Direktør for transport, hamn og farlei
Org. nr: - Stillingsident: 4264596694 Presentasjon av stillingen:
Kystverket utviklar transportsystem til sjøs som er sikre, fremjar verdiskaping og bidreg til omstilling til lavutsleppssamfunnet. Det er sett ambisiøse mål innan framkome, transportsikkerheit og innan klima/miljø. Konkurranseevna til sjøtransporten, utnytting av ny teknologi, samt organisasjonsutvikling, er viktige utfordringar for å kunne møte morgondagens krav. Kystverket har brei samhandlingsflate innan samferdsel, mot andre samfunnsaktørar, og har internasjonalt samarbeid både med nasjonar og organisasjonar for å standardisere, effektivisere og trygge sjøfarten.
Kystverket er no i omstilling. I ny organisering frå 01.01.2021 vil Kystverket vere funksjonsorganisert med fire ulike verksemdsområder. Vi søker no direktør for verksemdsområdet transport, hamn og farlei.
Arbeidsoppgåver
Direktør for transport, hamn og farlei har ansvar for forvalting, drift og utvikling av fysisk infrastruktur til sjøs, inklusiv overordna ansvar for Kystverkets eige reiarlag. I verksemdsområdet inngår for tida:
- transport- og mobilitetsanalysar
- utbygging av farleier med tilhøyrande planprosessar
- drift og vedlikehald av statlege fyr og sjømerker
- regelverksutforming etter hamne- og farvasslova
- planprosessar
- verkemiddelapparatet i nærskipsfarten
- tiltaks- og utviklingsanalyser for klima
- samfunnsøkonomiske analysar og forvaltingsplanarbeid
Nye og utvida oppgåver kan bli lagt til området.
Direktøren har det overordna fag-, resultat-, økonomi- og personalansvaret for heile verksemdsområdet, og er overordna leiar for avdelingane med om lag 320 tilsette. Direktøren skal systematisere og formidle overordna styringssignal frå Samferdselsdepartement og Kystdirektør, nå måla best mogleg på vegner av samfunnet, optimalisere nytte og dokumentere effektiv ressursbruk, og sikre god samhandling mellom avdelingane som inngår i verksemdsområdet. Direktøren rapporterer til Kystdirektør og inngår i den strategiske leiargruppa i etaten, og har såleis både ansvar for eige verksemdsområde og medansvar for heile etaten.
Organisatorisk lagbygging, samordning av fagmiljø og operative tenester og tilrettelegging for innovasjon, utvikling og endringskraft er sentrale oppgåver i stillinga.
Kvalifikasjonar
Mastergrad eller tilsvarande frå universitet eller høgskule
Erfaring frå leiing og endringsleiing av komplekse verksemder
Erfaring frå digitalisering og teknologileiing
God skriftleg og munnleg framstillingsevne på norsk og engelsk
Krav om sikkerheitsklarering på nivå hemmeleg
Personlege eigenskapar
Vi ser etter ein engasjert, analytisk og relasjonssterk leiar med høg gjennomføringskraft. Du har solid leiarerfaring og erfaring med offentleg forvalting og statleg styring. Du er god på omstilling, er trygg i leiarrolla og har velutvikla evne til samhandling, internt og eksternt.
Vi legg til grunn at du er framtidsretta, engasjert og påliteleg.
Vi tilbyr
Interessante oppgåver og samfunnsaktuelle saker på nasjonalt nivå
Dyktige medarbeidarar og godt samarbeidsmiljø
Medlemskap i Statens pensjonskasse, som er ei av Noregs beste pensjonsordningar
Ferieheimsordning i nokre av fyra til Kystverket
Stillinga er plassert i kode 1060 Avdelingsdirektør, lønn etter avtale.
Kystverket skal vere prega av mangfald og våre tilsette skal spegle befolkninga. Vi oppmodar alle som er kvalifiserte om å søke.
Kontaktinformasjon
Einar Vik Arset, Kystdirektør, 97664308, einar.vik.arset@kystverket.no
Arbeidsstad
Sorenskriver Bulls gate 3
6002 Ålesund
Søk på stillinga:Klikk her
Nøkkelinformasjon:
Arbeidsgivar:Kystverket
Referansenr.:4264596694
Stillingsprosent: 100%
Fast
Startdato: 01.01.2021
Søknadsfrist: 17.08.2020
Om bedriften
Kystverket er ein nasjonal etat for kystforvalting, sjøsikkerheit og beredskap mot akutt forureining. Kystverket arbeider aktivt for ein effektiv og sikker sjøtransport gjennom å ivareta transportnæringas behov for framkome og effektive hamner. Kystverket driv førebyggande arbeid og reduserer skadeeffektane ved akutt forureining, og medverkar til ei bærekraftig utvikling av kystsona. Kystverket ligg under Samferdselsdepartementet.