Verksmeister i kunst og handverk - st. nr. 2/2020
Stillingsannonsen er inaktiv.Høgskulen i Volda
Joplassvegen 11, 6103 Volda
Jobbnorge ID: 182522
Om stillinga
Ved Høgskulen i Volda, Avdeling for kulturfag, Seksjon for design, kunst og handverk er det ledig fast 60% stilling som verksmeister i kunst og handverk frå 1.8.2020. Dette er ei teknisk administrativ stilling med stillingskode 1083 ingeniør.
Arbeidsfelt
Arbeidsoppgåver for den utlyste stillinga er HMS- og verkstadansvar, handverksmessig opplæring og rettleiing innanfor fagområda tre, metall og leire/gips/betong. Teknisk ansvar for Skaparverkstaden, vår nye satsing innan det digitaltekniske området. Oppgåver knytt til vedlikehald og opplæring i laserkutter, 3D-print, foliekuttar og CNC- kunnskap fell òg innunder stillinga. I tillegg kjem oppgåver knytt til kursing i HMS, og maskinopplæring for eksterne aktørar. Seksjonen er i stadig utvikling og arbeidsoppgåvene kan bli endra etter nærare avtale.
Kvalifikasjonar
Det er krav om høgare utdanning på bachelornivå innan fagfeltet design, kunst og handverk eller anna relevant utdanning. Søkjaren må ha erfaring frå undervisning og rettleiing frå høgskulesektoren.
Vi ser etter deg som har brei praktisk handverkserfaring, og som:
- Har allsidig erfaring med ulike teknikkar og materiale knytt til fagområde trearbeid
- Har allsidig erfaring med ulike teknikkar og materiale knytt til fagområde leire/gips/betong
- Har allsidig erfaring med ulike teknikkar og materiale knytt til fagområde metallarbeid
- Har god kunnskap om HMS innan alle material- og verktøyområder som ligg til stillinga
- Kan bruke og halde ved like avanserte maskiner og verktøy i ein tre-, metall- og leireverkstad
- Kan bruke og halde ved like digitaltekniske verktøy og programvare
- Er interessert i å utvikle og formidle faginnhald og rettleie studentar i utviklingsarbeid
- Er innovativ og trivast med å tileigne deg ny kunnskap om eit fagfelt i stadig fornying
- Har gode samarbeids- og kommunikasjonsevner
- Har evne til å ta initiativ og arbeide sjølvstendig
Personlege eigenskapar blir vektlagt ved vurdering av søkjarane.
Søkjaren må ha gode norsk- og engelskkunnskapar, både skriftleg og munnleg. Administrasjonsspråket ved høgskulen er norsk.
Vi tilbyr
Eit spanande arbeidsmiljø med høve til fagleg og personleg utvikling og gode pensjonsordningar.
Stillinga er løna etter kompetanse og kvalifikasjonar i statens lønsregulativ etter lønsplan 90.301, stillingskode 1083 ingeniør med årsløn frå kr 402 600 - 573 100.
Generell informasjon
Den statlege arbeidsstyrken skal i størst mogleg grad spegle mangfaldet i folket. Høgskulen praktiserer moderat kjønnskvotering. Vi oppmodar alle kvalifiserte kandidatar til å søke, uavhengig av for eksempel alder, kjønn, funksjonsnedsettelse, hol i CV, nasjonal eller etnisk bakgrunn. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til statistikkføremål knytt til regjeringa sin inkluderingsdugnad.
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
I samsvar med Offentleglovas § 25 kan søkjar be om å ikkje bli oppført på offentleg søkjarliste. Søkjarar som ønskjer å reservere seg, må under <<søknad>> hake av for <<Er det grunnlag for å bli unntatt offentligheit, jfr. Offentlighetsloven>> samt grunngi søknaden. Høgskulen kan likevel avgjere at namnet på søkjaren skal offentleggjerast. Søkjaren blir varsla dersom ønsket om unntak ikkje blir tatt til følge.
Om søknaden
Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du oppgir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.
Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.
Følgjande dokument/filer skal leggjast ved den elektroniske søknaden:
- vitnemål og attestar
- CV
Søknadsfrist: 20. februar 2020.
Kontakt
Nærare opplysningar om stillinga kan ein få ved å vende seg til Seksjon for design, kunst og handverk ved seksjonsleiar Sissel Midtlid 70075292/92038832.
Om Seksjon for design, kunst og handverk
Seksjon for design, kunst og handverk tilbyr bachelorgradsstudium og årsstudium i Kunst og handverk. Seksjonen driv også kunst- og handverksfaglege emne i grunnskule- og barnehagelærarutdanningane, praktisk-pedagogisk utdanning, samt vidareutdanning og kursing for lærarar.
Om Avdeling for kulturfag
Avdeling for kulturfag (AKF) samlar fagområda i fire seksjonar, Design, kunst og handverk, Drama og teater, Idrett og friluftsliv og Musikk. Avdelinga tilbyr kulturfag og praktiske og estetiske fag på bachelornivå, grunnutdanning, fag- og vidareutdanning for lærarar og barnehagelærarar. Vi har om lag 550 studentar og 35 tilsette.
Kva er det beste med Volda?
Studentar og bygdefolk fortel kva dei synest er det beste med Volda. Produksjon: Chris-Håvard Berge
Video: https://www.youtube.com/watch?v=61Me2JOrMgQ
Se annonsen og søk på stillingen www.jobbnorge.no
Om arbeidsgiveren
Arbeidsgiver
Høgskulen i Volda
Adresse
Joplassvegen 11, 6103 Volda
Hjemmeside
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4500 studentar og 350 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.
Om stillingen
Antall stillinger
1
Heltid/deltid
Heltid
Sektor
Ikke oppgitt
Sist endret: 21. februar 2020
Hentet fra: jobbnorge
Referanse: 182522_Høgskulen i Volda_jobbnorge
Stillingsnummer: e2f56aa7-cffa-428b-adf4-a053f76b4be6