for STRENGT HEMMELEG etter Lov om nasjonal sikkerhet (sikkerhetsloven)
Ønskelege kvalifikasjonar
- Erfaring med informasjonsforvalting i offentleg verksemd
- Erfaring med administrasjon av NOARK-system
- Erfaring frå arbeid med informasjonstryggleik
- Kunnskap om databasar
- Teknisk kunnskap om utvikling av malar og officeprodukt
Personlege eigenskapar
Vi søkjer etter ein person som
- er tiltaksam og held fristar
- er sjølvstendig og løysingsorientert
- har god formidlingsevne
- har evne til å byggje fagleg nettverk
- har evne til samarbeid
- er serviceinnstilt og finn fleksible løysingar
Andre opplysningar
- Vi ber om at attestar og vitnemål ligg ved søknaden
- Vi gjer merksam på at søkjarar kan bli oppførte på offentleg søkjarliste sjølv om dei har bede om å bli handsama konfidensielt. Søkjarar vil i fall bli varsla før offentleggjering
Vi tilbyr
- Interessante arbeidsoppgåver med gode høve til eigenutvikling
- Eit godt arbeidsmiljø med engasjerte og dyktige medarbeidarar
- Fleksibel arbeidstidsordning
- Trening i arbeidstida
- God pensjons- og forsikringsordning gjennom Statens pensjonskasse
Løn etter regulativet i staten i stillingskode førstekonsulent med løn frå kr 397 100 - kr 530 000.
Har du spørsmål?
Kontaktperson for stillinga: Avdelingsdirektør Torill Tørlen, tlf: 990 04 085
BFD som arbeidsgjevar
BFD ønskjer som arbeidsgjevar å spegle mangfaldet i samfunnet. Difor oppmodar vi alle kvalifiserte kandidatar uavhengig av bakgrunn, til å søkje jobb i departementet. Departementet arbeider for å realisere regjeringens inkluderingsdugnad om at 5 % av nytilsette i staten skal vere personar med nedsett funksjonsevne eller hol i CV-en. Opplysingar om dette kan bli brukt til registreringsføremål. Vi sørgjer for å leggje til rette arbeidsplassen der det er behov for det.
Se annonsen og søk på stillingen www.jobbnorge.no
Om bedriften
Barne- og familiedepartementet har ansvaret for politikkutforminga på områda barnevern, oppvekst og levekår, barn og unge, familie og samliv, tru og livssyn og for forbrukarpolitikk. Departementet har ca 150 tilsette og er lokalisert sentralt i Oslo.
Plan- og administrasjonavdelinga arbeider med styring av departementet og samordnar departementets arbeid med statsbudsjettet, økonomistyringa i departementet og styringa av underliggjande verksemder.
Avdelinga har og ansvaret for personalpolitikk og organisasjonsutvikling i departementet, digitalisering og informasjonsforvalting, interne fellessystem og arbeid med tryggleik og beredskapen i departementet. I tillegg har avdelinga felles drifts- og støttefunksjonar for heile departementet. Avdelinga har tre seksjonar; seksjon for personal- og organisasjonsutvikling, seksjon for arkiv og IKT og seksjon for budsjett og styring.