Sjukepleiar

Vil du bidra til å fremme tryggleik for personar i omsorgssenter? Vi har ledig ei 100 prosents stilling for sjukepleiar, for tida ved Herøy omsorgssenter, seksjon grøn.

Her jobbar vi med å gi tryggleik og følge opp pasientar i ei somatisk langtidavdeling med 15 plassar. Vi legg vekt på at alle som bur her skal oppleve ein verdig alderdom i eit trygt miljø.

Seksjonen har tilbod om langvakter i turnus laurdag og søndag med arbeid tre av tolv helgar. Stillinga er ledig frå dags dato og fram til august 2025. Vi er i ein prosess der vi planlegg årsturnus.

Ved intern tilsetting kan ein annan stillingsdel bli ledig. Seksjon grøn er ein del av Herøy omsorgssenter på Eggesbønes.  

Arbeidsoppgåver

• individtilpassa pleie- og omsorgsoppgåver
• følge opp medisinske tiltak ordinert av lege
• fagleg ansvar for legemiddelhandtering
• utarbeide og følge opp tiltaksplan
• dokumentasjon etter gjeldande lovverk
• rettleie og samarbeide med anna helsepersonell
• rettleie og samarbeide med pårørande
• bidra til kompetanseutvikling og fagleg ajourhald for å kvalitetssikre tenesta

Kvalifikasjonar

• har norsk autorisasjon som sjukepleiar
• erfaring frå arbeid i sjukeheim kan vere ein fordel
• kan bruke IKT som arbeidsverktøy (erfaring med Gerica er ein fordel)
• har god munnleg og skriftleg framstillingsevne

Kommunen har nynorsk som administrasjonsmål.

Vi ber om at du laster opp vitnemål og attestar i Webcruiter saman med søknaden.

Autorisasjon og politattest må leggast fram før tilsetting.

Personlege eigenskapar

• tek ansvar for eigne oppgåver og sikrar at dei blir utførte på ein god måte
• tilpassar seg ulike situasjonar og behov som kan oppstå i løpet av arbeidsdagen
• kommuniserer klart og tydeleg både med brukarar, pårørande og kollegaer
• er til å stole på, møter opp til avtalt tid og utfører oppgåvene sine samvitsfullt
• kan handtere utfordrande situasjonar roleg og profesjonelt
• møter brukarar og kollegaer med eit smil og ei positiv haldning også i krevjande situasjonar
• vilje til å lære nye ting og utvikle seg i jobben
• bidreg til å skape trivsel på arbeidsplassen og samarbeider godt for å løyse oppgåver
• likar faglege utfordringar der samarbeid på tvers av seksjonane gjer kvardagen spennande
• har fokus på heilskaplig pasientforløp

Vi legg stor vekt på personlege eigenskapar, i tillegg til kunnskap og erfaring.

Vi tilbyr

• løn etter gjeldande tariffavtale
• gode forsikrings- og pensjonsordningar i KLP
• fagdag i turnus 
• stipendordningar ved vidareutdanning som er i tråd med kompetanseplanen i helse og omsorg
• godt arbeidsmiljø med fokus på fagkompetanse
• elektronsike kurs gjennom Norsk Helseinformatikk (NHI) og Visma Veilederen
• IA- bedrift
  

Vi tilset på dei vilkåra som går fram av gjeldande tariffavtale, lover og reglement.

Aktuelle kandidater kan verte kalla inn til intervju. Søkjarlista kan verte offentleggjort.  

Herøy kommune er i kommunegruppe 5, noko som vil seie at dersom du bur og arbeider i kommunen kan du frå 1. januar 2025 årleg få sletta studielånet med kr. 25 000 kroner når året er gått. Dette gjeld også dersom du flyttar til kommunen etter denne datoen.

Kontaktinformasjon

Ann Helen Nerland Nordbø, Seksjonsleiar, +47 41571466

Arbeidsstad

Sjukeheimsvegen 5A
6092 Fosnavåg

Nøkkelinformasjon:

Arbeidsgivar: Herøy kommune

Referansenr.: 5038731956
Stillingsprosent: 100%
Fast
Søknadsfrist: 03.12.2025