Juridisk rådgjevar i HR-avdelinga
Om stillinga
Universitetet i Stavanger har ledig stilling som juridisk rådgjevar i HR-avdelinga.
Den som vert tilsett vil få ein sentral rolle som rådgjevar for universitetets leiarar om individuell og kollektiv arbeidsrett, samt lønns- og arbeidsvilkår. Oppfølging av personvern og informasjonstrygging for avdelinga kan og bli tillagt stillinga.
Juridisk rådgjevar vil inngå i avdelinga sitt team for arbeidsrett. Vedkommande vil og kunne inngå i andre team ved avdelinga og i institusjonelle prosessteam/-nettverk og prosjekt. Universitetet har eit godt juridisk miljø og den som vert tilsett vil kunne bli ein viktig del av dette miljøet.
Hovudoppgåver
- rådgjeving og bistand overfor leiarar innanfor arbeidsrettslege spørsmål
- utredning, utarbeiding av institusjonelle retningslinjer og rådgjeving om lønns- og arbeidsvilkår, irekna:
- Hovudtariffavtalane i staten, lønnspolitikk og lønnsforhandlingar
- Hovudavtalen, medrekna tilpassingsavtala
- Regelverk og retningslinjer knytt til tilsette sine arbeidsforhold og arbeidsmiljøsaker
- være bidragsytar ved innføring av digitale verktøy innanfor ansvarsområde
- vidareutvikla og oppdatere medarbeidar- og leiarhandbok innanfor ansvarsområde
Kvalifikasjonar
Du må ha:
- mastergrad i rettsvitskap eller cand.jur
- relevant erfaring
- god munnleg og skriftleg framstillingsevne på norsk og engelsk
Vidare blir det lagt vekt på at du har:
- god kjennskap til arbeidsrettsområdet
- interesse for og kunnskap om statleg arbeidsgjevarpolitikk
- gode IT-ferdigheiter og at du kan bidra til digitaliseringsarbeid i avdelinga
- gode samarbeidsevner, arbeider sjølvstendig og nøyaktig, og at du er service- og løysingsorientert
Mangfald
Universitetet sine verdiar er å vere uavhengig, involverande og skapande. Vi vurderer mangfald som ein ressurs i vårt arbeids- og læringsmiljøet vårt, og er opptatt av å visa respekt for kvarandre sine ulikheiter og bakgrunn. Universell utforming skal prega dei fysiske og digitale læringsmiljøa våre, og arbeidsplassen vil om nødvendig bli lagt til rette for tilsette med nedsett funksjonsevne.
Dersom du vurderer stillinga som interessant oppmodar vi deg til å søke uavhengig av kjønn, funksjonsevne, kulturell bakgrunn eller om du har vore utanfor arbeidslivet ein periode.
Universitetet vil rekruttera fleire menn til avdelinga og oppmodar derfor menn til å søke. Dersom fleire søkjarar vert vurdert til å ha likeverdige kvalifikasjonar, vil ein mann bli prioritert føre ei kvinne.
Vi tilbyr
- varierte arbeidsoppgåver i en stor, spennande og samfunnsviktig organisasjon
- eit ambisiøst arbeidsfellesskap og eit inkluderande arbeidsmiljø
- lønn etter Statens lønnsregulativ l.pl 90.500, kode 1434, kr 565.000 - 650.00 bto pr år. I særskilte tilfelle kan høgare lønn bli vurdert.
- gunstige vilkår i Statens pensjonskasse
- meir om gode for tilsette og fordelar på uis.no
Kontaktinformasjon
Spørsmål om stillinga kan rettast til HR-direktør Halfdan Hagen, tlf: 51 83 30 08/905 69 522, e-post: halfdan.hagen@uis.no eller til juridisk seniorrådgjevar Gunnar Baustad, tlf: 51 83 30 39/915 46 922, e-post: gunnar.baustad@uis.no.
Spørsmål om tilsetjingsprosessen kan rettast til HR-konsulent Annette Falch Lothe, tlf: 51 83 13 61 / 916 84 145, epost: annette.f.lothe@uis.no.
Søknad
Søk på stillinga elektronisk via "Søk stillinga" på denne sida. Her vert søknadsbrev og CV med relevant utdanning og arbeidserfaring registrert. I søknadsbrevet må du få fram din kompetanse og motivasjon for stillinga.
Relevante vitnemål, attestar og eventuelt annan dokumentasjon som du vil det skal tas omsyn til skal lastast opp som vedlegg til søknaden. Dersom vedlegga overskrid 30 MB til saman må dei komprimerast før opplasting. Dokumentasjonen må finnast på eit skandinavisk språk eller engelsk. Opplysningar og dokumentasjon som det skal tas omsyn til ved vurdering må vere registrert i Jobbnorge innan utløpet av søknadsfristen.
Vi gjer merksame på at søknaden berre vert vurdert ut frå informasjon som er tilgjengeleg i Jobbnorge ved søknadsfristen. Sørg derfor for at søknaden din tydeleg viser korleis evnene og erfaringane dine oppfyller kriteria som det er skrive om over.
Vi gjer òg merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25.
UiS vurderer bare søknadar og vedlegg som er registrert i Jobbnorge.
Om bedriften
UiS - vi vil utfordre det velkjente og utforske det ukjente
Universitetet i Stavanger (UiS) har omlag 12 000 studentar og 1.900 tilsette. Universitetet har store ambisjonar. Vi skal ha ein innovativ og internasjonal profil og vere ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.
I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har ein dynamisk arbeidsmarknad og tilbyr ei rekke spennande kultur- og fritidsaktivitetar.
Saman med dei tilsette og studentane våre vil vi løfte blikket, og våge å tenke stort og nytt - vi utfordre det velkjente og utforske det ukjente.