Konstitusjon som jordskiftedommar ved Sunnmøre jordskifterett
Jobbnorge ID: 183186
Om stillingen
Som jordskiftedommar kan du kombinere jus og uteliv i vakker natur med spennande og varierte arbeidsoppgåver for å legge til rette for god utnytting av fast eigedom.
Om du finn dette interessant, er det ledig ein to-årig konstitusjon som jordskiftedommar, med muligheit til forlenging, ved Sunnmøre jordskifterett. Tiltreding etter nærare avtale.
Sunnmøre jordskifterett omfattar kommunane Ålesund, Vanylven, Sande, Herøy, Ulstein, Hareid, Ørsta, Stranda, Sykkylven, Sula, Giske, Volda og Fjord. Domstolen har kontorstad i Ørsta, og det er for tida seks tilsette.
Kvalifikasjonskrav
For stillinga blir det kravd jordskiftefagleg utdanning på mastergradnivå med fagkrins fastsett av departementet. Det er ynskjeleg med brei yrkes- og livserfaring. God skriftleg og munnleg framstillingsevne, analytisk evne, god menneskekunnskap og gode samarbeidsevner vil også bli vektlagt. I tillegg vil det bli lagt vekt på at kandidaten har evne til å vidareutvikle jordskifteretten i tråd med krav og forventningar som brukarane har.
Søkjarar må vere norske statsborgarar. Generell informasjon til søkjarane finn ein på www.domstol.no/innstillingsradet. For kandidatar som blir innstilt krev ein uttømmande politiattest. Strukturen og organisering av domstolane er til vurdering. Endra struktur og omorganisering kan medføre m.a. flytting av kontorstad.
Det er vanleg praksis i jordskiftedomstolane at ein hjelper kvarandre med saksavviklinga på tvers av soknegrensene. Det kan derfor verte aktuelt å ta saker utanfor eige sokn.
Etter at søknadsfristen er gått ut, vil offentleg søkjarliste vere tilgjengeleg på www.jordskifte.no /www.domstol.no/innstillingsradet.
Vi tilbyr
Lønn etter Statens regulativ, jordskiftedommar kode 0455. Årleg lønn er for tida kr 872 600,-
Frå lønna blir det trekt 2 % innskott til Statens pensjonskasse. Skyss- og kostgodtgjersle etter Statens regulativ. Søkjaren må ha førarkort for bil.
Ytterlegare opplysingar om stillinga kan ein få ved å kontakte:
- Sunnmøre jordskifterett v/jordskifterettsleiar Olav Torvik, tlf. 70 33 32 40.
- Innstillingsrådet for dommarar v/sorenskrivar Arnfinn Agnalt, tlf. 69 79 77 00.
- Domstoladministrasjonen v/avd.direktør Solveig Moen, tlf. 73 56 70 00.
Vi ber om at du legg søknad med CV, vitnemål og attestar inn i det elektroniske søknadsskjemaet på "Søk denne stilling". Alle attestar og vitnemål skal leggjast ved samla i eit vedlegg. Vi ber om at du skriv i søknaden kvar du først såg utlysinga.
Søknadsfrist: 11. mars 2020
Se annonsen og søk på stillingen www.jobbnorge.no
Om bedriften
Jordskifteretten er ein særdomstol som arbeidar med saker heimla i jordskiftelova. Arbeidsoppgåvene er i hovudsak omforming av eigedommar, samarbeidstiltak mellom eigedommar, klarlegging og fastsetting av eigedoms- og bruksrettsgrenser, andre rettstilhøve som gjeld fast eigedom, ulike skjønn m.m. Landet er delt inn i 34 jordskiftesokn med til saman om lag 230 tilsette.
Dommararbeidet stiller strenge krav til fagleg dugleik, personlege eigenskapar og brei yrkes- og livserfaring. Domstolane yter hjelp til vern av den einskilde sine rettar. Eit viktig mål for domstolane er å skape tillit blant folket ved forsvarleg, upartisk og effektiv dømande verksemd.
Ved utnemninga vil det verte lagt vekt på å spegle mangfaldet i folket med omsyn til kjønn, alder, kulturell bakgrunn og røynsle. Kvinner vert oppmoda om å søkje.
Innstillingsrådet for dommarar avgjer innstilling om dommarutnemningar til Kongen i statsråd, der utnemning skjer.