Førsteamanuensis / førstelektor / høgskulelektor ved Institutt for planlegging, administrasjon og skuleretta samfunnsfag
Om stillinga
Ved Høgskulen i Volda, Avdeling for samfunnsfag og historie, er det ledig eit vikariat i to år som førsteamanuensis / førstelektor / høgskulelektor for statsvitar/samfunnsvitar frå 1. august 2021. Stillinga er ved Institutt for planlegging, administrasjon og skuleretta samfunnsfag (IPAS). Arbeidsoppgåvene er undervisning, rettleiing, vurdering, fagadministrativt arbeid, forsking og utvikling, inkludert deltaking i interne og eksterne forskingsgrupper. Det er forventa at den som blir tilsett bidreg til utvikling av fagfeltet sitt, og av høgskulen generelt.
Om instituttet
Arbeidsstad er Høgskulen i Volda, Avdeling for samfunnsfag og historie, Institutt for planlegging, administrasjon og skuleretta samfunnsfag (IPAS). Instituttet tilbyr mellom anna bachelor i planlegging og administrasjon, master i samfunnsplanlegging og leiing, årsstudium i samfunnsvitskap, nettstudium i skuleretta samfunnsfag og samfunnsfag i barnehagelærarutdanning og grunnskulelærarutdanning. Instituttet har per i dag 20 fast tilsette. Det er fleire forskingsgrupper ved instituttet.
Kvalifikasjonar
Søkjarar bør ha doktorgrad som er relevant for bachelorutdanninga i planlegging og administrasjon, men søkjarar med mastergrad vil også bli vurderte. Søkjarar må ha fagbakgrunn frå statsvitskap og/eller leiingsfag.
Søkjarar bør ha forskingserfaring innanfor eitt eller fleire av desse fagområda:
- Statsvitskap
- Offentleg forvaltning
- Leiing i organisasjonar
For tilsetjing som førsteamanuensis må ein ha doktorgrad eller tilsvarande kompetanse innanfor statsvitskap/samfunnsvitskap, og innfri krava til pedagogisk basiskompetanse, sjå HVO sine retningslinjer her.
For tilsetjing som høgskulelektor må ein ha master i statsvitskap/samfunnsvitskap, og det blir lagt vekt på relevante forskingskvalifikasjonar utover mastergradsnivå. I tillegg må ein dokumentere relevant praktisk-pedagogisk kompetanse på grunnlag av utdanning eller undervisning og rettleiing. Dette gjeld også for tilsetjing i stilling som førstelektor.
Vi viser til krav til vitskaplege og pedagogiske kvalifikasjonar i Forskrift om ansettelse og opprykk i undervisnings- og forskerstillinger.
IPAS er kontinuerleg i prosess med å utvikle utdanningane. Det er tett samarbeid mellom dei tilsette. Den som søkjer må ha gode samarbeidsevner, vere utviklingsorientert og ha god formidlingsevne skriftleg og munnleg. Søkjarar kan bli kalla inn til intervju og prøveundervisning.
Undervisningsspråket er norsk, og søkjaren må kunne norsk skriftleg og munnleg. Kontorstaden er ved Høgskulen i Volda.
Søkjar må dokumentere eigen kompetanse frå utdanning, relevant arbeidserfaring, undervisningserfaring og ev. forsking/utviklingsarbeid.
Arbeidsfelt
Undervisnings- og rettleiingsoppgåvene vil først og fremst vere knytte til bachelorutdanninga i planlegging og administrasjon, men også til masterutdanninga i samfunnsplanlegging og leiing. I stillinga inngår det også ein forskingsdel der ein er forventa å bidra til forsking og publisering av relevant arbeid, utvikle prosjektsøknader og liknande fou-relatert arbeid.
Vi tilbyr
Vi tilbyr eit spennande arbeidsmiljø med høve til fagleg og personleg utvikling, og gode pensjonsordningar. Det er gode vilkår for forsking ved Høgskulen i Volda, og informasjon om støtteordningar finn du her.
Høgskulen i Volda har mange forskingsgrupper, sjå her.
Stillinga er løna etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda: høgskulelektor 1008 frå kr 488 000 - 679 000 og førsteamanuensis 1011 / førstelektor 1198 frå kr 583 900 - 710 192.
Om søknaden
Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen.
Det er viktig at du viser korleis din kompetanse fyller kriteria for stillinga
Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.
Følgjande dokument/filer skal leggjast ved den elektroniske søknaden:
Vitnemål og attestar, samla i ei fil
- CV med kontaktinformasjon for referansar
- Inntil 10 vitskaplege arbeid, inkludert hovudfags-/mastergradsoppgåve og ev. doktorgradsavhandling
Dei faglege og pedagogiske kvalifikasjonane til søkjarane blir vurderte av eit sakkunnig utval. Søknader frå heilt klart ikkje kvalifiserte søkjarar vert ikkje sendt til utvalet.
Generell informasjon
Ved Høgskulen i Volda er vi opptatt av mangfald. Medarbeidarar med ulik livserfaring vil gjere oss i stand til å finne gode løysingar på vårt arbeid. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.
Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.
https://arbeidsgiver.difi.no/strategisk-hr-og-ledelse/inkluderingsdugnaden/hvordan-bli-en-mer-inkluderende-virksomhet
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
Kontakt
Nærare opplysningar får du ved å vende deg til instituttleiar ved IPAS, Nils Magne Magerøy, e-post nmm@hivolda.no, tlf. 70 07 51 63, eller dekan ved ASH, Randi
Bergem, e-post randi.bergem@hivolda.no, tlf. 70 07 52 11.
Om avdelinga
Avdeling for samfunnsfag og historie har undervisningsansvar for omlag 1300 studentar, fordelte på tre institutt: Institutt for planlegging, administrasjon og skuleretta samfunnsfag (IPAS), Institutt for sosialfag (ISF) og Historisk institutt (HI).
Studiebygda Volda
Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.
Les meir på www.hivolda.no
Om bedriften
Om Høgskulen i Volda
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4500 studentar og 350 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.