Fagarbeidar/assistent Blakstad naturbarnehage-90 % vikariat
Stillingsomtale
Vi har ledig 90 % vikariat som fagarbeidar/barnehageassistent ved Blakstad naturbarnehage i perioden 01.08.2019 - 31.03.2020, med mogleg forlenging til fellesferien 2020. Utlysinga tek atterhald om ev. interne rokeringar.
Stillinga er lagt til småbarnsavdelinga.
Arbeidet vil vere fordelt over 5 dagar i veka, måndag - fredag.
Arbeidsstad
Blakstad naturbarnehage er ein 2-avdelings barnehage.Barnehagen ligg i Tusvika med kort avstand til skog, fjell og
fjøre - og har natur, miljø og teknikk som sitt fokusområde i årsplanen. Visjonen til barnehagen er: "Meistring med naturen som leike- og læringsarena".
Blakstad naturbarnehage har stort og variert uteområde, naturtomt med berg og skog innanfor barnehageområdet. I tillegg er det fantastiske turområder rett utanfor grinda, der vi mellom anna kan gå til Tu-vatnet, Langhol gard, til fjøra og til Tudalen.
Vi har ein gapahuk i skogen utanfor gjerdet, og fotballbane nedom vegen til barnehagen, der vi mellom anna går på ski om vinteren, og leikar med ball m.m. om sumaren.
Barnehagen har flotte lokaler med store og gode rom, og vi har gymsal.
Elles har vi godt arbeidsmiljø, der vi har fokus på å inkludere alle på ein best mogleg måte, og der alle får bidra til fellesskapet med sine idear og ønske.
Kvalifikasjonar
- fagbrev i barne- og ungdomsarbeidarfaget eller anna relevant utdanning
(ufaglærte med realkompetanse kan også vere aktuelle for stillinga) - praksis frå barnehage er ein fordel
Vi tilbyr
Utfordrande og varierte arbeidsoppgåver.
Tilsetting i tråd med gjeldande lover, avtalar og reglement.
- obligatorisk tenestepensjonsordning med gunstige lånevilkår
- gode forsikringsordningar
- løn og arbeidsvilkår i samsvar med avtaleverk
Vi søkjer
- ein person som likar å vere ute
- ein positiv og inkluderande person
- erfaring frå arbeid med barn er ein fordel
Politiattest
Den som vert tilsett må levere politiattest av nyare dato, jf. barnehagelova § 19.
Søknad
Sykkylven kommune nyttar elektronisk søknadsbehandling. Vi ber derfor om at du sender elektronisk søknad.
Har du behov for hjelp til utfylling av søknaden, så ta gjerne kontakt med Servicetorget - 70 24 66 66.
Rettkjende kopiar av attestar og vitnemål må leggast fram ved ev. intervju eller tilsetting.
Om bedriften
Sykkylven ligg sentralt i hjartet av Sunnmørsalpane og har ca. 7 800 innbyggjarar. Sykkylven har eit godt utbygd barnehage- og utdanningstilbod med vidaregåande skule, eit breitt og aktivt idretts- og kulturliv og eit framgangsrikt næringsliv. Bygda og kommuneorganisasjonen set fokus på å vere opne, innovative og venlege i all framferd og planlegging, med ei solid forankring i bygda si rike historie og gode tradisjonar.