Verneområdeforvaltar- rådgivar/seniorrådgivar
Jobbnorge ID: 185096
Om stillinga
Fylkesmannen i Vestfold og Telemark har ledig fast 100% stilling som verneområdeforvaltar for
Brattefjell-Vindeggen landskapsvernområde. Stillinga er organisatorisk lagt til Miljøavdelinga ved embetet, men er fagleg underlagt verneområdestyret som er vald av kommunane og fylkeskommunen.
Stillinga har kontorstad ved Norsk Villreinsenter Sør på Skinnarbu i Tinn kommune og har slik sett både tilgang til fagmiljøet her, og til fagmiljøet ved Miljøavdelinga. Effektive digitale kommunikasjonsplattformer internt i embetet sikrar god kontakt mellom Skinnarbu og Tønsberg.
Brattefjell - Vindeggen
Brattefjell-Vindeggen er det største samanhengande fjellområdet innanfor Vestfold og Telemark utan vesentlege tekniske inngrep. Området har si austre grensa på Gaustatoppen og ligg innanfor kommunane Hjartdal, Seljord, Tinn og Vinje. Samla areal er på 382 kvadratkilometer. Området er i privat eige og fordelt på 299 eigedomar.
Føremålet med vernet er å ta vare på eit vakkert og eigenarta naturlandskap med urørt høgfjell og fjellskogområde, ta vare på det biologiske mangfaldet i området med villreinstamme og eit rikt plante- og dyreliv, og å ta vare på verdifulle kulturlandskap og kulturminne.
Arbeidsoppgåver
- Saksførebuing for styret, mellom anna saker etter verneforskrifta.
- Oppfølging av verneformål inkludert iverksetting av konkrete skjøtselstiltak.
- Informasjonsarbeid og samarbeid med grunneigarar, private organisasjonar og andre som har verksemd innanfor verneområdet.
- Arbeidet vil også medføre tett dialog med kommunane, Miljødirektoratet og lokale representantar for Statens Naturoppsyn.
- Forvaltningsoppgåver knytt til fylkesmannen sitt ansvar innafor Hardangervidda nasjonalpark kan og vera aktuelt å leggje til stillinga.
Kvalifikasjonskrav
- Det krevst høgare naturfagleg utdanning på masternivå. Alternativt tilsvarande utdanning frå universitet/høgskole, minimum 3 år, med særleg relevant etterutdanning/vidareutdanning eller arbeidserfaring.
- Erfaring frå offentleg naturforvaltning vil bli tillagt stor vekt.
- Erfaring frå sakshandsaming for folkevalde organ vil bli tillagt vekt.
- Søkjaren må vera fysisk skikka til å gjennomføre synfaring i fjellet.
Personlege eigenskapar som vi vil sjå etter
- God skriftleg og munnleg framstillingsevne.
- God vurderingsevne og rolleforståing.
- Gode evner til å arbeide sjølvstendig og effektivt innafor relativt frie rammer.
- Gode evne til dialog og samarbeid med grunneigarar og andre lokale interessentar.
Vi tilbyr
- Interessante og utfordrande arbeidsoppgåver i spennande fagmiljø.
- Gode sosiale vilkår med fleksibel arbeidstid og pensjonsordning gjennom Statens Pensjonskasse (det blir trekt 2% pensjonsinnskot frå lønna).
- Lønn som rådgivar/seniorrådgivar, stillingskode 1434/1364, normalt kr. 575 000 - 630 000 pr. år, avhengig av kvalifikasjonar og erfaring. For særleg godt kvalifiserte søkjarar kan høgare lønn vurderast.
Det er 6 månaders prøvetid i stillinga.
Generelle opplysningar
Stillinga har kontorstad ved Norsk Villreinsenter Sør på Skinnarbu i Tinn kommune.
Vi tar atterhald om endring av oppgåvene til stillinga. Søkjar må kunne disponere eigen bil i tenesta og det må påreknast feltarbeid innafor verneområdet.
Opplysningar om søkjaren kan bli offentleggjort jf. offl. § 25, sjølv om søkjaren har bedt om ikkje å bli oppført på offentleg søkjarliste.
Opplysningar om stillinga får du på førespurnad til direktør Elisabeth Rui, tlf: 3371178 / 47258729 eller verneområdeforvalter Peter Köller, tlf 35586151.
Vi ber om at søknad, vedlagt vitnemål og relevante attestar, blir sende elektronisk via jobbnorge.no. Referansar blir bedt oppgitt.
Søknadsfrist: 20. april 2020.
Se annonsen og søk på stillingen www.jobbnorge.no
Om bedriften
Fylkesmannen er staten sin representant i fylket, og har ansvar for å følgje opp vedtak, mål og retningsliner frå Stortinget og regjeringa. Fylkesmannen er ein viktig rettstryggingsinstans. Vi har arbeidsoppgåver på ei rekke fagfelt, blant anna utdanning og oppvekst, helse og sosial, miljø, landbruk, samfunnssikkerheit og beredskap og kommunal økonomi og forvaltning.
Fylkesmannen i Vestfold og Telemark har ca. 210 medarbeidarar. Vi har kontor i Tønsberg og Skien. Hovudkontoret er lokalisert i Tønsberg.
I 2020 flyttar vi inn i nye lokale i Tønsberg ved jernbanestasjonen.