Fagleiar
Vi har ledig vikariat som fagleiar i 100 % stilling. Vikariatet er ledig i perioden 20.05.19 til 20.04..2020.
Fagleiar inngår i leiargruppa i Heimetenesta. Leiargruppa består av 4 fagleiarar i tillegg til einingsleiar for tenesta, som er næraste overordna. Heimetenesta består av 5 team, dagsenter for eldre, merkantil ressurs og serviceteknikar. Vi har per i dag 75 årsverk og yt tenester til om lag 400 brukarar. Heimetenesta samarbeider m.a. tett med tildelingseininga, fysio- og ergoterapitenesta og psykiatritenesta.
Du må:
- ha helsefagleg høgskuleutdanning, primært sjukepleie
- ha gode kommunikasjons- og samarbeidsevner
- kunne motivere og inspirere medarbeidarar
- ha gode datakunnskapar
- kunne arbeide sjølvstendig, like utfordringar og ha stor arbeidskapasitet
- vere ryddig, serviceinnstilt og fleksibel
- ha førarkort klasse B
Dersom det ikkje melder seg søkarar med sjukepleieutdanning kan det vere aktuelt å vurdere søkarar med vernepleieutdanning.
Det er ønskeleg med formell leiarutdanning eller leiarerfaring.
Arbeidsoppgåver:
- leie den daglege drifta for sitt team
- ha fagansvar og vidareutvikle ei teneste som må tilpasse seg endringar i samfunnet
- delta i økonomistyringa av tenesta og samarbeide tett med dei andre fagleiarane
- delta i koordineringsmøter og heimebesøk med tildelingseininga
- ansvar for turnusarbeid i sitt team
- delta i ulike prosjekt
- støtte og hjelpe dei tilsette i kvardagen slik at vi kan yte gode tenester til brukar og pårørande
Vi kan tilby:
- godt arbeidsmiljø
- gode pensjons- og forsikringsordningar
- utfordrande arbeidsoppgåver i lag med dyktige og engasjerte medarbeidarar
På grunn av kommunesamanslåinga kan det bli endringar i innhaldet/oppgåver i stillinga.
Politiattest må leverast før start i stilling.
Link til søknadsskjema: Send søknad For mer informasjon kontakt: , Ann Kristin Nilsen, Tlf: +47 57021270, Epost: ann.kristin.nilsen@forde.kommune.no
Om bedriften
Førde ligg midt i Sogn og Fjordane og tilbyr rike naturopplevingar med sine vakre elvar, fjell og dalar. Kommunen har om lag 13 000 innbyggarar og er sentrum for handel, service og utdanning i fylket. Vi har eit variert kulturliv med teater, kino, konsertar og utstillingar samt andre kulturhendingar. Mykje av dette er knytt til vår eiga storstove, Førdehuset, som også byr på svømmehall og idrettsanlegg. Førde kommune er den største arbeidsplassen i kommunen ved sida av Sentralsjukehuset og har om lag 1200 arbeidstakar innanfor mange ulike yrke.