Materiellteknikar
Teknisk stilling i spanande miljø!
Ny-Ålesund forskingsstasjon er ein internasjonal møteplass for forskarar som om anna forsøker å finne svar på klimaendringar og kvifor isbreane krympar. Ein del av forskinga vår utførast i utfordrande arktiske forhold – eventyr det eine øyblikket, fullt alvor i det neste. God planlegging bl.a. saman med tekniske ressursar og gode støttefunksjonar meiner vi er ein av suksessfaktorane i våre forskingsprosjekt. Vil du jobbe saman med oss?
Ved Sverdrup har vi ledig ei 100% åremålsstilling som materiellteknikar i 2 år.
Arbeidsoppgåver
Som materiellteknikar ved Sverdrup vil du delta i arbeidet med å gi forskarane best mogleg praktisk støtte. Du vil i hovudsak ha ansvar for klargjering, utlevering, instruksjon i bruk, mottak og vedlikehald av alle typar feltutstyr. Du vil delta i det praktiske arbeidet med å førebu gjennomføringa av NP sin ekspedisjonsverksemt i og rundt Ny-Ålesund. Du vil også delta i den dagelege drifta – dette vil også kunne omfatte taubanedrifta til Zeppelinfjellet. I høgsesongen (april til september) vil du inngå i vaktordninga til Sverdrup.
Kvalifikasjonar
For stillinga krevst:
- Ingeniørutdanning, teknisk fagskole eller teknisk/mekanisk fagbrev. Omfattande arbeidserfaring frå det aktuelle fagområdet vil i spesielle tilfelle kunne vege opp for utdanningskravet.
- gyldig førarkort for bil.
I tillegg ønskjer vi at du har arbeidserfaring innan logistikk, samt mekanisk og digital kompetanse. Gyldig truckførarbevis (T1-T4), D5L-sertifikat (fritidsskipper), IMO-60 sertifikat, ROC-radio sertifikat, samt passasjer- og krisehandteringskurs er også ønskeleg. Om du er sjøvant og har erfaring med feltarbeid, feltsikkerheit og våpen, spesielt på Svalbard, så er det ein fordel.
Ny-Ålesund er eit lite, tett samfunn med mange ulike menneske og på stasjonen er det allereie eit godt etablert team. Når vi vel vår neste materiellteknikar legger vi derfor stor vekt på personlege eigenskapar, om anna gode samarbeidsevner. I Ny-Ålesund er du langt frå allfarveg, så du må vere allsidig, fleksibel og kanskje litt kreativ for å finne gode løysningar saman med kollegaene dine. Arbeidsforholda i Arktis kan vere utfordrande og krevjar god fysisk form og helse, du må derfor også bestå helsesjekk etter våre retningslinjer.
Sidan du vil vere i kontakt med mange ulike typar menneske er det viktig at du kommuniserer godt skriftleg og munnleg, både på norsk/anna skandinavisk språk og på engelsk. Arbeidsspråket vårt er norsk.
Dette kan vi tilby
- Unik åremålsstilling i et unikt samfunn.
- Interessante og spanande arbeidsoppgåver i eit internasjonalt miljø.
- Lønn etter statens regulativ i kode 1085 avdelingsingeniør. For spesielt godt kvalifiserte søkarar kan kode 1087 overingeniør vurderast. Det blir trekt 2% til Statens pensjonskasse.
- Polartillegg, p.t. kr 4.110,00 per månad.
- Fast godtgjering for ukvæm arbeidstid, p.t. kr 3.533,00 per månad.
- Svalbardskatt, p.t. 16,2%
- Dekt losji og kost med mat i messe (fordelsskatting)
- Dekt reise til/frå det norske fastlandet ved start og slutt i stillinga (fordelsskatting)
- Gode pensjons- og forsikringsordningar gjennom Statens Pensjonskasse.
Mangfald er viktig for oss! Om du er kvalifisert for stillinga, er du velkommen som søkar uansett kjønn, alder, kulturell bakgrunn, nedsett funksjonsevne eller hol i CV-en. Vi rapporterer på dei to siste, så det vil kunna brukast i rapporteringa til regjeringas inkluderingsdugnad. Det er spesielle helsekrav til denne stillinga, blant anna fordi jobben skal utførast under litt andre forhold enn normalt. Det gjer at moglegheitene våre for tilrettelegging av arbeidsplassen kan vera vanskeleg, men vi vurderer det alltid.
Ver oppmerksam på at det er ikkje moglegheit å ha familie busett i Ny-Ålesund.
Søknad
Spørsmål om stillinga kan rettast til leiar for NP Ny-Ålesund Helge Tore Markussen, headnpi.nya@npolar.no, tlf. 79 02 74 01, eller materialforvaltar i Ny-Ålesund Jon Leithe, jon.leithe@npolar.no, tlf. 79 02 74 05.
Søknadsfristen er 15. mars 2021.
Søknad med relevante kvalifikasjonar og erfaring, CV, kopi av sertifikat, vitnemål og attestar, og namn på minst tre referansar må registrerast i www.jobbnorge.no. Vedlegg skal registrerast saman med søknaden i Jobbnorge.
All informasjon blir behandla konfidensielt fram til søknadsfristen går ut. Instituttet utarbeider så ei offentleg søkarliste. Søkarar som ikkje ønskjer å stå på lista, må grunngje dette særskilt i søknaden. Etter offentleglova kan opplysningar om søkaren gjerast offentlege sjølv om søkaren har bedt om å ikkje bli ført opp på søkarlista, jf. offentleglova § 25, andre leddet.
Vi ønskjer ikkje kontakt med annonseseljarar.
Om bedriften
Norsk Polarinstitutt
er eit direktorat under Klima- og miljødepartementet og har ca. 160 tilsette i Tromsø, på Svalbard og i Antarktis. Polarinstituttet driv naturvitskapleg forsking, kartlegging og miljøovervaking i Arktis og Antarktis.
Instituttet er fagleg og strategisk rådgivar for staten i polare spørsmål, representerer Noreg i fleire samanhengar og er den norske miljøstyresmakta i Antarktis. Les meir på www.npolar.no.