Leiar - psykolog/ psykologspesialist i TFCO-team
Om stillinga og arbeidsstaden
Bufetat, region vest har ledig ei fast 100 % stilling som behandlingsleiar for nyoppretta TFCO-team i Bergen.
Behandlingsteamet består av behandlingsleiar, familieterapeut, individualterapeut for ungdommen, ferdigheitstrenar for ungdommen, og behandlingsheimskonsulent. Som behandlingsleiar i TFCO vil du leie arbeidet med teamet sitt behandlingstilbod. Du vil vere ansvarleg for teamet sitt arbeid, resultat og utvikling. Behandlingsleiar vil rapportere til einingsleiar for behandling av ungdomar Region vest, og vil inngå i eininga sitt leiarteam. Tilsetjingsprossesen skjer i samarbeid mellom Bufetat og Nasjonalt utviklingssenter for barn og nge (NUBU).
Arbeidsoppgåver
- Leie og koordinere behandling for ungdommar og familiar i TFCO, i samsvar med TFCO sine behandlingsprinsipp og praksis.
- Fagleg og personaladministrativ leiing av behandlingsteamet.
- Budsjettansvar.
- Leie og koordinere behandlinga for ungdommar og familiar i TFCO.
- Leie behandlingsmøter og rettleiingsgruppe for behandlingsheim kvar veke.
- Sjå til at ungdommen sine behandlingsplanar vert følgde, og ha oversikt over ungdommen si utvikling i behandlinga.
- Rekruttere og rettleie behandlingsheimar.
- Deltaking i TFCO-programmet si kontinuerlege opplæring og fagutvikling.
- Ansvar for at TFCO sine kvalitetssikringsrutiner vert følgde, inkludert månadleg rapportering til NUBU.
- Ansvar for dokumentasjon av teamet sin aktivitet og etterleving av regelverk.
- Kvalitetssikring.
- Ansvar for systemarbeid internt i organisasjonen og i høve til samarbeidsinstansar.
- Vere tilgjengeleg for alle involverte partar utover normalarbeidstid.
- Utføre andre løpande arbeidsoppgåver.
- Tilgjengelegheit på telefon utover normalarbeidstid og noko kvelds- og helgearbeid må påreknast.
Kvalifikasjonskrav
- Profesjonsstudiet i psykologi, norsk autorisasjon.
- Det er ynskjeleg med erfaring frå arbeid med barn/ungdom med åtferdsvanskar, og arbeid med familiar.
- Det vert kravd grundig kjennskap til metoden sit teoretiske fundament, dvs. systemteori, kognitiv åtferdsterapi og sosial læringsteori.
- Erfaring frå arbeid etter metoden, eller erfaring frå leiing av andre evidensbaserte tiltak vert vektlagt.
- Erfaring frå leiing er ynskjeleg, men ikkje avgjerande.
- Relevante IKT-kunnskapar.
- Fordel med erfaring frå barnevernsinstitusjonar.
- Søkjar må ha sertifikat klasse B og må kunne disponere bil i tenesta.
Personlege eigenskapar
- Du må ha evne til å arbeide som ein del av eit behandlingsteam, og vere ein tydeleg og samtidig fleksibel leiar.
- Du må vere målretta, systematisk, god på å integrere informasjon frå ulike instanser, og ha god skriftleg og munnleg framstillingsevne på norsk og engelsk.
- Den riktige kandidaten trivst med å treffe krevjande avgjersler i ein travel kvardag.
- Ein føresetnad for arbeidet er ynskje om, og moglegheit til, å kunne arbeide fleksibelt.
- Det vil bli lagt avgjerande vekt på personlege eigenskapar og gode samarbeidsevner.
Vi tilbyr
- Grundig opplæring i metoden.
- Rettleiing i det kliniske arbeidet.
- Fagleg oppfølging og utvikling.
- Stillinga inneber ei unik mogleglegheit for grundig opplæring i ein behandlingsmodell som har vist gode resultat for ungdom med åtferdsvansker. Den gir også moglegheit til å vere med å byggje opp eit behandlingstilbod i Noreg for ei krevjande målgruppe. TFCO-teama mottar tett oppfølging og kvalitetssikring frå NUBU. Behandlinga foregår både poliklinisk og i heimen. Behandlingsleiar samarbeider tett med resten av behandlingsteam og andre instansar for å koordinere og målrette behandlinga.
- Stillinga er plassert i statleg lønsregulativ i stillingskode 1493 leiar, p.t. kr 597 000 - 694 400 pr. år (ltr. 66 - 74), i stillingskode 0794 psykolog, p.t. kr 535 200 - 643 000 pr. år (ltr. 60 - 70), eller i stillingskode 1304 psykolog med godkjent spesialitet, p.t. kr 658 300 - 768 500 pr. år (ltr. 71 - 78). Avlønning og stillingskode vert vurdert etter utdanning og erfaring. For spesielt godt kvalifisert søkjarar kan høgre lønn vurderast.
- Kompensasjonstillegg for tilgjengeleghet, beredskap og ubekvem arbeidstid kjem i tillegg.
- Medlemskap i Statens pensjonskasse, jf. lov om Statens pensjonskasse, som inneber ei god tenestepensjonsordning, tilbod om bustadlån til gunstig rente, og yrkesskade- og gruppelivsforsikring.
Opplysningar til deg som søker
- Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velge ut riktige kandidatar bruker vi ikkje avkrysningane til noko anna enn anonymisert statistikk.
- Politiattest vert kravd framlagt ved tiltredinga, jf. lov om barnevern § 6-10 og forskrift om politiattest § 6. Denne attesten skal ikkje leggjast ved søknaden.
- Stillinga er for tida lagt til TFCO team Bergen.
- Vi gjer merksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista, jf. lov om rett til innsyn i dokument i offentleg verksemd (offentleglova) § 25.
- Stillinga er nyoppretta og kan få endra arbeidsoppgåver i ein etat i vekst og endring.
- Det vert gode moglegheiter for personleg og fagleg utvikling.
- Tilsetjingsprossesen skjer i samarbeid mellom Bufetat og NUBU, og søkjarar må vere innforstått med at NUBU får innsyn i søknader.
- Intervju vil bli gjennomført 18. juni.
Kontaktpersonar for stillinga
Rebecca Ervik-Jeannin, TFCO-konsulent ved NUBU,
tlf. 948 66 857, epost: r.j.ervik-jeannin@nubu.no
Idar Krumsvik, avdelingsdirektør, Bufetat, region vest,
tlf. 466 18 981, epost: idar.krumsvik@bufetat.no
Søknad med CV vert sendt elektronisk via lenkje på denne side.
Vitnemål og attestar med bekrefta storleik og lengde skal takast med ved eit evt. intervju.
Om bedriften
Om Bufetat
Barne-, ungdoms- og familieetatens fem regionar har som hovudoppgåve å drifte og drive etaten sine institusjonar og familievernkontor. I tillegg har regionane ansvar for fosterheimsrekruttering og oppgåver knytt til adopsjon. Barn, unge og familiane deira skal få riktig hjelp til rett tid uansett kvar dei bur i Noreg. Bufetat sine fem regionar og Bufetat Senter for administrasjon og utvikling rapporterer til Barne-, ungdoms- og familiedirektoratet som er underlagd Barne- og familiedepartementet.
Bufetat, region vest femnar om fylka Vestland og Rogaland. Regionkontoret ligg i Bergen.
Barne-, ungdoms- og familieetaten har eigne einingar som driv med Treatment Foster Care Oregon (TFCO), ein evidensbasert, tidsavgrensa og familiebasert behandlingsmetode for ungdom med alvorlege åtferdsvanskar. Metoden er utvikla som eit alternativ til institusjons- eller anna gruppebasert plassering. Ungdommen plasserast i ein behandlingsheim som mottar tett oppfølging frå behandlingsteamet. Det arbeidast samstundes med familie og øvrige relevante system rundt ungdommen.
Implementeringen av TFCO i Norge leiast av Nasjonalt utviklingssenter for barn og unge (NUBU) - i samarbeid med Barne-, ungdoms- og familieetaten. Behandlingsleiar og terapeutar er tilgjengelege for behandlingsheim, ungdom og familiar 24 timer i døgnet, 7 dager i veka. Tilgjengelegheit er regulert gjennom eigen avtale for TFCO og er godt økonomisk kompensert.
Les meir om TFCO her: http:www.nubu.no/TFCO/