Fastleger
Kort om stillinga
Suldal kommune har ledig to 100 % stillingar som fastlege f.o.m. 01.07.20.
Legekontoret har eit ungt og framoverlent arbeidsmiljø og kan tilby gode arbeids- og lønsforhold.
Arbeidsoppgåver
Arbeidsoppgåvene er vanleg allmennpraksis, deltaking i legevakt og kommunale oppgåver.
Tverrfagleg arbeid er sentral for oss og legekontoret er samlokalisert med ergo-/fysioterapi, helsestasjon og frisklivssentral. Suldal sjukeheim, heimetenesta med bestillarkontor og psykisk helse ligg òg i nær tilknytting til legekontoret.
Det øvre listetaket for pasientar er 730. Suldal har tilsett seks legar og LIS1, og er ALIS Vest-kommune og legg til rette for spesialisering. Kommunen er eige legevaktdistrikt med 6-delt vakt. Deltaking i legevakt er obligatorisk.
Personlege eigenskapar og kvalifikasjonar
Personlege eigenskapar vert vektlagt. Det er ønskeleg med erfaring innan allmennmedisin og frå legevakt. Det er venta at søkjaren har gode norskkunnskapar, munnleg og skriftleg, har kjennskap til norsk helsevesen og er kvalifisert til å starte på spesialisering innan allmennmedisin. Søkjar må og ha norsk autorisasjon.
Dokumentasjon på utdanning og attestar frå tidlegare arbeidsforhold vert etterspurt ved innkalling til intervju.
Søkjar må ha førarkort.
Andre opplysningar
Legekontoret kan hjelpa til med å skaffa bustad. Suldal kommune har god barnehagedekning, og det er gå-avstand til jobb.
Generelt/Søknad sendast
Frå 01.01.2017 skal personell som yt helse- og omsorgstenester i Suldal kommune leggja fram politiattest ved tilbod om stilling. Politiattesten skal visa om vedkomande er sikta, tiltalt, pålagt førelegg eller dømd etter straffelova, og attesten skal ikkje vera eldre enn tre månadar. Viser til Helse- og omsorgstenestelova §5-4 og §5-4a.
Det er ikkje mogleg å leggja med vedlegg. Rettkjende kopiar av attestar og vitnemål må takast med til eventuelt intervju.
Suldal kommune oppfordrar alle våre søkjarar til å søkja på stillinga digitalt. Søkjarar som ikkje kan søkja via nett, ta kontakt med servicetorget tlf. 52 79 22 00.
Suldal kommune gjer merksam på at søkjarlistene kan verta offentleggjorde.
Om bedriften
Suldal er ein del av Ryfylkeregionen og ligg nordaust i Rogaland. Det bur om lag 3800 menneske her. 1200 av desse bur i kommunesenteret Sand.Kommunen har eit godt og allsidig tenestetilbod. Det regionale kulturhuset for indre Ryfylke ligg i kommunesenteret Sand. Der ligg også regionalt idrettsanlegg og Suldalshallen.