Førstekonsulent/rådgjevar/seniorrådgjevar
Jobbnorge ID: 196613
Ansvarsområder og arbeidsoppgåver
I Energi- og vassressursavdelinga, Kraftmarknadsseksjonen har vi ledig ei fast stilling som førstekonsulent/rådgjevar/ seniorrådgjevar.
Avdelinga har ansvaret for forvaltninga av energiressursane innanlands og for store delar av vassdragsforvaltninga.
Kraftmarknadsseksjonen har ansvar for å følgje opp den norske og nordiske kraftmarknaden, europeisk regelverk knytt til EUs indre energimarknad, regulering av straumnettselskapa, tiltak for effektiv drift av kraftsystemet, tryggleik og beredskap i kraftforsyninga, eigaroppfølginga av Statnett SF, utviklinga av straumnettet, krafthandel med utlandet, oppfølginga av sluttbrukarmarknaden for straum, rammevilkår for kraftsektoren med meir.
Arbeidsoppgåvene vil vere knytt til ulike delar av arbeidsfeltet i seksjonen.
Kvalifikasjonar
Vi krev økonomiutdanning på masternivå med gode resultat, gode analytiske evner, god skriftleg og munnleg framstillingsevne på norsk og engelsk og evne til samarbeid.
Relevant røynsle frå arbeidsfeltet til seksjonen vil verte vektlagt.
Generell informasjon
Vi tilbyr:
- lønnsspenn: 458 900 - 700 000
- interessante og utfordrande arbeidsoppgåver knytt til aktuelle energispørsmål
- spanande problemstillingar i krysninga mellom fag og politikk
- fleksibel arbeidstid, lønna overtid, god pensjonsordning
- eit triveleg arbeidsmiljø
Kontaktinformasjon:
For nærare informasjon om stillinga kontakt avdelingsdirektør Kjell Grotmol, tlf. 22 24 63 44 eller underdirektør Laila Berge, tlf 22 24 62 82.
Se annonsen og søk på stillingen www.jobbnorge.no
Om bedriften
Olje- og energidepartementet si hovudoppgåve er å leggje tilrette for ein samordna og helheitleg energipolitikk. Eit overordna mål er å sikre høg verdiskaping gjennom effektiv og miljøvenleg forvaltning av energiressursane.
Den statlege arbeidsstyrken skal i størst mogleg grad vere spegla av mangfaldet i befolkninga. Det er difor eit personalpolitisk mål å få til ein balansert samansetnad på tvers av alder og kjønn, og å rekruttere personar med innvandrarbakgrunn, nedsett funksjonsevne og dei som har stått utanfor arbeid og utdanning i ein lengre periode. Opplysningar om dette kan bli brukt til registreringsformål.