ID 186o Miljøterapeut - Sunnhordland interkommunale barnevernteneste
Det er ledig vikariat i 100% stilling som miljøterapeut frå snarast og fram til 01.08.2023
Miljøterapeuten sine oppgåver:
- Planlegge og gjennomføre miljøterapeutisk arbeid i familiar
- Endringsarbeid når det gjeld praktiske rutinar i familien/ heimen.
- Vera eit bindeledd mellom familie/barn/ungdom og ulike aktivitetsarenaer
- Tilsynsoppgåver i familiar, blant anna tilsyn under samvær mellom foreldre og barn
- Miljøterapeutisk arbeid knytt til ungdom i ettervern
- Bidra som stabiliserande tiltak inn i akutte kriser som oppstår i familiar
Det må påreknast arbeid på ettermiddag/kveld, for tida 6 kveldar per månad etter oppsett arbeidsplan.
Det er ynskjeleg at du har:
- Me søkjer deg som har relevant høgskuleutdanning på minst bachelornivå, fortrinnsvis helse-og sosialfag/pedagogiske fag
- Vidareutdanning innan eit eller fleire av områda innan barnevern, familieterapi, spe- og småbarn, rus og psykisk helse, fleirkulturell forståing.
- Kompetanse innan COS, PYC, Emosjonsfokusert ferdighetstrening, Marte Meo, PMTO eller andre metodar innan familierettleiing
- Anna relevant rettleiingskompetanse/ erfaring kan vurderast
- Erfaring innan barnevernsfaget
- Kompetanse innan fleirkulturelt arbeid
- God evne til å sjå situasjonen til barnet og familien i heilskap
- Erfaring med utgreiings- og oppfølgingsarbeid med born og familiar
Det er og ynskjeleg at du:
- Er engasjert i faget og fagutvikling
- Er sjølvstendig, fleksibel, initiativrik, kreativ og har gode samarbeidsevne
- Er systematisk og effektiv
- Kommuniserer godt, både skriftleg og munnleg
- Har sertifikat klasse B
Ved tilsetjing vil det bli stilt krav om at ein legg fram politiattest av ny dato
Du vert del av:
- Eit fagleg fellesskap rundt den enkelte familie
- Ein dynamisk og meiningsfull arbeidskvardag
- Eit arbeidsfellesskap der det er mogleg med påverknad, endring og ny læring
- Du vil få individuell rettleiing, samt ekstern rettleiing i gruppe
Me kan tilby:
- Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
- Løns- og arbeidsvilkår i samsvar med kommunalt avtaleverk
Offentlig tenestepensjon i KLP - Kort fortalt
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
For meir opplysingar om stillinga, kontakt marianne.kannelonning@stord.kommune.no, ++malene.rosland.eldoy@stord.kommune.no++
Om bedriften
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.